Qeqertarsuarmi innuttaasut misissuiffimmit illoqarfiup killinganiittumit, nunarsuarmilu tamarmeersunit ilisimatusartunit tikeraarneqartumit, Arktisk Stationimit suleqatigiinnerunissamik kaammattuuteqarput.

Ukrainep præsidentia Volodymyr Zelenskyj Ruslandimi uuliamik akuiaaviit marluk saassullugit nalunaarutigaa.

Qajarissat umiarissallu 1.105-it sapaatiuppat Københavnip umiarsualivianiissapput. Kalaallit piorsarsimassutsitta nunatsinnullu tapersersuinerup ukkatarineqarnissaat siunertarineqarpoq, immaqalu Guinnessip rekortiliisunut allattorsimaffianniilernissaq.

Qilakitsormiut pillugit paasissutissat Uummannap katersugaasivianiittuaannartussat nutarterneqarput. Qilakitsormiunik nassaartup aappaata Hans Grønvoldip tamanna nuannaarutigaa.

Ilulissani Kangiata Illorsua Kinami Shanghaimi Illorsuaq, sermeq piniutillu pillugit saqqummersitsivoq. Illorsuarlu nunarsuarmioqatitsinnit soqutigineqaleraluttuinnartoq Kangiata Illorsuani pisortap Karl Sandgreenip oqaatigaa.

Trumpip arlaleriarluni oqaatigisareerpaa Iranip Kangerluup nerukinnera Hormuz ammaqqinngippagu, USA-p Iran sakkortuumik saassukkumaaraa.

Inuit marluk facebookikkut peqquserluttuliorfigineqartut, politiillu mittarfimmi kuffertimik aningaasarpassuarnik imaqartumik nassaartoqarnerata kingunerisaanik pinerlunnikkut aningaasarsianik malunnarunnaarsaasoqarneranik suliaq misissueqqissaarfigigaat.

Bachelorimik ilinniagaqarpit, nunatsinnillu pitsanngorsaaqataarusullutit? Taava Tuluit Nunaanni masterimut ilinnialernissamik maanna qinnuteqarsinnaalerputit.

Uummannami sulisussaaleqineq suliffeqarfiit arlallit ajornartorsiutigaat. Suliffeqarfiit meeqqerivik, Pilersuisoq aamma utoqqaat illuat sulisussaaleqipput.

Qaanaap mittarfiullu akornanni aqquserngup ajoqusernera iluarsartuunneqalerpoq. Air Greenland timmisartunut mittarfiugallartussamik qulakkeeriniarpoq.

Arnat kalaallit akuersissuteqaratik 1991 ilanngullugu spiralilersorneqarsimasut taarsiiffigineqarnissamik qinnuteqarsinnaapput.

Kulturikkut aaqqissuussinermi inuit tusindilikkaat katersuutsinneqarput, eqqumiitsuliortuniilli ilusilersuisunut taakku eqqumiitsuliaminnik saqqummersitsinissaannut aamma tunngassuteqarpoq.

Angut 40-t sinnerlugit ukiulik toqungasoq Saattut eqqaanni nassaarineqarpoq.

Nuup avataani qaqqani tallimani pinngortitami arpatsitsinermi nutaami peqataasut sapaatip akunnerata naanerani 71-iupput. Aaqqissuisut arpatitsineq nunat tamalaat akornanni peqataaffigineqartalernissaa takornarianullu nunatsinnut soqutiginninnerulersitsinissaa neriuutigaat.

Venezuelami juunip naanerani marloriarluni nunap sajorujussuareernerata kingorna ajunaarsimasut arlallit aseruatiternerit ataanni nassaarineqarput.

Inuit Pisinnaatitaaffii pillugit Siunnersuisoqatigiinnit nal. 16 aamma 08 akornanni sianertoqassagaluarpat, tiguneqassanngilaq. Siunnersuisoqatigiit oqarasuaataat qarasaasiatigut unioqqutitsilluni iserfigineqarsimavoq.

Kalaallit Nunaat Tivolimi aaqqissuunneqartarnerata ukiuni 50-inngortorsiorneranut atatillugu tusindilikkaat iserput. KNR-ip inuit tallimat piorsarsimassutsikkut aaqqissuunneqartartup pingaaruteqassusaa pillugu apersorpai.

Savalimmiuni sakkutooqarnerulernerup iluani timmisartunik sorsuutinik F-35-nik nakkutilliinerit ilaapput.

Upernavimmi arfininngornerup sapaatillu akornanni unnuami ilungersunartumik pisoqartoq, politiit paasissutissiipput. Politiit ilisimannittussarsiorput.

Inuusuttut marluk qanigisaasunit, ernumasunit ippassaq ujaarineqarput. Taakku SAR-imik ujaasinerup kingorna ajunngitsut nassaarineqarput.

Tassaarsuaqalissagaluarpat Uummannami qatserisarfik atortutigut ikiuigasuarnissamullu piareeqqasoq, Avannaata Kommuniani upalungaarsimanermut pisortap tullersortaa qatserutaasivimmilu aqutsisoq oqarpoq.

KNR Narsarsuarmiunik arlalinnik nunaqarfimmik matusiartortoqarneranik misigisimasunik oqaloqateqarpoq. Toqqaannanngitsumilli. Tamannami nunami nunaqarfinnik matusinermut atatillugu suli anniaateqarfiusumi pitsaanerpaarpasinnavianngitsoq isumaqartoqarpoq.

Qeqertarsuarmi arnaq politiimik unnuaq saassussisimavoq, Nuummilu imigassartorsimallutik biilinik ingerlatsisut siumorneqarsimapput, Nuummilu Atuarfik Samuel Kleinschmidtimi, ASK-imi, tillinniat aamma siumorneqarsimallutik.

Ilisimatusartut pinngortitami eqqagassaqannginnerunera nuannaarutigaat. Allarutissianilli masattuniit aalisarnermiillu plastikkit suli ilungersunartorsiortitsipput.

Ilisimatusartut pinngortitami eqqagassaqannginnerunera nuannaarutigaat. Allarutissianilli masattuniit aalisarnermiillu plastikkit suli ilungersunartorsiortitsipput.

Arnaq Ilulissani imerniartarfiup Naleqqap saani arfininngornerup unnuaani saassunneqarpoq. Politiit ilisimannittussarsiorput.

Uummannami aalisartut aalisarneq pillugu inatsit saqqummiunneqarmalli akerliuffiginikuuaat, massakkullu inatsit kingunipiloqalersimasoq KNAPP-imi ilaasortap oqaatigaa.

Pinngortitaleriffik Ilisimatusarfillu siulliullutik unitsitsipput. Narsami Ilisimatusarluni Misissuiffiup USA-mik suleqateqarneq nutaaq maanna unitsippaa.

Greenland Energy Company Ittoqqortoormiini innuttaasunik ataatsimiititsiartorluni juunimi tikeraarami piniartut qaammammut 100.000 koruuninik akissarsialerlugit imminni sulileqqusimagai, Ittoqqortoormiini piniarnermut nakkutilliisoq oqarpoq.

Aatsitassarsiutileqatigiiffiit Nunap Qeqqani uuliasiornissamik pilersaaruteqartut naalakkersuisunit akuersissuteqarfigineqaratik atortunik tulaassuipput. Inuussutissarsiornermut Aatsitassanullu Naalakkersuisoqarfik suliffeqarfinnut 'sukannersumik maanna mianersoqqussuteqarpoq'.

Inuusuttut Nuummeersut Tivolimi ukiut 50-it matuma siorna naapisimaarput. Kalaallit Nunaat Tivolimi 30.000-nit amerlanerusunit ullumikkut peqataaffigineqartarpoq - ukioq mannalu nalliuttorsiorneq oqaluttuarisaanermut pingaarutilimmik Kalaallit Nunaannut soqutiginnittoqartorujussuunerata nalaani pissaaq.

Portøriusimasup Aasianneersup pisoq sakkortooq ukiualuit matuma siorna nalaatani suli sunniuteqartoq oqaluttuaraa. Peqqinnissaqarfik portørinut tarnikkut tapersersuisoqarneranik isornartorsiuineq akissuteqarfigaa sulisullu peqatigiiffii oqaloqatigiinnissamut aggersarlugit.

Timersornermut naalakkersuisoq Nivi Olsen (D) qulisanik arsaattarfittaarnissamut aningaasaateqarfinnit avataaneersunit danskillu naalakkersuisuinit aningaasalersuisitserusuppoq. § 37 naapertorlugu Mette Arqe-Hammekenip (N) apeqqutaanut taama akivoq.

Nunatsinnut tikillutik suliartortut amerlineqarnissaannik isumaqatigiissuteqarnermi nunatsinni sulisinnaasut amerliartunnginnerat aamma pissutaaqataasoq, Peqqissutsimut inunnullu Innarluutilinnut naalakkersuisoq Anna Wangenheim oqarpoq.

Uuliasiorfiutileqatigiiffimmi Nunap Qeqqani uuliasiortussani pisortanngorlaap aqutsisuusimasoq asuli eqqissiviilliortitsillunilu Kalaallit Nunaanni pissutsinik ataqqinninngitsuunerarpaa. Aatsitassanut Naalakkersuisoqarfimmit uuliasiorfiutileqatigiiffik oqartussat piumasaqaataannik malinninnersoq aamma nalilersorneqarpoq.