Issittumi misissuisarfik ukiuni 120-ni Issittumi ilisimatusarnermut aallaaviuvoq. Paasissutissat piffissap sivisuup ingerlanerani katersorneqarsimasut nunarsuarmi silap allanngoriartornerata eqqornerusumik naatsorsorneqarnissaanut maannakkut atorneqarput.

Hans-Henrik Suersaq Poulsen Inunnut inuusuttunut oqaatsinik, piorsarsimassutsimik ataatsimoornermillu nukittorsaaqataasunut tunniunneqartartumik nersornaaserneqarpoq.

Uummannami eqqaavissuarmi eqqakkat amerliartuinnarput. Kommunalbestyrelsip inatsit naapertorlugu eqqakkanik igitsisarnissaq isumagisaraa. Kommunilli nammassisinnaasai eqqagaqassutsimut naapertuutinngitsut, kommunalbestyrelsimi ilaasortap nassuerutigaa.

Silami arsaannermi pissartanngorniunnissami peqataasussatut nalunaartut affaat sinnerlugit peqataaniarunnaarput. Unammersuariaaseq allanngortinniarneqassasoq arsaattartut kattuffiat ilimasaarivoq.

Inuk taarsigassarsinissamut SMS-ikkut peqquserluttuliorfigineqarpoq. Taarsigassarsiassat ikineqanngisaannarput.

Peqqissaasut Danmarkimit nunatsinnut suliartortut aningaasarsiami saniatigut bonusinnattalernissaat isumaqatigiissutigineqarpoq. Taamali isumaqatigiissuteqarneq Paninnguaq Boassenip apeqqusernartoqartippaa.

Mittarfittaassaq naammassingajalersoq Greenland Airportsip Ilulissani mittarfimmi pisortap aamma teknikkikkut suliniutinullu pisortap KNR-ip pulaarnerani uppernarsarpaat. Ilulissanilu innuttaasut ammaanersiornissamut qilanaarput.

Naalakkersuisut inatsiseqartitsinerup akisussaaffigilernissaa pillugu ingerlatsinermik aallartitsipput. Tamatuma saniatigut immikkut ilisimasallit kinguaassiuutitigut pinerluuteqarnerit aamma meeqqanut pinerluttuliornerit pillugit iliuusereriikkanut kinguneritinneqartartut sukannernerulersinneqarnissaat misissussavaat.

Qanga Narsarsuaq 600-nit amerlanerusunik sapaatip akunneranut tikeraarfigineqartarsimavoq. Massakkulli aqqusinikkut pingaarnikkut inummik imaluunniit biilinik orraalaarlutik aqqusinermi itersat eqqornaveersaarlugit ingerlasunik naapitsiguit, iluatsitsilluinnassaatit.

Angut eqqunngitsunik taarsigassarsititsinissamik Kviklånimik neriorsuisimasutut unnerluutigineqarpoq. Peqquserlunneruvoq, Kalaallit Nunaanni Politiit oqaatigaat. Maannalu suliaq misissorpaat innuttaasullu mianersoqqullugit.

Narsarsuarmi mittarfiup matuneqarnerata kingorna Narsarsuarmi inuussutissarsiortut sullitaat ikilingaatsiarput. Amerlasuut matuinnarnissamik nuunnissamilluunniit eqqarsaateqarput.

Naalakkersuisut inatsiseqartitsinerup tiguneqarnissaa pillugu ingerlatsinermik aallartitsipput. Tamatuma saniatigut immikkut ilisimasallit kinguaassiuutitigut pinerluuteqarnerit aamma meeqqanut pinerluttuliornerit pillugit iliuusereriikkanut kinguneritinneqartartut sukannernerulersinneqarnissaat misissussavaat.

KNR-ip Nuummi angerlarsimaffeqanngitsut arfineq marluk allamik periarfissinneqaratik toqqimik peeqquneqarnerat pillugu sapaatip akunnerata siuliani allaaseraa. Naleqqap naalakkersuisut Kommuneqarfillu Sermersooq maannakkut aaqqiissuteqaqquai. Partiip angerlarsimaffeqanngitsunut suliniuteqarneq naammaginartinngilaa.

Assammik arsarnermi kalaallinut arnanut nunanut allanut unammisartunut ukiaanerani pisoqangaatsiarfiussaaq VM-imut anngunniunnermik decembarimi naggaserneqartumik.

Hotel Kulusuk aasaq manna ukioq kaajallallugu akunnittarfittut naggataamik ammavoq. Aalajangiinermi angallannermi pissutsit tassa tikittoqarpallaartannginnera pissutigineqarpoq.

Innuttaasut pingasut Narsarsuarmi mittarfiup matuneqarnerata kingorna qanoq aliasuttoqartigilersimanera oqaluttuaraat. Taakku nunaqarfiup piunerata tunngaviata peerneqarnerata kingorna susoqarnissaa apeqquserpaat.

Danmarkimi parnaarussivinni misiliutaasumik iperagaaneq nalinginnaasumik atorneqartarnera takornartaanngilaq. Taamaakkaluartoq Danmarkimi parnaarussat 62,4 procentii misiliutaasumik iperagaanissamut itigartinneqartarput.

Arnaq 62-inik ukiulik pisuttuarluni Nanortalimmut piffissaq eqqorlugu apuussimanngimmat marlunngornermi ullaakkut poliitinut nalunaarutigineqarpoq.

Suliffeqarfik nutaaq Polar Seafoodimik piginnittunik pigineqartoq 2025-mi millionilinnik sinneqartooruteqarpoq. Polar Seafoodilli suliffeqarfik aalisagartassiissutinik amerlanerusunik pissarsiniarneq pillugu pilersinneqarsimannginnerarpaa.

Nuummi angerlarsimaffimmi ikiortit ikippallaarnerat suli ajornartorsiutaavoq. Sulisut 33-t ukiup affaata ingerlanerani suliunnaarsimanerat allagaatinik takunnikkumanermit paasinarsivoq.

Angut umiatsiaaqqap ajutoornerata kingorna ajunaarpoq. Angutip aappaa aniguisoq, Kalaallit Nunaanni Politiit ilisimatitsipput.

Nunatsinni nipilersortarnermi sunniuteqarluartoq nipilersornermillu soqutiginnittorpassuarnut ilitsersuisoq Pele Møller ataasinngornermi unnukkut eqqissivoq 86-nik ukioqarluni.

Nunatta Eqqumiitsulianik Saqqummersitsivia Nuummi illorsuarujussuuginnassava – imaluunniit eqqumiitsuliat nuna tamakkerlugu allatut nutaamik saqqummiunneqartassappat? Suliniummut pisortaasimasoq, Nivi Christensen suliniutip sammivia pillugu oqallitsitsinerorusuppoq.

Aningaasaqarnermut ministeri Rachel Reeves inatsisinullu ministeri David Lammy, Andy Burnhamip naalakkersuisuini nutaani ilaasortaanngillat.

Kingornuttagaq qaqutigoortoq naggueqatigiit inuit akornanniinnaq takussaasoq ilaatigut diabetesimut, pualavallaarnermut kolesteroleqarpallaarnermullu siunissami nakorsaasiorsinnaanissamut isumassarsiorfiusinnaavoq.

KNI naatsorsuutitigut ukioq ilungersunartorsiorfigereerlugu 152 millioninik iluanaaruteqarpoq. Nioqquteqarnikkut aaqqissuusseqqinneq annertooq ikummatissanillu pilersuivimmi ingerlalluarneq tunngaviupput.

Greenland Airportsimut pisortassamik toqqaasoqarpoq. Jeppe Jensenilu KNI-mi maannamut pisortaasimasoq toqqarneqarpoq.

Krokstadelvami illut amerlasuut tallimanngornermi ikuallannerujussuarmi uukkaaatsiterput.

Amerikamiut uuliasiorfiutileqatigiiffiat Greenland Energy Company paasisimasaqaratik Ittoqqortoormiini innuttaasunut neriorsuisorujussuupput, Jørgen T. Hammeken-Holm oqarpoq.

Russinik ukiorpassuarni takornariartitsisartut umiarsuarnik aappaluttunik tingerlaatilinnik ilisimaneqartartut, Ilulissani akuersissuteqaratik akileraaratillu aasaanerani takornariartitsisarsimapput.

Ilisimatusarfiup Pinngortitaleriffittut ilisimatusarnikkut suleqatissarsiornerit nutaat unitsippai. Politiit isertortumik paasiniaasartuisa suleqatigineqartut misissorpaat.

Aningaasaqarnermut Naalakkersuisoqarfiup nalunaarusiaani kingullermi, nunatta karsiata amigartoortuarnissaanik naatsorsuuteqarneq pinngitsoortikkumallugu naalakkersuisut qanoq iliuuseqarniarnerat allaaserineqarpoq.

Naalakkersuisut siulittaasuat Jens Frederik Nielsen aamma avatangiisunut naalakkersuisoq Jørgen Rosbach innuttaasunut Uummannap timersortarfissuani ippassaq kaffillerput.

Angerlarsimaffeqanngitsut toqqisa ilaat najugaqarfigineqartoq Nuummi maanna ikuallappoq.

Sinerissami utoqqaat siusinaartumillu sulisinnaajunnaarnersiutillit peqatigiiffiini ilaasortat unammiuaarnissat ammaanersiorlugit Aasiaat Timersortarfissuani sapaatiummat katersuupput, illup iluani unammiuaarnerit sapaatip akunnerani uani ingerlatissallugit.