Suliffeqarfiup politikkikkut akuerineqaqqaarani aallartissinnaatinneqarsimanerata saqqummiunneqarnera pissutigalugu Bentiaraq Ottosen (A) tunuarnissaminik nalunaaruteqarpoq.

Kalaallit ilinniartut sisamat, aningaasaateqarfimmit 'Ivalo & Minik Fonden'-imit 200.000 koruuninik tunineqarput. Legatinnattut ilisimasaqarnerulerniarlutik piginnaasaqarnerulerniarlutillu Australiami, Schweizimi Norgemilu paarlaasseqatigiinnikkut ilinniariassapput.

Nunarsuarmioqatitta nunatsinnik soqutiginninnerulernerat ilisimatusarnermut festivalimi Nuummi ukioq manna qulequtarineqarpoq. Ilisimatuut nunanit tamalaaneersut, nunap soqutigineqarnera ilisimatuussutsimut inuiaqatigiinnullu qanoq ilisimasaqalersitsisinnaanera iluaqutaasinnaaneralu oqallisiginiarlugu katersuutissapput.

Akerliussutsimik takutitsisut amerlassusilerneqanngitsut, COP30-p Brasiliami marlunngornermi ataatsimeersuarfiata eqqaanukarput.

Múte B. Egedep (IA) oqarnera naapertorlugu Danmarkimi Kalaallit Illuutaanni isumaginninnikkut suliniutit danskit naalagaaffiata aningaasalersortariaqarpai. Isumaqatigiissullu taama ittoq piffissami matumani naleqquttoq, folketingimut ilaasortaq, IA-meersoq, Aaja Chemnitz isumaqarpoq.

Angut 35-nik ukiulik arnap 49-nik ukiullip toqungasup Qaqortup eqqaani nunaqarfimmi ippassaq ullaap tungaani siumorneqarneranut atatillugu tigummigallarneqartussanngortinneqarpoq.

Sakkortuumik anorlernissaanik DMI aqagumut ilimasaaruteqarmat, Nuummiit Nuummullu timmisartuussinissat tamarmik Air Greenlandimit taamaatiinnarneqarput.

Timersortartut akikinnerusumik angalasalernissaat GIF ileqquusumik ataatsimeersuarmat oqaluuserineqarpoq.

Mari Kleist Ilisimatusarfimmi rektoritaassatut toqqarneqarpoq. Taamaalilluni Gitte Adler Reimer ukiuni arfineq-pingasuni atorfeqartoq pisortatigoortumik kingoraassavaa.

Brasiliami silap pissusia pillugu ataatsimeersuarneq “nunap inoqqaavisa ataatsimeersuarnerannik” taaneqarpoq. ICC-p tamanna silap pissusianut naleqqussaanermi aningaasaliissutinik pissarsilernissamut aallarniissutaanissaa neriuutigaa.

Sinniisoqarfik nutaaq Nuutoqqamiissaaq, sapaatillu akunnerani kingusinnerusumi ammarneqassalluni. Canadap Danmarkillu nunanut allanut ministerii atoqqaartitsinissamut atatillugu nunatsinnukassapput.

Københavnimi Kalaallit Illuutaata suliniut «Naapitta» 700.000 koruuninik aningaasaliiffigineqartoq aallartippaa. Suliniuteqartuusut suliniutip nunatta Danmarkillu akornanni naligiinnerusumik atassuteqartitsilissasoq neriuutigaat.

Trumpip nunarput pillugu oqaasii, Danmarkip illersornissamut ministeriata «ajornartorsiuteqartitsisimanerarpai».

Kalaallit politiivini misissuinerup, suliffimmi suliat imaannaanngitsut ilungersunartullu pissutaallutik amerlasuut kingunipiloqartitsisartut ersersippaa. Tamanna Kommune Kujallermi upalungaarsimasut ilisaraat.

Naalakkersuisut aamma ingerlatseqatigiiffiup Kuannersuarni suliniuteqartup byretip itigartitsinera naammagisimaaraat. Suliaq nunatsinni ingerlanneqartussanngorpoq.

Arnaq 49-nik ukiulik toqungasoq Qaqortup eqqaani nunaqarfimmi marlunngornermi siumorneqarpoq, Kalaallit Nunaanni marlunngornermi ualikkut kingusissukkut paasissutissiipput.

Tunumi aaqqiissutit amigaataaneri pillugit isornartorsiuisoqareersorlu, Aqqaluaq B. Egedep nutaarsiassatigut saqqummerfissani nammineq toqqarsinnaaguniuk aatsaat oqaaseqarusunnerarpoq. Taassumap kissaataa KNR-imit itigartinneqarpoq.

Timersoqatigiiffinni nammineq piumassutsimik sungiusaasunik pissarsiniarnerup ajornakusoornera ajunngitsorsiassaliinikkut iluaquserneqarsinnaasoq Naalakkersuisut isumaqarput.

Inuk timmisartumik Sermitsiamut oktobarip 25-anni apornermini ajunaartoq nassaarineqarlunilu timaa tiguneqarpoq.

Royal Arctic Line Tasiilamut nioqqutissanik pajulluni sapaatip akunnerata siuliani tikippoq. Innuttaasulli arlallit pisiniarfiit nioqqutissaaleqilernissaat ernummatigaat, umiarsuarmillu assartuummik ukiup qaangiutinnginnerani tikittoqaqqinnissaa kaammattuutigaat.

USA-mi naalakkersuisut ulluni 40-ni suliunnaarsinneqarsimanerat Senatimi taasinerup kingorna maanna qaangiutilerpoq.

Atuagaq 'Taakku [Kalaallit]' GUX-imi Nuummi tallimanngormat saqqummermat, arnat inuusuttut pingasut nunatta Danmarkillu akornanni inuuneq misigisalikkersaarutigaat.

Angut tarnikkut nappaatilinnut immikkoortortaqarfimmi ilisimaneqartoq, containerimik marlunngornermut unnuaani ikuallaasutut pasineqarpoq. Angut pasineqarpoq, politiiniilli tigummigallarneqarunnaaqqereerpoq, sillimasut pisortaat paasissutissiivoq.

Qaqortumi 2026-mi mittarfeqalerpat, nunatta kujataani takornariat amerlanerujussuanngussasut, misissuinerup nutaap Innovation South Greenlandimit ingerlanneqartup ersersippaa. Akunnittarfinnik neriniartarfinnillu pilersitsisqarnisamik aningaasaliisoqarnissamillu tamanna pisariaqalersitsivoq.

Tasiilami inissaaleqinermi ilungersunartorsiornermi containerit ineqarfiusinnaasut iluaqutaassapput. Containerit ineqarfiusinnaasut arfineq-pingasut iserterfigineqarsinnaaliivinnissaat naatsorsuutaavoq, taakkualu nammineq najugaqalernissamut sungiusarfittut atorneqassapput, kommuni allappoq.

2026-mut aningaasanut inatsit ataasinngornermi ullaap tungaa saqqummiunneqarpoq. Demokraatit, Atassut, IA aamma Siumut isumaqatigiissummut peqataapput. Naalakkersuisup oqariartuutaa erseqqippoq: Aningaasanut isumaqatigiissut akisussaaffiuvoq, ukiulli tulliuttut qulit ilungersunassapput.

PET naapertorlugu nunatta Danmarkillu attaveqatigiinnnerat, tapersersortissarsiorlutik sunniiniartunit innarlerniarneqarpoq.

Angut 62-inik ukiulik Qaanaameersoq ullumi aqagulu eqqartuussivimmi unnerluutigineqassaaq. Suliami qitiusut marluk nakuusernermut toqutseriarnermullu tunngassuteqarput.

Anorersuarujussuaq Fung-wong Filippinerinut sapaammi anngunnissaa naatsorsuutigineqarpoq, tassani sakkortuumik siallernissaa, anorlernissaa ulinnissaalu aarleqqutigineqarpoq.

Kalaallit Nunaata Politiivini ulloq unnuarlu ulapaarfiungaatsiaqqippoq. Nuummi illoqarfiup qeqqani, tallimanngornermi unnukkut pisumi nakuuserluni ujajaasoqarneranik takunnissimasinnaasunik, politiit aamma ujaasipput.

Nunatta nammineq oqartussaassuseqalerniarluni sorsuuteqarnera, Sara Olsvigip ilisimatuutut misissuinermini paasiniarpaa. Nunarsuarmilu pissutsit allanngorarfigeqisaanni oqartussaassuseqarnerulerniarneq imaannaanngilaq.

Kommunimi partiit suleqatigiit akigititanut 1.000 koruuninut annerpaaffissaliiniarput. Kommunimili agguaqatigiisitsigaanni isertitaqarnerujussuit kisimik iluaqutissinneqassapput.

Aqqusinermi eqqissiviilliornerit, biilertilluni ajutoorneq, nakuuserneq, angerlarsimaffimmilu eqqissiviilliornerit. Soorlu sapaatip-akunnera kingulleq imigassartorpallaarsimatilluni ajutoornermik kinguneqakkajuttarmat mianersoqqusineq politiit kaammattuutigeqqippaat.

Sallunaveeqqutitut tigummiat 48-t iperagaanissaat, Hamasip Israelillu sakkuaakkunnaarallarnissamik oktobarimi isumaqatigiissutaanni isumaqatigiissutaavoq. Inuit suli uumasut 20-t maannamut iperagaapput Israelimullu tunniunneqarlutik. Sallunaveeqqutitut tigummiat ilaata toqungasup timaa tunniunneqartoq 2023-mi oktobarip ulluisa arfineq-aappaanni toqutaavoq.

Nuummi Mind Your Own Businessimi illoqarfimmi nukappissanut angutinullu inuusuttunut siunissamut isumallualersitserusullutik arnat marluk ullut tamaasa sulipput – ataatsimoornikkut, atassuteqaatitigut suliffeqarfeeqqatigullu allanngornerujussuarnut ineriartortitsisut.