Franskit aallartitaata nunanik allanik niueqateqarnermut ministerip kalaallit franskillu suleqatigiinnissaannut neriuuteqarneq periarfissallu eqqartorpai.

Kikkunnit aningaasaliisoqarnissaa kissaatigineqarnersoq Kalaallit Nunaanni erseqqinnerusumik ilisimaneqartariaqarpoq, Aaja Chemnitz oqarpoq. Tassami aningaasaliinissamut periarfissat naammattumik atorluarneqarnikuunngillat.

Nunarput Frankrigilu aatsitassanut pingaarutillit pillugit suleqatigiinnissamik isumaqatigiissuteqarput. Taamaaliornikkut qaninnerusumik suleqatigiilerput. Naalakkersuisut nittartakkaminni taama allapput.

Konsuuleqarfik umiarsualiviup eqqaani illuaqqamit attartorneqarsimasumiit inissiarsuarmut illoqarfiup qeqqaniittumut, nunat akornanni pissutsit ilungersunarseruttorneranni, nuuppoq.

Meeqqat inuusuttullu angerlareernerminni ulloq unnuarlu angerlarsimaffinnut uteqqittartut suli takussaapput, meeqqamullu sunniutai sakkortusinnaapput. Tamanna meeqqanut inuusuttunullu ulloq unnuarlu angerlarsimaffiup Mælkebøttencenterip KNR-imut allakkatigut saqqummiuppaa.

Qaanaami Tunumilu aalisartut siunissami pitsaanerusumik tapiiffigineqarsinnalerput. Aalisarnermut naalakkersuisoqarfik tusagassiuutinut nalunaarummi taama allappoq.

Inulerivimmi pisortaq meeqqanik inuusuttunillu assigiinngitsutigut innarlerneqarnikunut qanoq oqaloqateqarnissamut siunnersuuteqarpoq.

Kalaallit Nunaanni Politiit qilaliarfimmi ulapaarsimapput, Nuummilu atuarfimmi ASK-imi ikuallattoqarpoq, inuusuttuararlu saassunneqarsimalluni.

Kalaallit meeqqat Danmarkimi angerlarsimaffiup avataanut inissinneqartut pillugit sulianik qanimut malinnaaffiginnittut, Tina Naamansenip aamma Laila Bertelsenip oqarnerat naapertorlugu inatsit kommunini arlalinni malinneqanngilaq, ilaqutariillu inatsisitigut isumannaatsuunerat suli tatineqarluni.