Umiarsuarnik issittumi angallassisartussanik nutaanik pingasunik, Kalaallit Nunaata Savalimmiullu imartaanni ullumikkut angallassisunut taarsiutaasussanik, aningaasaliisoqarnissaa ukioq manna januaarip 27-ani aalajangerneqarpoq. Isumaqatigiissuteqartoqarneraniilli maanna ukioq ataasinngulillartorli, umiarsuarnik suli sanaartortussarsiortoqanngilaq.

Nuussuarmi inissiarsuit ilaasa tunuanni angut toqungasoq arfininngornermi siumorneqarpoq. Politiit piffissami tusaasaqarsimasut takunnissimasulluunniit attaveqarnissaannik kaammattuuteqarfigaat.

Nuummiit Nuummullu aqagu timmisartuunneqartussaagaluartut ataasinngornermut marlunngornermillu kinguartinneqarput.

Ulloq unnuarlu qaangiuttoq imigassartornermut attuumassutilinnik pisoqarfiuvoq. Kalaallit Nunaanni Politiit, suliani unnuaq pisuni eqqaaneqartut aappaanni, pisunik takunnissimasunit attavigineqarusupput.

Clinton sinnerlugu oqaaseqartartup oqarnera naapertorlugu, Clintonip Epsteinip pinerluttarsimaneranik ilisimasaqanngilaq. Inatsiseqarnermut ministereqarfik naapertorlugu, assit amerlasuut sapaatit-akunnerini marlunni aggersuni saqqummiunneqassapput.

Igaffimmi kaageerarsunnialaamiit, torsuusami erinarsorpalaamut: Nuummi Dronning Ingridip napparsimavissuaniittut angerlarsimaffimminni juullisiortussaanngitsut ilagaat.

Bella Jensen Kullorsuarmut angerlarnissaminut ulluni qulini sivisunerusunik utaqqisariaqarpoq. Aallartippoq silap ajornera pissutigalugu kinguaattoortoqarmat, teknikkikkut ajutooqqanera pissutigalugu angalanissaa maannakkut kinguarteqqinneqarpoq.

Danskit Naalakkersuisuisa Folketingimut paasissutissanik tunniussisarnerisulli, Naalakkersuisut Inatsisartunut tunniussisarnissaat Naleqqami politikerip kissaatigaa.

Kalaallit Nunaata nunanit tamalaanit qarasaasianut paasissutissaasiviliortussanik kajungerilersitsinissaa Signe-Ravn Højgaard naapertorlugu imaaliallaannaq pinavianngilaq; ajornanngilarli.

Angut 48-nik ukiulik USA-mi Brown Universitymi aallaasersorsimasutut pasisaq toqungasoq siumorneqartoq, politiit pisortaat ilisimatitsivoq.

Sisimiuni decembarip ulluisa qulingannit 14-iata tungaanut Lârsêraq Ski Festivalertoqarpoq, sisoqqattoqarpoq, sungiusaasutullu pikkorissartoqarluni, naallu aputaasakkaluartoq festivali ataatsimuussusermik misigisaqarfiuvoq.

Naleqqap folketingimut ilaasortaatitaata Aki-Matilda Høegh-Damip Danmarkip Kalaallit Nunaatalu illersornissaq pillugu isumaqatigiinniarnerat qanoq ingerlanersoq Folketingip apeqqarissaartitsinerani paaserusuppaa.

Pineqaatissiisarnermi killigititaq sivisunerpaaq ukiunit qulinit 16-inut sivitsorneqarnissaa pillugu, Inatsisartut piumasaqaataat Folketingimi ullumikkut naammassillugu suliarineqarpoq.

Kalaallit Nunaanni Politiit qatserisartullu sisamanngornermi ualisoq Nukissiorfimmiittut.

Pineqaatissiisarnermi killigititaq sivisunerpaaq ukiunit qulinit 16-inut sivitsorneqarnissaa pillugu, Inatsisartut piumasaqaataat Folketingimi ullumikkut naammassillugu suliarineqarpoq.

Ukraine 2026-mi qaammatit pingasut siulliit naaneranni aningaasaataaruttussanngorpoq. Taamaattumik massakkut aaqqiissutissarsiortoqartariaqarpoq.

Taanna Folketingip Kalaallit Nunaannut ataatsimiititaliaata aaqqissugaraa, KNR-imiillu peqataavugut.

Aningaasaqarnermut Akileraartarnermullu ataatsimiititaliaq piginneqatigiiffinnut paasissutissaasivilinnut nunatta qanoq pilerinarsarneqarsinnaaneranik ilisimasassarsioriartorluni Irlandimut angalavoq.

Nuummi mittarfimmit timmisartuussisarnerit qaammatit pingasut kingulliit killilersorneqarsimariarlutik maanna nutaamik aaqqissuussisoqartalissaaq, Naviarimi Greenland Airportsilu timmisartuussisarnerit pisariillisarneqarnissaat pillugu nutaamik isumaqatigiissuteqarput.

Naluttarfik Malik januaarip aallaqqaataanni 2026-mi matusussaagaluarpoq, naluttarfiulli matunissaa marsip aallaqqaataanut 2026-mut kinguartinneqartoq.

Nuup Bussii A/S Kommuneqarfik Sermersoorlu isumaqatigiissummik allannguillutik tusagassiuutinut nalunaaruteqarput. Tamannalu ukiumi nutaami bussernermi akiliinerusoqartalernissaanik kinguneqassaaq.

Kalaallit angutit assammik arsarnermi nunanut allanut unammisartut pisortatigoortumik nunanut allanut unammereerlutik 2026-mi VM-imut, nunarsuarmi anngunniukkiassapput.

Silaannaap kissatsikkiartornera siornatigut nalaanneqarnikuunngitsumik qaffakkiartortoq, nalunaarusiamik allaaserinneqataasup oqaatigaa.

Nanortalimmi meeqqat atuarfiat Nanortallip Atuarfia saaluallaqarnera pissutigalugu, juullimi atuanngiffiup tungaanut matuneqarpoq.

Piginnaatitaasut ataatsimoortilernissaannut nunallu nunanik allanik isumaqatiginninniarsinnaaneranut piginnaanngorsaasinnaasumik misilittagalimmik pisariaqartitsisoqartoq, taassuma erseqqissaatigaa.

Maritha Brobergip Bentiaraq Ottosen, novembarimi tunuartoq, naalakkersuisutut taarserpaa.

Najukkami nammineq aqutsineruneq, avammut tuniniaaneruneq, aalisakkerivimmik nutarterineq misissuinerlu nutaaq Ittoqqortoormiit ineriartortinneqarnissaanut iluaqutaassapput.

Nunanit allanit aningaasaliissutit misissorneqartarnissaat pillugu inatsisissatut siunnersuut isornartorsiorneqareersoq naalakkersuisoq mianersoqqusilluni kajumissaarivoq.

Naalakkersuisut ilaasortassat nutaat tallimat toqqarpaat. Ilaasortanngortut Oqaasiliortuni 2029-p naanissaata tungaanut atuutissapput.

Naak Ruslandimik oqaloqateqarnissaq Naleqqap ammaakkusukkaluaraa, Ruslandimik oqaloqateqarnissaq periarfissaanngitsoq, nunanut allanut naalakkersuisup Vivian Motzfeldtip erseqqissaatigaa. Ruslandimi Ukrainemik saassussivoq inuttullu pisinnaatitaaffiit unioqqutillugit.

Sydneymi aallaasersortoqarnerani pinerluttoq 24-nik ukiulik Australiami inunngorpoq, angutaali 50-inik ukiulik nunamut tassunga 1998-imi nunassippoq.

Aallartisarnermi ataatsimeersuartoqareernerani peqatigiiffimmik pilersitsisoqarpoq. Business Angels Network Greenland (BANG) aallarnisaanerup siuariartornissaanut aningaasaliisussarsiussaaq.

Ajutoornerit pillugit misissueqqissaartartut timmisartup Nuummi oktobarip 25-anni nakkarneranut paasissutissat pillugit nalunaarusiaagallartoq saqqummiuppaa. Nalunaarusialli piariivinnissaanut suli ukioq ataaseq ingerlaqqaaratarsinnaasoq, ajutoornerit pillugit misissueqqissaartartut pisortaat, tusagassiorfimmut Sermitsiamut oqarpoq.

Sipisaq Kangillermi biilip aappaa paarlangasumik ingerlavoq. Ajutoortut tamarmik aniguipput.

Nukissiorfiit aningaasaqarnerat oqimaaqatigiissumik ukiuni arlalinni ingerlanngilaq. Imermik innaallagissamillu pilersuinermut akit akigititaq tunisassiarineranit annikinneruvoq. Taamaammat naalakkersuisut ukioq nutaamit atuutilersussamik akinik qaffaaniarput.