Ikiaroornartutorsimatilluni biilernerup inerteqqutaalernissaa Aaja Chemnitzip (IA) siunnersuutigaa. Siunnersuut naalakkersuisunit danskillu naalakkersuisuinit suli tamatumunnga akisussaasunit tapersersorneqarpoq.

USA, Kalaallit Nunaat Danmarkilu pingasunngorpat ataatsimiissasut, USA-p nunanut allanut tunngasunut ministeria Marco Rubio oqarpoq.

WALLS – Akinni Inuk Bodilimik 2026-mi nersornaaserneqartussatut innersuunneqarpoq.

Frankrigip præsidentiat Parisimi tusagassiortunut sassarnermini kalaallisut oqaluppoq. Kalaallit Nunaat kalaallit pigigaat tassani oqarpoq.

Angut timmisartoqarfimmi isumannaallisaavik aqqusaareerlugu sulisunit ministeriunerup timmisartuutaanukaanneqarami timmisartumut tallimanngornermi unnukkut ikivoq. Ajornartorsiulli unaavoq: Angut timmisartumut tassunga ilaasussaanngivippoq.

Angut 25-nik ukiulik Qaqortumi ukioq kingulleq pinngitsaaliilluni atoqatiginneriaraluarsimasutut toqutseriarsimasutullu unnerluussaq ullumikkut aqagulu eqqartuussaassaaq.

Sila 360 Danmarkimi innuttaasut kalaallisut tunuliaqutalinnut, inatsisitigut ikiorneqarnissamut neqerooruteqarnissamut suliniummik nutaamik, februaarip aallaqqaataani piareersimasuuteqarpoq.

Kalaallit Nunaata Politiivi Paamiuni pasinartumik toqusoqarneranik misissuinertik aallartippaat. Angut tigusarineqarpoq.

Danmarkimi Kalaallit Nunaannilu naalakkersuisut siulittaasui naalakkersuisuunerit Berlinimut ataatsimeeqatigiartussavaat, Emmanuel Macronilu Parisimi kingusinnerusukkut naapissallugu.

Kalaallit Nunaanni timersoqatigiit kattuffiat aamma Elite Sport Greenland timersornermi nersornaatinik agguaapput timersortartut Maligassiuisut Showimi nalliuttorsiutigineqarmata.

Naalakkersuisoq, Anna Wangenheim coronap nalaani pisunut innersuussivoq: - Pissutsit coronap nalaanut assingupput, taakku ataatsimoorluta oqartussallu innersuussutaanik malinninnikkut qaangerpagut.

Danskit peqqissaasuisa ilaat nunatsinnut suliartortussaagaluit suliartorumajunnaarput. – Pisoq qanimut malinnaavigaarput, peqqissaasullu maannarlutik suleqatigiartussappatigut ernumanartoqanngilaq, Peqqissaasut Kattuffianni siulittaasoq Navarana Johansen oqarpoq.

USA-p pilersaarutai - aamma Kalaallit Nunaannut tunngatillugu - Ruslandip sakkutuuisa malinnaavigilluinnaraat, Peskov oqarpoq.

Nunatsinni illoqarfiit pingaarnersaat arfininngornermi innaallagiaaruppoq. Utoqqarmiut Kangerluarsunnguani sakkortuumik anorlertoqarnerani attaveqaatit ajortissimanerat, Nukissiorfiit paasissutissiissutigaat.

Nunatta ataasiinnarmik pisortatigoortumik inuiattut erinarsuuteqarnissaa pillugu oqallinneq ukiut 47-t matuma siorna aallartippoq. Tamannalu Inatsisartuni oqallisigineqaqqinnissaa marlunngorpat pilersaarutaavoq.

Aningaasaqarnermut Siunnersuisoqatigiit nalunaarusiaminni nutaami siorna inissisimaffik naatsorsorpaat. Ukioq manna aamma aningaasaqarnikkut qanoq inissisimasoqarsinnaaneranik naliliipput.

Kalaallinut Danmarkimi najugalinnut, Kalaallit Nunaanni Danmarkimilu oqartussat ataqatigiissaakkamik suliniuteqarnerisigut ikiuigasuartoqarnissaanut pisariaqartitsisoqartorujussuuvoq. Danmarkimi kalaallit peqatigiiffianni Uagut-mi siulittaasoq Julie Rademacher oqarpoq.

Præsident Trumpip Natollu qullersaata Mark Ruttep, Issittup tassani Kalaallit Nunaat isumannaatsuutinnissaanut tunngatillugu pingasunngornermi oqaloqatigiinnerini, isumaqatigiissummi qanoq allassimasoqarnera pillugu kikkut tamarmik utaqqimaarput.

Nunat avannarliisa ministeriuneri tallimat nunatsinnut aqagu tikeraarniaraluarput.

Isumaqatigiissummi, Trumpip inoqatinut attaveqaatikkut pingasunngornermi saqqummiussaani, qanoq allaqqasoqarnersoq pillugu nunanit tamalaaneersunut tusagassiortunut sisamanngornermi ualikkut sassarnermini, Naalakkersuisut siulittaasuata erseqqissaatigaa.

Trumpip pingasunngormat ataatsimiinnerani Kina Ruslandilu eqqartorneqaqaat. Taamaaliorneq «namminissarsiorluni iluanaarnianermi patsisigineqartoq», Kina isumaqarpoq.

Pinngortitamut Avatangiisinullu Naalakkersuisoqarfiup quppersagaaraq ajornartoortoqassagaluarpat imminut ulluni tallimani napatinnissamut siunnersuutitaqartoq saqqummiuteqqammerluinnarpaa.

Amerikamiut præsidentiata Davosimi oqalugiarnermini Kalaallit Nunaannut sakkutooqarnermik atuiniarnani oqaatigaa. Tamatumali saniatigut piumasani pissanngikkuniuk sioorasaaruteqarpoq.

Kommuneqarfik Sermersuumi borgmesteri Avaaraq S. Olsenip, USA-p præsidentiata Kalaallit Nunaannut pilersaarutini pillugu Davosimi ullumi oqalugiarnera tv-kkut malinnaavigaa.

Sanaartorfimmi containerini ikuallattoqarnerata imeqarfiup killeqarfia pillugu suliaq nutaamik sammineqartileraa. Imeqarfiup oqaluuserineqarnera ukiuni arlalinni uninngasimasoq naalakkersuisoqarfiup maanna paasissutissiissutigaa.

USA-p akitsuusersuinissamut kalerriutaata nunarput toqqaannartumik eqqornavianngilaa. Nunalli allat nunatsinnut tapersersuiniarlutik aalajangiusimasut akisunaassagaat, Sulisitsisuni pisortaaneq Christian Kjeldsen oqarpoq.

Air Force One teknikkikkut ajornartorsiortoqarnera pissutigalugu utiinnartariaqarsimavoq, Trumpilu timmisartumut allamut nuuttariaqarsimalluni.

Inatsisartuni nunanut allanut sillimaniarnermullu ataatsimiititaliami siulittaasup Kalaallit Nunaata, Danmarkip USA-llu akornanni oqaloqatigiinneq kiisami aallartimmat nuannaarutigaa. Kongressimi ilaasortanik ataatsimeeqateqarnermini tusarliussaqarpoq.

Kristian Jeremiassen USA-p aallartitaanut Avannaata Qimussersuanut qaaqqusisoq qaaqqusissummik unitsitseqqusissummik toqqaannartumik nalunaarfigineqanngilaq.

Inatsisartuni nunanut allanut sillimaniarnermullu ataatsimiititaliami siulittaasup Kalaallit Nunaata, Danmarkip USA-llu akornanni oqaloqatigiinneq kiisami aallartimmat nuannaarutigaa. Kongressimi ilaasortanik ataatsimeeqateqarnermini tusarliussaqarpoq.

Kristian Jeremiassen USA-p aallartitaanut Avannaata Qimussersuanut qaaqqusisoq qaaqqusissummik unitsitseqqusissummik toqqaannartumik nalunaarfigineqanngilaq.

«Pisut killiffiat» qulequtarineqassasoq Naalakkersuisut tusagassiuutinut nalunaarummi allapput.

Naalakkersuisut tusagassiortunik katersortitsineq naammasseqammerluinnarpaat, taakku mattussinatik kisianni pisinnaasunut tamanut piareersarlutik innuttaasullu annerusumik paasissutissiissuteqarfigiumaarlugit oqaatigaat.

Vivian Motzfeldt USA-p præsidentiata tullersortaanik Natomillu ataatsimeeqateqareerluni angerlaqqimmat, inuit 100-t missaanniittut Nuummi mittarfimmi ulloqeqqata missaani tikilluaqqusipput.

Danskit ministeriunerat Trumpip akitsuusiinissamut siorasaaruteqarnerata kingornatigut nunatta, Danmarkip USA-llu akornanni ajornartoorneq pillugu sisamanngornermi apersorneqarpoq.