Issittumi Sakkutooqarfiup pisortaata USA-mit aarlerinartoqannginnerarpaa, innuttaasullu eqqissisimalluinnarsinnaapput, taassumalu Natop sungiusarneri qanoq ingerlassanersut oqaluttuaraa.

Nunatsinni Danmarkimilu inuit tusindilikkaat nunatta Trumpip nunatsinnik tigusinissamut pilersaarutaanut akerliunerminnik ullumi takutitsipput.

Naalakkersuisut Danmarkimi ataatsimeereernerup kingorna Danmarkip Kalaallit Nunaata upalungaarsimaneranut tapersiiniartoq oqaatigaat. Tapersersuinerli suna pineqarnersoq ilisimaneqanngilaq.

Naalakkersuisut siulittaasuat Københavnimi ukiortaami ilasseqatigiinnermi ippassaq oqalugiarpoq, taassumalu Kalaallit Nunaata USA-mut ilaarusunnginneranut oqariartuut uteqqippaa.

USA-p Kalaallit Nunaat pillugu oqaaseqaataata nutaap kingorna tatiginartuunera annikillisoq, Folketingimut ilaasortaq Aaja Chemnitz (IA) isumaqarpoq.

USA-mik siooranartoqaannarpoq, Trumpimmi nunarput suli perusuppaa. Suleqatigiissitap tunngaviusumik isumaqatigiinngissutaasumi ajornartorsiutaasut aaqqiivigineqartussanngorpai.

Washington D.C.-mi pingasunngornermi ataatsimiittoqareersorlu Danmarkip iligisai arlallit sakkutuunik Kalaallit Nunaannukartitsissallutik aalajangerput.

- Ullut kingulliit sakkortusimapput, piareersarpugut, aammalu sakkortusiartortumik tatineqarneq sakkortusimavoq, nunanut allanut naalakkersuisoq Vivian Motzfeldt ataatsimiinnermi oqaluttuarisaanermi pingaaruteqartumi tassa amerikamiut nunanut allanut ministerianik aamma præsidentip tullersortaanik ataatsimeeqateqareerluni oqarpoq.

Illersornissaqarfiup NATO-mi iligisat qanimut suleqatigalugit Kalaallit Nunaanni sungiusarnernik annertusisamik ingerlatai nangissallugit Naalakkersuisut Illersornissamullu ministereqarfik aalajangerput.

Kalaallit Nunaat maannakkorpiaq pisoqarfioqaaq. Taamaattumik ataatsimoornissarput pingaaruteqarluinnartoq, naalakkersuisut siulittaasuat oqarpoq.

Amerikamiut præsidentiata tullersortaa J.D. Vance Washingtonimi aqagu ataatsimiittoqalerpat peqataassaaq.

Naalakkersuisut siulittaasuata danskillu ministeriunerata Kunngeqarfik ataatsimoornerarlugu tusagassiortunik katersortitsinermi oqarput.

Avannaani takornariartitsisartup Trumpip Kalaallit Nunaannut immikkut sinniisussaa, Jeff Landry, ukiumoortumik qimussersuarnissamut Avannaata Qimussersuanut qaaqquaa. Qasigiannguini marsip 28-anni anngunniuttoqassaaq.

Inatsisartut ministerillu Kalaallit Nunaata Danmarkillu akornanni attaveqaqatigiinnerat piorsarneqartariaqartoq, Vivian Motzfeldt isumaqarpoq.

USA-p vicepræsidentia J.D. Vance nunanut allanut tunngasunut ministerit pingsasunngorpat ataatsimiinnissaannut peqataassaaq.

Lisa Murkowskip USA-p Kalaallit Nunaatalu akornanni atassuteqarnerup aallaqqaataaneertinneqarnissaa kaammattuutigaa, Free Associationilli oqallisigineqarnissaa itigartitsissutiginngilaa.

Inatsisartuni Nunanut Allanut Sillimaniarnermullu Ataatsimiititaliaq Amerikamiut senatorii ataatsimeeqatigiartorlugit aallassapput, Pipaluk Lynge (IA) oqaluttuarpoq.

Aaja Chemnitz (IA) Kalaallit Nunaat pillugu ataatsimiititaliami siulittaasutut, Amerikamiut senatoriisa, Folketingimi ilaasortat Inatsisartunilu ilaasortat sapaatip-akunnerata matumani ataatsimiinnissaannut ataqatigiissaarisuuvoq.

Naalakkersuisut nunatta illersorneqarneranut Natomi nunat arfinillit suleqatigerusuppaat.

Louisianamit guvernøri immikkut aallartitanngortinneqarpoq, Kalaallit Nunaata assinga amerikamiut erfalasuanik qalipassimasoq inoqatinut attaveqaatitigut sammineqangaatsiarpoq. Trumpip nunatsinnik tigusinissamut apeqqut qaqilertoqqippaa.

Nunanut allanut ministerit pingasut nunanut allanut politikkimi aaqqiagiinngissutaasumik oqaloqatigiinneranni nunarput oqaaseqartuussasoq, Vivian Motzfeldt oqarpoq.

Politiit isertortumik paasiniaasartuisa Jørgen Boassen assortorpaat, kalaallillu qinersinerannut ataatsimilluunniit akuliussimannginnerarlutik.

Nalunap, Naalakkersuisut aamma Kommune Kujalliup akornanni nutaamik isumaqatigiissuteqartoqarpoq. Isumaqatigiissut sumiiffimmi suliffissanik innuttaasunullu aningaasanik qulakkeerinnissutaassaaq.

Arnaq inuusuttoq 17-inik ukiulik inuusuttoqatiminit allanit sisamanit tallimanngornermut unnuaani saassunneqarpoq. Inuusuttut pinerluttut marluk eqqartuussivimmi sassartinneqassapput.

Aaja Chemnitzip (IA) Inatsisartuni ilaasortat Folketingimi Nunanut Allanut Tunngasunut Ataatsimiititaliami ataatsimiinnernut peqataasinnaanngorniassammata Folketingimut inatsit allanngortinneqartariaqarsoraa.

USA-mik soqutigisallip, Jørgen Boassenip danskit isertortumik paasiniaasartui PET Inatsisartunut qinersinermut sunniuteqarsimanerarpai. Oqarnera tamanna uppernarsaatissaqartinneqanngilaq.

(function(n){function c(t,i){n[e](h,function(n){var r,u;if(n&&(r=n[n.message?«message»:«data»]+««,r&&r.substr&&r.substr(0,3)===»nc:«)&&(u=r.split(»:«),u[1]===i))switch(u[2]){case»h«:t.style.height=u[3]+»px«;return;case»scrolltotop«:t.scrollIntoView();return}},!1)}for(var t,u,f,i,s,e=n.addEventListener?»addEventListener«:»attachEvent«,h=e===»attachEvent«?»onmessage«:»message«,o=n.document.querySelectorAll(».live-center-embed»),r=0;r

Pipaluk Lyngep (IA) Inatsisartunut ilaasortat nunatta qitiuffigisaanut, naalagaaffissuit naalakkersuinermi nunanut allanut tunngasutigut ingerlatsinerat pillugu Folketingimi tusarliuteqqusaanngitsumik ataatsimiinnermut qaaqquneqannginnerat isornartorsiorpaa.

Kalaallit Nunaata USA-mut ilaasariaqarnera qularutissaanngilaq, Præsidentip illorsuani pisortaq, Stephen Miller oqarpoq.

Kalaallit Nunaata nunanut allanut tunngasuni politikkikkut suut anguniagarinerai, nunatsinni partiit isumaqatigiissutigisariaqaraat, Aki-Matilda Høegh-Damip, Naleqqameersup, kissaatigaa.

Oqqakkiartuaarnikkut kunngeqarfiup soqutigisai sulissutigineqarnavianngillat, Lars Løkke Kalaallit Nunaat pillugu ataatsimiittoqareersorlu oqarpoq.

USA pillugu immikkut ilisimasalik naapertorlugu, Donald Trumpip kongressi avaqqullugu, Venezuelamisulli sakkutuulersorluni Kalaallit Nunaannik tiguaaniarnissaa ilimananngilaq.

Oquk pissutigalugu meeqqat atuarfii sisamat tamakkiisumik ilaannakuusumilluunniit matoqqapput. Nuna tamakkerlugu atuartut 1200-nit amerlanerusut eqqorneqarput.

USA «nunamik arlaannaannilluunniit tiguaaniarsarinngitsoq», decembarimili Jeff Landry erseqqissaavoq.

USA-p Kalaallit Nunaannut sioorasaarinini pimooruppagu, iligiit qanoq qisuariarnissaannut Frankrigi pilersaarusiorpoq.