Nuna tamakkerlugu nalunaarutiginninnerit ulloq unnuarlu arfineq-marluupput.

USA-p Kalaallit Nunaannik ataatsimeeqateqarnissaanik pilersaartueqartoqarnersoq pillugu Politikenip apeqqutaa Præsidentip Illorsuaniit akineqanngilaq.

Naalakkersuisut oqartussaaffinnik agguataarigallaqqipput. Tamanna Bentiaraq Ottosenip (A) Naalakkersuisutut tunuarniarluni qaammatip aallartinnerani aalajangernerata kingorna pivoq.

Trumpip Kalaallit Nunaanni erneratut ilaatigut taaneqartarpoq Trumpimillu nuannarisaqarluinnartuuvoq. Jørgen Boassenip qarmaasutut ulluinnarni suliunnaarluni Amerikamiut pisoorsuit kristumiullu akiligaannik sumut tamaanga maanna angalasarpoq.

Upernaviup nunaqarfia, Tasiusaq Tusassip tallimanngornermi ualikkut ajornartorsiuteqarnerani attaveeruppoq.

Tupinnartut alapernaannerullu Dorthe Hegelund Kjeldsen nunarsuarmi arlaleriarlugu angalatippaa. Ilaquttat angerlarsimaffillu qimallugit ukiorpassuarni angalasarnerata, nunatsinnut tunngasut pillugit sunik tamanik qujamasussinnaaneq aamma ilikkarpaa – kinguaariinnut inuusunnerusunut kissaatigisaa.

Folketingimi siulittaasoqarfimmi, Præsidiet, ilaasortaq naapertorlugu ilaasortat Atlantikup avannaaneersut Folketingimi sulinngiffeqarnerminni marloriaammik akissarsiaqassanngillat. Chemnitzip IA-meersup tamanna isumaqataaffigaa.

Nunatsinni atuarfiit oqummik eqqugaasimasut pillugit aaqqiissuteqartoqartariaqartoq, IMAK-ip sapaatip-akunnerata naanerani ataatsimeersuarani siulittaasutut qinigaaqqittup Elna Thomsen Heilmannip erseqqissaatigaa.

Sapaatiummat dronet Aalborgip mittarfiata eqqaaniissimanersut, Nordjyllandip politiivisa ataasinngornermi ullaakkut suli akissutissarsisimanngilaat.