Greenland Energy Company Ittoqqortoormiini innuttaasunik ataatsimiititsiartorluni juunimi tikeraarami piniartut qaammammut 100.000 koruuninik akissarsialerlugit imminni sulileqqusimagai, Ittoqqortoormiini piniarnermut nakkutilliisoq oqarpoq.

Aatsitassarsiutileqatigiiffiit Nunap Qeqqani uuliasiornissamik pilersaaruteqartut naalakkersuisunit akuersissuteqarfigineqaratik atortunik tulaassuipput. Inuussutissarsiornermut Aatsitassanullu Naalakkersuisoqarfik suliffeqarfinnut 'sukannersumik maanna mianersoqqussuteqarpoq'.

Inuusuttut Nuummeersut Tivolimi ukiut 50-it matuma siorna naapisimaarput. Kalaallit Nunaat Tivolimi 30.000-nit amerlanerusunit ullumikkut peqataaffigineqartarpoq - ukioq mannalu nalliuttorsiorneq oqaluttuarisaanermut pingaarutilimmik Kalaallit Nunaannut soqutiginnittoqartorujussuunerata nalaani pissaaq.

Portøriusimasup Aasianneersup pisoq sakkortooq ukiualuit matuma siorna nalaatani suli sunniuteqartoq oqaluttuaraa. Peqqinnissaqarfik portørinut tarnikkut tapersersuisoqarneranik isornartorsiuineq akissuteqarfigaa sulisullu peqatigiiffii oqaloqatigiinnissamut aggersarlugit.

Timersornermut naalakkersuisoq Nivi Olsen (D) qulisanik arsaattarfittaarnissamut aningaasaateqarfinnit avataaneersunit danskillu naalakkersuisuinit aningaasalersuisitserusuppoq. § 37 naapertorlugu Mette Arqe-Hammekenip (N) apeqqutaanut taama akivoq.

Nunatsinnut tikillutik suliartortut amerlineqarnissaannik isumaqatigiissuteqarnermi nunatsinni sulisinnaasut amerliartunnginnerat aamma pissutaaqataasoq, Peqqissutsimut inunnullu Innarluutilinnut naalakkersuisoq Anna Wangenheim oqarpoq.

Uuliasiorfiutileqatigiiffimmi Nunap Qeqqani uuliasiortussani pisortanngorlaap aqutsisuusimasoq asuli eqqissiviilliortitsillunilu Kalaallit Nunaanni pissutsinik ataqqinninngitsuunerarpaa. Aatsitassanut Naalakkersuisoqarfimmit uuliasiorfiutileqatigiiffik oqartussat piumasaqaataannik malinninnersoq aamma nalilersorneqarpoq.

Peqqinnissaqarfiup nuna tamakkerlugu napparsimasunut qarasaasiatigut journalileriffia maanna ajoquteqarpoq.

Angut 42-nik ukiulik blok 5-imi 2024-mi toqutsisimasutut apriilimi eqqartuunneqartoq, Nunatta Eqqartuussisuuneqarfiani toqutsisimasutut maanna aamma eqqartuunneqarpoq.

Illorsuarmiut Nuugaatsiarmiullu nunaqarfimminnut angerlaqqikkusupput. Ineqarnermut Attaveqaasersuutinullu Naalakkersuisup Iddimanngiiu Jensen Biancop nunaqarfinnut taakkununnga uteqqinnissaq suli innersuutinngilaa.

Narsarsuup mittarfiani qulliit qaminngapput. Mittarfiulli pisortaa timmisartoqaqqittalernissaanik suli neriuuteqarpoq. Tamannalu pissutissaqarunarpoq.

Annaassiniartartut imaannaanngitsunik misigisaqartarput tarnikkulli ikiorserneqartarneq naammaginanngilaq, siornatigut portøriusimasoq aamma nammineq taassuma kingunerisaanik PTSD-qalersimasoq Peter Berthelsen Mølgaard isumaqarpoq.

Thue Noahsenip angerlarsimaffeerutereernermi kingorna tupermi najugaqarnissani nammineerluni toqqarpaa. Ilaqutariittullu ataatsimoorfiusinnaasumi angerlarsimaffeqarnissani maanna takorluugaraa.

Nanortalimmi nunaqarfiinilu Narsarmijit, Aappilattoq, Ammassivik aamma Alluitsup Paami innuttaasut Kommune Kujallermi siunissartik pillugu taasitinneqalerput.

Upernavimmi Upernaviullu nunaqarfiini silaannakkut angallattussat ullorpassuarni maanna kinguaattooqqapput. Air Greenlandimit ajuusaarput, atortumillu amigaateqarneq angallassiniarnermut kinguaattoorutaasoq nassuiaallutik.

73-inik ukiulik, Maniitsup eqqaani kuummi nikeriarsinnaajunnaarluni ajutoornermi kingorna toquvoq.

Narsarsuarmi innuttaasut arlallit Amerikamiut sakkutuui nutsissagaluarpata nuuttariaqarnissartik ernumassutigaat. Danskilli sakkutuui nunaqarfimmut uummaarissititseqqissinnaanissaat ilimagineqarpoq.

Qaqortumi café tillinniarfigineqarpoq. Tillinniat kinaassusersineqanngitsut 10.000 koruuninik Air Greenlandimiillu nerisaqartitaanissamut bilitsinik tillipput, Aasiannilu inuk ataaseq ikuallatsitsiniarsarisimasutut pasillerneqarpoq.

Nuissat Pyrocumulonimbusit kallilersitsisinnaallutillu anorlilersitsisinnaasut, pinngortitami ikuallattumik qamiterinissamik ajornarnerulersitsipput.

Ukiut qulingiluat qaangiutereeraluartut Illorsuarmiut Nuugaatsiarmiullu nunaqarfimminnut uteqqinnissartik kissaatigigaat KNR nunaqarfinnut taakkununnga tikeraarnerani oqariartuutigaat.

Politiit oqarnerat naapertorlugu annaassiniarnermi pissutsit ajornakusoorput atortorissaartunillu immikkut ittunik atuisoqartariaqarluni.

Nuummi tiguaasoqassasoralugu januaarimi ernumasoqarmat Kommune Kujalleq kisimiilluinnarpoq. Taamaalilluni borgmesterip kujataani sakkortooqarnissaanut isummani allanngortippaa.

Arnaq Danmarkimit nunatsinnut hashimik eqqusseriaraluartoq sapaammi paasisaavoq.

21-nik ukiulik, biilinik usisaatinik ingerlatsilluni Berlin Pridemut peqataasunik piaaraluni apuisutut pasineqartoq, upperisarsiornermi aporaattoqarnissaanut nakuusertoqarnissaanullu kajumissaarisimasutut siusinnerusukkut pineqaatissinneqarsimavoq.

Tuluit Nunaat Nuummi konsulateqarfimmik ammaaniarnersoq siusinnerusukkut oqaluuserineqarpoq. Københavnimili aallartitaqarfimmit oqaaseqartartup pilersaaruteqartoqannginnerarpaa.

Politiit aallaasersortoqarneranik nalunaarutiginnittoqareersorlu Kuanninnguanukarput.

Ukiut 14-it matuma siorna piviusulersaarummi ‘Bygden ved verdens ende’-mi - tassa “Nunaqarfik nunarsuup sinaaniittoq” Niaqornat nunaqarfittut siunissaqanngitsutut takutinneqarpoq. Innuttaasut amerlassusaat maannakkut affaannanngorsimapput. Ilaat ernumassuteqartut ilaasa nunaqarfiup piuinnarnissaa upperaat.

Kalaallit Nunaanni Politiit inersimasut pingasut meerarlu mikisoq mikisoq Upernavimmi tallimanngornermi ualikkut kingullermik takuneqartut pillugit SAR-imik arfininngornermi unnukkut aallartitsipput.

Issittumi misissuisarfik ukiuni 120-ni Issittumi ilisimatusarnermut aallaaviuvoq. Paasissutissat piffissap sivisuup ingerlanerani katersorneqarsimasut nunarsuarmi silap allanngoriartornerata eqqornerusumik naatsorsorneqarnissaanut maannakkut atorneqarput.

Hans-Henrik Suersaq Poulsen Inunnut inuusuttunut oqaatsinik, piorsarsimassutsimik ataatsimoornermillu nukittorsaaqataasunut tunniunneqartartumik nersornaaserneqarpoq.

Uummannami eqqaavissuarmi eqqakkat amerliartuinnarput. Kommunalbestyrelsip inatsit naapertorlugu eqqakkanik igitsisarnissaq isumagisaraa. Kommunilli nammassisinnaasai eqqagaqassutsimut naapertuutinngitsut, kommunalbestyrelsimi ilaasortap nassuerutigaa.

Silami arsaannermi pissartanngorniunnissami peqataasussatut nalunaartut affaat sinnerlugit peqataaniarunnaarput. Unammersuariaaseq allanngortinniarneqassasoq arsaattartut kattuffiat ilimasaarivoq.

Inuk taarsigassarsinissamut SMS-ikkut peqquserluttuliorfigineqarpoq. Taarsigassarsiassat ikineqanngisaannarput.

Peqqissaasut Danmarkimit nunatsinnut suliartortut aningaasarsiami saniatigut bonusinnattalernissaat isumaqatigiissutigineqarpoq. Taamali isumaqatigiissuteqarneq Paninnguaq Boassenip apeqqusernartoqartippaa.

Mittarfittaassaq naammassingajalersoq Greenland Airportsip Ilulissani mittarfimmi pisortap aamma teknikkikkut suliniutinullu pisortap KNR-ip pulaarnerani uppernarsarpaat. Ilulissanilu innuttaasut ammaanersiornissamut qilanaarput.