Meeqqat inuusuttullu angerlareernerminni ulloq unnuarlu angerlarsimaffinnut uteqqittartut suli takussaapput, meeqqamullu sunniutai sakkortusinnaapput. Tamanna meeqqanut inuusuttunullu ulloq unnuarlu angerlarsimaffiup Mælkebøttencenterip KNR-imut allakkatigut saqqummiuppaa.

Inulerivimmi pisortaq meeqqanik inuusuttunillu assigiinngitsutigut innarlerneqarnikunut qanoq oqaloqateqarnissamut siunnersuuteqarpoq.

Kalaallit Nunaanni Politiit qilaliarfimmi ulapaarsimapput, Nuummilu atuarfimmi ASK-imi ikuallattoqarpoq, inuusuttuararlu saassunneqarsimalluni.

Kalaallit meeqqat Danmarkimi angerlarsimaffiup avataanut inissinneqartut pillugit sulianik qanimut malinnaaffiginnittut, Tina Naamansenip aamma Laila Bertelsenip oqarnerat naapertorlugu inatsit kommunini arlalinni malinneqanngilaq, ilaqutariillu inatsisitigut isumannaatsuunerat suli tatineqarluni.

Dronning Margrethep uummataa noqartarmat Rigshospitalimut unitsinneqartoq kunngikkormiut ippassaq sisamanngornermi nalunaarutigaat. Maanna suliaritereerpoq ajunngilarlu.

Folketingip Kalaallit Nunaanni sakkut pillugit inatsit nutaaq akuerippagu, 15-ileereersimasut kisimik sakkut atorsinnaalissavaat.

Tusass millioninik amerlanerusunik sinneqartooruteqarnera ilutigalugu, akit naleqqussarneqarnissaat atuisut naatsorsuutigisinnaavaat. Tamanna ingerlatseqatigiiffiup tusagassiuutitigut nalunaarutaani saqqummiunneqarpoq.

Suliat Kangaatsiamut tunngasut Kommune Qeqertalimmit pimoorunneqarnerat, Borgmesterip Simigaq Heilmannip (D) oqaatigaa.

Grønlandbankenip ukiup sisamararterutaani siullermi naatsorsuutit saqqummiuteqqammerluinnarpai, naallu sinneqartoorutit siornamit appasinnerugaluartut aningaaserivik neriuuteqarluarpoq.

Meeqqat angajoqqaallu Kangaatsiap Atuarfiani Iparartarfimmi killissamik qaangiisoqarneratigut oqartussaasunit sumiginnarneqarput. Politikeri Aqqa Samuelsen (S), suliamut nammineerluni akuliuttoq, taama isumaqarpoq.

Nuummi mittarfimmi killilersuinerit atorunnaarsinneqarput, timmisartullu qangattarsinnaasut missinnaasullu marloriaammik amerlissapput.

Amerikamiut nunatsinni sakkutooqarfiinut tunngatillugu piviusunngortoqassappat Naalakkersuisut 'aalajangersimasumik oqaloqatigiinnissamut' piareersimasut, siulittaasup apersorneqarnermini oqaatigaa.

Toke Binzerip Royal Greenlandimi pisortaanertut atorfinitsitaanerata nalaani pisat amerlassusaat eqqarsaatigalugit piffissaq ajornaatsuinnaanngilaq. Pisariillisaanerli aningaasaliinerpassuillu annassutaasinnaapput.

Maniitsumi napparsimmavimmut tillinniartoqarsimasoq politeerlu sulinermi kingorna malersorneqarluni filmiliarineqarsimasoq, Kalaallit Nunaanni Politiit paasissutissiissutigaat.

Energy Transition Mineralsip pisortaata Naalakkersuisut Kuannersuarni suliniummik isumaginninnerat nunatta aningaasaliisartussarsiorneranut innarliisinnaanera Inatsisartunut mianersoqqussutigaa.

Anaanaasup nukappiaqqap naapertuilluanngitsuliorfigineqarsimasinnaanera nukappiaqqap Kangaatsiarmi ilinniartitsisuusimasumut pulaareernerata kingorna ernumassutigilerpaa.

Venezuela nunap assingani Trumpip Truth Socialimi saqqummiussaani, Amerikamiut erfalasuannik qalligaq takuneqarsinnaavoq.

USA-mit, Danmarkimit nunatsinniillu illersornissamik suliaqartut nunatsinni sumiiffiit assigiinngitsut misissuiffigaat.

Unicef-ip Inatsisartut nuna tamakkerlugu imigassamut politikkimik, meeqqanut inuusuttunullu allannguisussamik atuutsitsilernissaannik kaammattuuteqarfigai. Taakku ulluinnarni toqqissisimanissaq, nakuuserfigineqannginnissaq atornerluiffiunnginnissarlu pisariaqartippaat, suliniaqatigiiffik oqarpoq.

Nunatta inissisimanera, iliuuseqarluarneq aamma ataatsimoorneq pissutigalugit coronap tuniluunnera nunatta anigorluarpaa.

Jens-Frederik Nielsenip (D) Trumpip aallartitaa ataatsimeeqatigissaguniuk Kalaallit Nunaata killeqarfiisa ataqqineqarnissaat piumasariniarpaa.

Polar Seafoodip aalisakkeriviata matoratarsinnaanera pillugu Kommune Qeqertalik qanoq innissisimaniarnersoq suli maannamut pilersaarutinik saqqummiussisoqanngilaq. Pilersaarutinillu saqqummiussisoqarnissaa maanna piffissanngortoq Timooq Mølgaard isumaqarpoq.

USA-p Kalaallit Nunaanni, pissaanilissuarmit siornatigut sioorasaarneqartumi, pingasunik sakkutooqarfeqarnissap periarfissaanera Danmarkimut eqqaavaa.

Ilaasortat Atlantikup avannaaneersut naalakkersuisunngortitsinissaq pillugu ataasinngormat isumaqatigiinniaqataapput, tamatumalu piaartumik angusaqarfiujumaarnera neriuutigaat.

Anaanaasup paniusullu Kangaatsiami meeqqat atuarfianni ilinniartitsisup killissamik qaangiineranik misigisatik oqaluttuaraat.

Silap ajornera Nuummilu mittarfimmi nutaami aaqqinniagassat Air Greenlandimut ukioq manna naammaginanngitsumik angusaqartitsipput. Ajornartorsiuteeqqalli 2026-mi qaangerneqassapput.

Saviatsit masattut tonsilippassuit nunatta imartaanut ukiut tamaasa pisarput. Ilisimatuut innuttaasut ileqquinik maanna allannguiniarput, pisiniarfinni avatangiisinut mingutsitsinnginnerusunik toqqagassaqalernissaa anguniarpaat Tuluillu Nunaat assigalugu saviatsit masattut nioqqutaajunnaarnissaannik kaammattuillutik.

Lars Poulsen Siumumeersoq Inatsisartuni upernaakkut ataatsimiinnerup sinnerani peqataassanngilaq. Taassuma qanigisaata pinartumik tassanngaannartumik napparsimalernera tassunga pissutaavoq.