Narsami blok D-mi pingasunngornermi unnukkut ikuallattoqarpoq. Inissiaqarfinni arfinilinni najugaqartut allamut inissinneqarput.

Sisoraatinik oqilaniunnermi piukkunnaateqarluartut marluk inuusuttuaqqat VM-ernissaanni ukiuni 16-ini siullerpaamik kalaallinik peqataasoqarnissaa qulakkeerpaat.

Ane B. Jensen inuit innarluutillit ukiuni 40-ni sullippai. Taanna NiiK-ip akissarsiaritittagaanik maanna nersornaaserneqarpoq.

Namminersortut unamillerneqarnissamik kisermaassinermillu aarleqquteqaruttortut, Tkilluarip suliffisanik nittarsaasisartuusortaaq, suliffissarsiortarfittaaq unammillertitut isiginngilaa – Naalakkersuisuniilli erseqqinnerusumik nalunaaruteqartoqarnissaanik ujartuisoqarpoq.

Donbas oqaluttuarisaanermullu pingaarutilik Novorossija qanorluunniit pisoqaraluarpat russinut atassasut, Ruslandip præsidentia USA-mik ataatsimeeqateqareerluni oqarpoq.

Aningaasaateqarfiulersinnaasoq 10 milliardit koruuninik aningaasartaqartoq inuussutissarsiornermi suliniutinut namminersortunut, piiaavinnut kivitsillunilu aningaasaliisartunut qularnikinnerulersitsissaaq. Aaja Chemnitzip oqarnera naapertorlugu tamanna tuaviortuuvoq – kisianni sunaana utaqqigipput?

Europamiut aningaasaliisarfiat Mestersvigip kujataani Malmbjergimi aatsitassarsiornissamut suliniummut aningaasaliivoq. Naalakkersuisup tamanna 'ilorraap tungaanut alloriarnerujussuunerarpaa'.

Ukiukitsoq aallarussisimasutut imigassartorsimatillunilu biilimik ingerlatsisutut unnerluutigineqarpoq. Aasianni ikuallattoqarpoq – aasit, taavalu angut pinngitsaaliilluni kujannissimasutut unnerluutigineqarpoq.

Naalakkersuisut ataatsimiititaliarsuarmik pilersitsinermikkut Kalaallit Nunaata namminiilivinnissaanik kinguarsaasutut Naleraq isornartorsiuivoq. Isornartorsiuineq, ilisimatusartumit Ulrik Pram Gad-imit taperserneqartoq.

Tusagassiortoq atuakkiortorlu Martin Breum Kalaallit Nunaat Issittorlu pillugit podcastimi nutaami aallakaatitsinermi ingerlatitsisuuvoq. Tassani piffissami matumani pisut annerpaat ilaat pillugit paasisaqalersitsiniarluni ilisimatusartut aallakaatitsivimmut aggersarneqarput.

Trumpimik tapersersuisup nunatsinni piginneqatigiiffinni piginneqataassutinik pisinera pillugu mianersornissamut pissutissaqartoq immikkut ilisimasalik isumaqarpoq.

Kommune Kujallermi aningaasaqarnikkut suli ilungersualluinnarpoq. Taamaammat Kommune Kujallermi kommunalbestyrelse akileraarutinit isertitat qaffakkiartornerata malitsigisaanik 31 millionit koruuninik sinneqartooruteqartussatut pilersaaruteqarluni missingersuusiorpoq.

Danmarkimi kommunini anginerpaani arfiniliusuni Københavns Kommune kisiartaagallarluni, Kalaallisut tunuliaqutaqartut oqaatsit ilitsoqqussatik atorlugit atuartinneqartarsinnaanissaannut neqerooruteqarpoq. Tamanna ilisimasaqarnerulertoqarnissaanik immikkut suliniuteqartoqarneranik pissuteqarpoq.

Indonesiami ulussaarsuarnerani qarsutsinerup kingorna inuit 631-t ajunaarput. Inuit 472-it ujaarineqarput.

KNAPK-p immikkoortortaqarfii kissaatigimmassuk, Vittus Qujaukitsoq pisortaajunnaartoq, siulittaasoq oqarpoq.

Ujaminnassinnaasutut neriuuteqarfigisat illoqarfinnit assigiinngitsuneersut Nunarput sinnerlugu aappaagu Arctic Winter Gamesimi unammissapput.

Kommuneqarfik Sermersuumi Upalungaarsimasoq ullumimiit nutaamik normoqalerpoq.

Air Greenlandip nassiussalerinermi aaqqissuussinermut nutaamut nuunnerata nuna tamakkerlugu allakkanik poortukkannillu isumaginninneq unammillernarsisissimavaa, pingaartumillu Nuummi poortukkat amerliartuinnarnerat, nassiussanik tigusaqarnissaq nalinginnaasumit utaqqinarnerulersippaa.

Qanoq ikuallattoqalersimanera, ikuallannerlu najugaqartunut qanoq kinguneqarsimanersoq, Kalaallit Nunaanni Politiit oqaluttuarivaat.

Kalaallit Nunaat pillugu oqaluttuaalerumaartunut eqqumiitsuliat naleqqatut atorneqarsinnaassasut Nivi Christensen isumaqarpoq. Taamaammat nunatta eqqumiitsulianik saqqummersitsivissaanut suliniutinut pisortatut ataasinngorpat sulileruni, eqqumiitsuliat kisiisa pinavianngilai – nunattali nassuiaasersorneqarnerunissaanut inissaqartitsiniarpoq.

Nuummi blok 17-ip isuata nalaani arfininngornerup ullaavata tungaani ikuallattoqarpoq. KNR-ip politiit oqaaseqartinniarsarai.

Kimmernaq Kjeldsen aamma Hans Henrik Suersaq issittumi nipilersornermik unammisitsisoqarnerani Kalaallit Nunaat peqataalerpat scenemut qaqissapput.

Nukissiorfiit Kangaatsiami innaallagissiorfianni illorsuup naqqanut, silataanut immamullu sapaatit akunnerata ataatsip ingerlanerani pinerni marlunni uuliakoortoqarpoq. Imaanut kuuttoq qanoq angitiginersoq ilisimaneqanngilaq, siaruaatereermallu katersorneqarsinnaanngitsoq, kommunimi upalungaasimasut naliliipput.

Bodybuildingimi nunarsuarmi kakkannerpaat unammineri Nunatsinneersumik peqataasoqarput.

Kommuneqarfik Sermersuup Nuup ilisarnaatissaanik unammisitsinermi ajugaasoq saqqummiuppaa. Kommunip oqarnera naapertorlugu ilisarnaat illoqarfimmut ataatsimoortitsillunilu Nuummi kulturimik, oqaluttuarisaanermik siunissamilu ineriartornissamut ersersitsissaaq.

Peqqissaasut Kattuffiata (PK) ataatsimeersuarnerai siulersuisunik nutaanik qinersisoqarpoq. Kalaallit peqqissaasut tusaaneqarnerulernissaat piffissami tulliuttumi anguniarneqassaaq, PK-mi siulittaasoq oqarpoq.

Nuummi aqqusinermi Qeqertanummi angut lastbiilimit aporneqarnermi kingorna toquvoq. Politiit takunnissimasinnaasunik ujartuipput.

Tusagassiorfik Sermitsiaq naalakkersuisut pisortat nittartakkakkut suliffissarsiorfittaarnissamut pilersaarutaannik kisimik isornartorsiuinngillat. KNR-ip suliffeqarfiit namminersortut marluk nunatsinni suliffissanik nittarsaassisartooreersut oqaloqatigai.

Qeqertarsuup eqqaani inuit marluk umiatsiaminnik ippassaq unnukkut benzinaaruttoorput. Taakku SAR-imik unnuaq annaanneqarput.

Washington D.C-mi Angut Afghanistanimiu sakkutuumik aallaasersorluni toqutsisuussangatinneqarpoq. Trumpi sukannersumik iliuuseqarnissaminik ilimasaaruteqarpoq.

- Ineriartornermut malinnaajuarnerput najuuttuarnerpullu naleqquttuutipparput, DR-imi nunanut allanut aaqqissuisoq suliaqaqatigiit atuagassiaannut Journalistenimut oqarpoq.

Aviaja Holm Jensen ukiuni arfineq-marlunni suliffeqarfimmeereerluni decembarip aallaqqaataa aallarnerfigalugu pisortanngussaaq, taassumalu Great Greenlandip kulturikkut kingorngutagut pingaartitsinera, pitsaassuseq ineriartornerlu pitsanngorsarniarpai.

Kinguaassiuutitigut atornerlunneqarsinnaanermut illersuiniarlutik, kinguaassiuutitigut ukiutigut akuerisap ammut killingat pillugu aalajangersakkat naammannersut nalilersuiffigineqarnissaat, Naalakkersuisut aallartippaat.

Kalaallit innuttaasut sananeqaataasa kingornuttakkat misissuiffigineqarnerisa kingorna, napparsimasut pitsaanerusumik katsorsarneqarsinnaalerataannaapput.

Greenland Airportsip Qaqortumi mittarfiup qaqugu ammarnissaa oqaatigaa. Ilulissani Mittarfiup ammarnissaa suli ullulerneqanngilaq, ukiamulli ammarnissaa naatsorsuutigineqarpoq.