Naalakkersuisut siulittaasuat Siumup naalakkersuisooqatigiinnit tunuarnerata nalunaarutigineqarnera pillugu tusagassiortunut maanna sassatsiarpoq.

Siumut naalakkersuisoqatigiinnit tunuartoq tallimanngornermi ullaap tungaani tusatsiarneqarpoq.

Naaja Nathanielsenip Kunngeqarfiup iluani siunnersuisoqatigiiliortoqarnissaanik takorluugaa Demokraatit siulittaasuata ammaffigaa. Danmarkimulli atassuteqarnerup allanngortinneqannginnerani Folketingimut ilaasortaajunnaartitaqarnissaq piareersimaffiginngilaa.

Mojtaba Khamenei Iranimi innuttaasunit nunap siuttuattut toqqagaagamili takuneqaqqinngilaq.

Siumumit folketingimut qinigassanngortittup, Ane Lone Baggerip aalisartut piniartullu nunatta sineriaani 'Kalaallit Rangers'-iisut pingaarutilimmik nakkutilliitikkusuppai.

Kangia Qiterlermi akerleriittoqarnerani nunani allani uulia akitsoriartuinnartoq, tamanna nunatsinnut suli malunniutaanngilaq.

René Redzepi igaffimmi pisortatut atuuffini pillugu isorinnittumik aviisi saqqummiussereersorlu, tunuarniarluni aalajangerpoq.

Qaffasissumik atorfilittaasimasup, misilittagaqarluartup nunatsinnit folketingimut qinigassanngortittut sooq taama amerlatiginerat naliliiffigaa.

Kommuneqarfik Sermersuumi isumaginninnermut ataatsimiititaliap siulittaasuata Nuummi majuartarfeqarfinni sinittartut isornartorsiutigineqarnerat oqaaseqarfigalugulu tamanna inissaaleqinermik angerlarsimaffeqanngitsullu unnuisarfiiniissinnaajunnaarsitaasimanermik pissuteqarnerarpai.

Pisakinneruneq Royal Greenlandip Sisimiuni Ilulissanilu tunisassiorfiinut tunisassiornikinnerulersitsivoq.

Peqqissutsimut Inunnullu Innarluutilinnut Naalakkersuisup atorfini Folketingimut qinigaassaguni qimannissaa piareersimaffigaa.

Rheinmetall Tysklandimeersut kaaviaartitatik 45 procentit tungaannut 2026-mi amerleriassangatikkaat, ukiumoortumik naatsorsuutit inernerisa takutippaat.

Angut najukkami ippassaq unnukkut Kalaallit Nunaanni politiivineersuunerarpoq najugaqartorlu nakuuserfigalugu, sillimasut pisortaat ullaaq manna paasissutissiivoq.

Folketingimut qinersinissaq naalakkersuisoqatigiinni partiit akornanni isumaqatigiinnginnermik kinguneqarpoq. Siumut Anna Wangenheimip Naaja Nathanielsenillu atuuffimminnit sulinngiffeqarallarnissartik qinnutiginngippassuk naalakkersuisuniikkunnaarnissamik maanna sioorasaaruteqarpoq.

Greenland Mineralsip naalakkersuisut nunatta kujataani aatsitassarsiornermut suliniummik unitsitsineq pillugu suliami aningaasartuutaasa amerlanerpaartaat akilissagai isumaqatigiissitsiniarnermut eqqartuussiviup aalajangerpaa. Inatsisitigulli aaqqiagiinnginneq Nunatta Eqqartuussisuuneqarfiani nangeqqinneqassaaq.

(function(n){function c(t,i){n[e](h,function(n){var r,u;if(n&&(r=n[n.message?«message»:«data»]+««,r&&r.substr&&r.substr(0,3)===»nc:«)&&(u=r.split(»:«),u[1]===i))switch(u[2]){case»h«:t.style.height=u[3]+»px«;return;case»scrolltotop«:t.scrollIntoView();return}},!1)}for(var t,u,f,i,s,e=n.addEventListener?»addEventListener«:»attachEvent«,h=e===»attachEvent«?»onmessage«:»message«,o=n.document.querySelectorAll(».live-center-embed»),r=0;r

Naleqqap siulittaasuata, talerperliit akornanni Kalaallit Nunaata nammineq aalajangiisinnaatitaaneranik ungasillisitsiniartunik anguniagaqartoqarsoraa. Taamaattumik partii tunngaviusumik tapersersukkaminik tikkuussinngilaq.

Sakkutuut sungiusarnerat «Cold Response» Norge avannarpasinnerusortaani pivoq Issittumilu isumannaallisaanermik annertusaassalluni.

Kalaallit Nunaanni Politiit ukiukitsumik kinguaassiuutitigut atornerluineq pillugu suliaq misissuiffigigaat, pigaartut pisortaata marlunngornermi ullaakkut oqaatigaa.

Donald Trumpip issittumi sinniisuata aqutsisoqarfiup Kalaallit Nunaannut politikkiani Romimi ataatsimeersuarnermi illersuinerani inersuaq ilisimatusartunik nipaarutivissimasunik ulikkaarpoq. Katerinnermi Kalaallit Nunaat pillugu ilungersuanermi aarlerinartut saqqummiunneqartut peqataasut ilaata oqaatigaa.

Naaja Nathanielsenip Anna Wangenheimillu naalakkersuisutut atuuffitik qimallugit Folketingimi sulilernissartik piareersimaffigaat.

Kalaallit filmiliortartut nunatsinni filmiliortarnermik pilersitsinertik pissutigalugu Bodilimik Allakajaamik nersornaaserneqarput.

Anne Nivíka Grødem Visit Greenlandimi atorfimminit tunuariarluni Bankivimmi nunatsinni immikkoortortaqarfimmi pisortanngulerpoq.

Kalaallisut oqaatsigut oqarasuaatillu normui nunatsinneersut appikkut ataasinngornermiit atorneqarsinnaanngussapput.

Assiliisartup Oscar Scott Carlip assilisaa 2025-mi tusagassiortut assilisatsialaattut nersornaaserneqarnerani inuttaa ima oqarpoq: «Kalaallit Nunaat tuniniagaanngilaq.»

Nakuusertoqarneranik nalunaarutit ulloq unnuarlu kingulleq 'malunnaatilimmik amerlanerat', sillimasup pisortaata ataasinngornermi ullaakkut oqaatigaa. Nakuusertoqarneranik nalunaarutiginninnerit tallimaanerat pinngitsaaliisoqarsimaneranillu nalunaarutiginninnerup ataasiunera, politiit paasissutissiissutigaat.

(function(n){function c(t,i){n[e](h,function(n){var r,u;if(n&&(r=n[n.message?«message»:«data»]+««,r&&r.substr&&r.substr(0,3)===»nc:«)&&(u=r.split(»:«),u[1]===i))switch(u[2]){case»h«:t.style.height=u[3]+»px«;return;case»scrolltotop«:t.scrollIntoView();return}},!1)}for(var t,u,f,i,s,e=n.addEventListener?»addEventListener«:»attachEvent«,h=e===»attachEvent«?»onmessage«:»message«,o=n.document.querySelectorAll(».live-center-embed»),r=0;r

Taekwon-Do-mi nunanut allanut unammisartut nunatsinneersut Tjekkiemut unammiartorput.

Trumpip immikkut aallartitaa Jeff Landry, nunanut allanut tunngasutigut siuttut matoqqasumik isumaqatigiinniarneranni, pisortatigoortumik attaveqarnerit aningaasaqarnikkullu ineriartornissamik neriorsuinerit aqqutigalugit, kalaallit iluareqqusaarfigai. Taamaaliorneq immikkut ilisimasalinnit sunniiniarnertut taaneqarpoq.

Inatsisitigut ataataqanngitsunut suliniut arlallit soorlu tarnip pissusianik ilisimasalimmik oqaloqatiginninnissaat aamma ataatassarsiuussinermik suliamik aallartitsinissamut ikiorneqarnissaat nutaamik aallartinneqarput. Tamanna pisariaqartinneqarluinnartoq, eqqugaasimasut ilaat oqarpoq.

Siorna imigassaqarneruvoq. Naak naalakkersuisut ilungersunarluinnartoqarnera pillugu tusagassiortunik katersortitsisimagaluartut suli iliuuseqanngillat.

Nunatsinniit peqataajartortut katillugit 100-t missaanniissasut, Timersoqatigiit kattuffianni pisortaq, Jonas Jensen oqarpoq.

USA-mi Senatimi amerlanerussuteqartut taasinerminni, Iranimut iliuutsit akeqqersimaarpalaartut Kongressimit akuerineqartarnissaat itigartitsissutigaat.

Præsidentip tullersortaata nuliata tikeraarnissaata siorna saqqummiunneqarneranut atatillugu politeerpassuarnut tamakkiisumik aningaasartuutit saqqummiunneqarput.

Timersornermut Naalakkersuisup Nivi Olsenip (D) atorfiliullu ataatsip Italiami Ukiuunerani OL-ertoqarneranut malinnaajartornerat 125.000 koruunit missaanni naleqarpoq.