Kalaallit Nunaat Savalimmiullu OL-imut peqataanissamut namminneq eqimattaatitaqarsinnaanngillat. IOC taama oqarpoq. Read more
Nuup umiarsualiviata allilerneqarnissaanut siullermeerluni Qeqertaq allermi qaartitsisoqarpoq. Periarfissaqarneruleriartornitsinnilu pisariaqartoq, Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoq oqarpoq.
Maniitsumi inuit marluk pasinartumik toqusimanerannut suliami Kalaallit Nunaanni Politiit pinerluttoqarneranik misissuisartunit Danmarkimit ikiorneqarnissaminnik qinnuiginnipput.
Nunatsinni Nuummi qaannamik ulluni makkunani pissartanngorniuttoqaleruttorpoq, meeqqanut aamma unammersuartitsisoqarpoq.
Natop qullersaata Kalaallit Nunaat pillugu akerleriinneq, Trump Kalaallit Nunaannik aqutsilernissamik piumasaqaqqereersorlu, pingaaruteqartinnginneruniarsaraa.
Amerikamiut Danmarkimi aallartitaqarfiata USA-p ukiuni 250-inngortorsiutigaa. Tamanna Air Greenlandip tapersiineratigut pivoq.
Angut Aasianni pisiniarfiit ilaannit imigassamik tillissimasutut unnuaq tigusarineqarpoq. Uummannamilu hashi 900 grammit arsaarinnissutigineqarput.
Narsarsuaq siunissami qanoq ingerlariaqqissanersoq Narsarsuarmi nunaqarfiup aqutsisuisa siulittaasuat tusagassiuutinut ammasumik taama allagaqarpoq. Nunaqarfik sakkutooqarfinngoqqissanersoq siulittaasup ilaatigut apeqqutigaa.
Amerikami tv-kkut ilisimaneqarluartoq Dr. Phil nunatsinnukarniarunnaarpoq. Greenland Energy Company peqatigalugu Ittoqqortoormiinukarnissaa pilersaarutaagaluarpoq.
Inuit toqungasut marluk sumiiffimmi nalunaarutigineqareersullu Kalaallit Nunaanni Politiit Maniitsumi sumiiffimmiipput.
Folketingimut ilaasortap inatsisinik atuutsitsinermut ministerimut Nicolai Wammenimut, Kangaatsiami politeeqarfimmik pilersitsinissamik itigartitsineq naalakkersuisunit nalilersoqqinneqassanersoq apeqqutigaa. Tamanna ilutigalugu Sisimiuni politeeqarnerulernissaa ujartorpaa.
Danmark Issittumi umiarsuarnik aqqartartunik malersuillaqqinnerulissaaq.
Nuussuarmi pasinartumik misissuisoqarnerani angut 26-nik ukiulik toqutseriarsimasutut pasineqarluni tigusarineqartoq, politiit ilisimatitsipput.
Europamiit nunat Nato-mut ilaasortat Canadalu illersornissamut aningaasaliissutitigut USA-mut angummakkiartorput.
Peqqissaasut Danmarkimiit nunatsinnut suliartortut akissarsiami qaavatigut immikkut pissarsisalernissaat sulinerminnilu inigisaminnut akiliunneqartalernissaat isumaqatigiissutigineqarput.
Aalborgip naalagaaffiup aningaasaliissutaasa 3,6 million koruunit annerpaartaat pissarsiarai. Aningaasat taakku innuttaasut kalaallit suliffeqanngitsut amerlanerusut suliffeqalernissaannut ikiorniarlugit suliniutinut atorneqassapput.
Kalaallit Nunaanni Politiit arlallit Nuup illoqarfiata ilaani Nuussuarmiipput.
Naalakkersuisut avataani pisassiissutinik neqerooruteqartitsisimanertik atorunnaarsittariaqarsimavaat. Taamaattumik Aasiannut nunanillu allaneersunit pigineqartunut neqeroorummik nutartikkamik erseqqinnerusumik piumasaqaatitalimmik saqqummiussipput.
Amerikamiu atorfilittap oqarnera naapertorlugu, Trump Kalaallit Nunaannut tunngatillugu ataavartumik aaqqiissutissarsiorpoq.
110 kilometerinik isorartutigisumik arpattoqarnerani arnaq 22-nik ukiulik ujaarineqalerpoq. Kingorna ajoqusersimasoq Dronning Ingridip napparsimmaviliaanneqarluni nakkutigilluarneqarpoq.
Issittumi Sakkutooqarfik nunaminngaanniit silaannatigut illersuutaasinnaasunik sakkussialersornerunersoq assigiinngitsunik oqaaseqarfigineqarpoq. Tamannali KNR-imut maanna ilumuunnginnerarneqarpoq.
Issittumi Sakkutooqarfik umiarsuup akunnittarfiusup Nuummiit aallarnerata kingorna unnuiffissaaleqisitserusunnatik immikkut ittumik aaqqiissutissarsipput.
Sakkutuut ingeniøreqarfiannit Nuummi sapaatip akunnerata siuliani sungiusartoqarpoq, tassani ajutoortoqassagaluarpat, silarluttorujussuanngussagaluarpat sorsuttoqalissagaluarpalluunniit attaveqaasersuutinik aaqqissuusseqqinnissamik sungiusarlutik.
Danskit nunanut allanut ministeriata Jeff Landryp Amerikamiut naalakkersuisuinut ilaasortaannginnera pissutigalugu oqaaseqaatai akiuminaatsinnerarpai.
Trumpip immikkut aallartitaa Amerikamiut sakkutooqarfigisimasaasa sakkutuulersornerinit USA nunatsinnik tiguaasinnaanerarpaa.
Aallaasersortoq Aasianni illumut sisamanngormat ullaakkut seqqorsimasutut ulluni 28-ni tigummigallarneqartoq, Kalaallit Nunaanni Politiit KNR-imut paasissutissiissutigaat.
Kalaallit Nunaanni Politiit Sermitsiap nalaa inuiaqatigiit isumannaatsuunissaat eqqarsaatigalugu utaqqiisaasumik killilersorpaat.
Uummannami innaallagissiorfik juunimi ikuallappoq. Naallu pissutsit nalinginnaaleriartoraluartut illoqarfik tamakkiisumik suli innaallagialersorneqanngilaq.
Narsarsuup siunissaa pillugu suleqatigiissitaq ukioq manna aallaqqaataaniik sulissaaq. Kommune Kujallermi Kommunep pisortaa Randi Vestergaard Evaldsenip oqarnera naapertorlugu suleqatigiissitaq ukiuni kingullerni uninngasimavoq.
Nato nunat avannarliit nukittunerulersinnissaannut nunatsinni sungiusaqataavoq. Issittumi Sakkutooqarfiup suut ukiup ingerlanerani suliarineqarsimanersut oqaluttuaraa.
Arnat akuerseqqaaratik spiralilerneqarsimasut, implanonimik Depo-Proveramilluunniit naartunaveersaaserneqarsimasut taarsiivigineqarnissamik ippassaq qinnuteqarsinnaanngorput. Inuilli pisinnaatitaaffiinut siunnersuisoqatigiit eqqartuussissuserisorlu oqarnerat naapertorlugu aaqqissuussineq suli amigaateqartorujussuuvoq.
Inatsisartut siulittaasuata naalakkersuisut qineqqusaarutiminnik naammassinnittannginnerat tusagassiuutinut nalunaarummi illersorpaa. Tamannali Siumumit Naleqqamiillu isornartorsiorneqangaatsiarpoq.
Allaatigisami nutaami qalorsuarnik aalisarnerup inerteqqutigineqarnera ilisimatuussutsikkut uppernarsarneqarsinnaanngippat suliffissaarutsitsisinnaanera aningaasaliinernillu annaasaqaataasinnaanera mianersoqqussutigineqarpoq.
Inuk Aasianni illumut ullaaq manna seqqorpoq. Inuk aallaatinnermi kingorna napparsimmavimmiitinneqarpoq.
Greenland Minerals A/S-ip Kuannersuarni misissueqqissaarnissamut akuersissuteqarnissamik qinnuteqaataa kingulleq, paasissutissanik nutaartaqarnavianngimmat itigartinneqartoq, aatsitassanut naalakkersuisoq Múte B. Egede oqarpoq.
Air Greenland aamma KAK ukiuni pingasuni atuuttussamik suleqatigiinnissamik isumaqatigiissuteqarput, taamaalilluni nunanut allanut unammisartut angalanissaat ajornannginnerulissaaq, inuusuttut piginna asaqarnerulernissaminnik periarfissagissaarnerulissapput nunanilu tamalaani unammisarnissat nunatsinnut qaninnerulissallutik.
