Naalakkersuisut aamma ingerlatseqatigiiffiup Kuannersuarni suliniuteqartup byretip itigartitsinera naammagisimaaraat. Suliaq nunatsinni ingerlanneqartussanngorpoq.

Arnaq 49-nik ukiulik toqungasoq Qaqortup eqqaani nunaqarfimmi marlunngornermi siumorneqarpoq, Kalaallit Nunaanni marlunngornermi ualikkut kingusissukkut paasissutissiipput.

Tunumi aaqqiissutit amigaataaneri pillugit isornartorsiuisoqareersorlu, Aqqaluaq B. Egedep nutaarsiassatigut saqqummerfissani nammineq toqqarsinnaaguniuk aatsaat oqaaseqarusunnerarpoq. Taassumap kissaataa KNR-imit itigartinneqarpoq.

Timersoqatigiiffinni nammineq piumassutsimik sungiusaasunik pissarsiniarnerup ajornakusoornera ajunngitsorsiassaliinikkut iluaquserneqarsinnaasoq Naalakkersuisut isumaqarput.

Royal Arctic Line Tasiilamut nioqqutissanik pajulluni sapaatip akunnerata siuliani tikippoq. Innuttaasulli arlallit pisiniarfiit nioqqutissaaleqilernissaat ernummatigaat, umiarsuarmillu assartuummik ukiup qaangiutinnginnerani tikittoqaqqinnissaa kaammattuutigaat.

USA-mi naalakkersuisut ulluni 40-ni suliunnaarsinneqarsimanerat Senatimi taasinerup kingorna maanna qaangiutilerpoq.

Atuagaq 'Taakku [Kalaallit]' GUX-imi Nuummi tallimanngormat saqqummermat, arnat inuusuttut pingasut nunatta Danmarkillu akornanni inuuneq misigisalikkersaarutigaat.

Angut tarnikkut nappaatilinnut immikkoortortaqarfimmi ilisimaneqartoq, containerimik marlunngornermut unnuaani ikuallaasutut pasineqarpoq. Angut pasineqarpoq, politiiniilli tigummigallarneqarunnaaqqereerpoq, sillimasut pisortaat paasissutissiivoq.

Qaqortumi 2026-mi mittarfeqalerpat, nunatta kujataani takornariat amerlanerujussuanngussasut, misissuinerup nutaap Innovation South Greenlandimit ingerlanneqartup ersersippaa. Akunnittarfinnik neriniartarfinnillu pilersitsisqarnisamik aningaasaliisoqarnissamillu tamanna pisariaqalersitsivoq.

Tasiilami inissaaleqinermi ilungersunartorsiornermi containerit ineqarfiusinnaasut iluaqutaassapput. Containerit ineqarfiusinnaasut arfineq-pingasut iserterfigineqarsinnaaliivinnissaat naatsorsuutaavoq, taakkualu nammineq najugaqalernissamut sungiusarfittut atorneqassapput, kommuni allappoq.

2026-mut aningaasanut inatsit ataasinngornermi ullaap tungaa saqqummiunneqarpoq. Demokraatit, Atassut, IA aamma Siumut isumaqatigiissummut peqataapput. Naalakkersuisup oqariartuutaa erseqqippoq: Aningaasanut isumaqatigiissut akisussaaffiuvoq, ukiulli tulliuttut qulit ilungersunassapput.

PET naapertorlugu nunatta Danmarkillu attaveqatigiinnnerat, tapersersortissarsiorlutik sunniiniartunit innarlerniarneqarpoq.

Angut 62-inik ukiulik Qaanaameersoq ullumi aqagulu eqqartuussivimmi unnerluutigineqassaaq. Suliami qitiusut marluk nakuusernermut toqutseriarnermullu tunngassuteqarput.

Anorersuarujussuaq Fung-wong Filippinerinut sapaammi anngunnissaa naatsorsuutigineqarpoq, tassani sakkortuumik siallernissaa, anorlernissaa ulinnissaalu aarleqqutigineqarpoq.

Kalaallit Nunaata Politiivini ulloq unnuarlu ulapaarfiungaatsiaqqippoq. Nuummi illoqarfiup qeqqani, tallimanngornermi unnukkut pisumi nakuuserluni ujajaasoqarneranik takunnissimasinnaasunik, politiit aamma ujaasipput.

Nunatta nammineq oqartussaassuseqalerniarluni sorsuuteqarnera, Sara Olsvigip ilisimatuutut misissuinermini paasiniarpaa. Nunarsuarmilu pissutsit allanngorarfigeqisaanni oqartussaassuseqarnerulerniarneq imaannaanngilaq.

Kommunimi partiit suleqatigiit akigititanut 1.000 koruuninut annerpaaffissaliiniarput. Kommunimili agguaqatigiisitsigaanni isertitaqarnerujussuit kisimik iluaqutissinneqassapput.

Aqqusinermi eqqissiviilliornerit, biilertilluni ajutoorneq, nakuuserneq, angerlarsimaffimmilu eqqissiviilliornerit. Soorlu sapaatip-akunnera kingulleq imigassartorpallaarsimatilluni ajutoornermik kinguneqakkajuttarmat mianersoqqusineq politiit kaammattuutigeqqippaat.

Sallunaveeqqutitut tigummiat 48-t iperagaanissaat, Hamasip Israelillu sakkuaakkunnaarallarnissamik oktobarimi isumaqatigiissutaanni isumaqatigiissutaavoq. Inuit suli uumasut 20-t maannamut iperagaapput Israelimullu tunniunneqarlutik. Sallunaveeqqutitut tigummiat ilaata toqungasup timaa tunniunneqartoq 2023-mi oktobarip ulluisa arfineq-aappaanni toqutaavoq.

Nuummi Mind Your Own Businessimi illoqarfimmi nukappissanut angutinullu inuusuttunut siunissamut isumallualersitserusullutik arnat marluk ullut tamaasa sulipput – ataatsimoornikkut, atassuteqaatitigut suliffeqarfeeqqatigullu allanngornerujussuarnut ineriartortitsisut.

Angut 38-nik ukiulik nukappiaqqanik 13-init 17-inut ukiulinnik kinguaassiutitigut atornerluisimasutut, unioqqutitsisumillu videoliorsimasutut ukiuni sisamani pineqaatissinneqarsimasunut inissiisarfimmiittussanngortinneqarpoq.

Pineqaatissiisarnermi killerititap ukiut quliniit ukiut 16-inut sivitsorneqarnissaanut inatsisissatut siunnersuut Folketingimi sapaatip-akunnerani matumani saqqummiunneqarpoq. Allannguut pineqaatissitaanermi inuunermut, eqqartuussiveqarnermut inuiaqatigiinnullu, piffissaq ungasinnerusoq eqqarsaatigalugu qanoq sunniuteqassanersoq, Tom Ostermannip nassuiaatigaa.

Naleraq aaqqissuusseqqinnerit amigaataanerannut akerliliissuteqarluni aningaasanut inatsisissap isumaqatiginninniutigineqarneranit tunuarpoq. Jens Napaattuup naalakkersuisoqatigiit akisussaassuseqannginnerarlugillu aningaasanut tunngatillugu innersuussutinik tusaaniaannginnerarpai.

Folketingimi oqalutsitut atorfinitsinneqartut sulineq suli aallartinngitsoq soraartut. Inatsisartunit oqalutsinik atuisarneq Aaja Chemnitzip (IA) isornartorsiorpaa.

Attumi meeqqerivimmi meeqqat nerisaat ilanngarneqartut, tamannalu sipaarniarnermik peqquteqartoq, kommunalbestyrelsimut ilaasortaq angajoqqaarlu KNR-imut qanittukkut oqarput. Taamaattoqanngitsorli, borgmesteri, Simigaq Heilmann, oqarpoq.

Angut 38-nik ukiulik nukappiaqqanik 13-init 17-inut ukiulinnik kinguaassiutitigut atornerluisimasutut, unioqqutitsisumillu videoliorsimasutut ukiuni sisamani pineqaatissinneqarsimasunut inissiisarfimmiittussanngortinneqarpoq.

Arnat spiralilersuinermi eqqugaasimasut Danmarkimiittut tarnip pissusianik ilisimasalimmik aqqaneq-marloriarlutik oqaloqateqarsinnaalerput. Oqaloqateqarsinnaaneri siullermik marlunnut killeqaraluarput.

USA-p Danmarkimi aallartitartaavata, Ken Howeryp, kunngi pingasunngornermi oqaloqatigaa, Løkkelu sisamanngornermi pulaarlugu.

Ken Howeryp USA-p pissaanermik atuisinnaanera akerlilinngilaa, Donald Trumpillu siusinnerusukkut oqaaseqarnera innersuussutigalugu.

Ilisimatusarnermi festivaali aqagu aallartittussaq nunarput tamakkerlugu ilisimatusarnermi sammisaqartitsinernik, saqqummiinernik ataatsimeersuarnernillu ilaqassaaq.

Peqqissutsimut inunnullu Innarluutilinnut Naalakkersuisoqarfik pisortataaliivippoq. DIH-mi pisortap tullia, Aka Olesen naalakkersuisunit atorfinitsinneqarpoq.

Innuttaasut nualluummik aarlerinartorsiorsinnaanngitsuniittut namminneq akiliillutik novembarip aqqaneq-aappaata tungaanut akiuussuserneqariartorsinnaapput: - Inunnut imminnut illersorusuttunut neqeroorutaavoq, nunap immikkoortortaani Sermersuumi nakorsat pisortaat oqarpoq.

Suliffimmi piumasaqaatit nakuusernerillu naartumik katatsinissamut navianaateqarnerulersitsisartut, misissuinerup nutaap takutippaa.

Grønlandsbankenip ukiup pingajorarterutaani akileraannginnermi angusai 30 procentit sinnerlugit appartut – aningaaseriviulli sullitami aningaasaqarnerat pitsaasutut isigaa, aallaqqaammullu naatsorsuutigisamit angusarissaarnerunissartik naatsorsuutigalugu.

USA-p nunarput aqulerusuppaa, aallartitanngortinneqaqqammertorli oqaaseqarusunngikkallarpoq.