Meeqqat atuarfianni atuartut, ilaatigut nunatsinneersut, Folketingimi Inuusuttut Inatsisartuinut peqataanissamut qaaqquneqarput. Naaja Nathanielsen tassunga arlalinnik siunnersuuteqarpoq.

Qaqortumi mittarfiup ammarneqarnera akunnittarfiup inissaqartitsiniarneranut artorsartitsilerpoq. Inuussutissarsiutillilli ineriartornerat aatsaat aallartippoq. Sulisitsisut suli ineriartortoqarnissaanik neriuuteqarput.

Europap kitaani juunimi juulimilu kiassiorneq immikkut illuinnarpoq. Panernerata kianneratalu imminnut sunnernerisa sakkortunerulersippaat, pisortap tulia oqarpoq.

B-67-ip G-44 angutit silami isikkamik arsaallutik pissartanngorniunneranni arfininngormat finalimi 4-0-imik ajugaaffigaa. Aqissiaq IT-79-imut bronzennanniunnermi ajugaavoq.

Heidinnguaq, Miannguaq aamma Pipaluk ukiuni qulini Uummannarmiuaqqaniipput, tassani meeqqat inuusuttullu Uummannami meeqqat angerlarsimaffianneersut nipilersorneq kulturi ataatsimoorlunilu misigisaqartitsineq aqqutigalugit ataatsimoortinneqartarput.

Imerajuttuusimasoq ikiaroortarsimasorlu Naja Poulsen Narsarsuarmi toqqissilluni inuulerpoq. Suliffissalli ikilingaatsiarmata, Qaqortumut nuuttariaqalerpoq.

Ilulissani Isertumilu imeq bakteeriaqangaatsiartoq paasineqarpoq. Taamaammat innuttaasut imermik qalatitseqqaaqquneqarput.

Qassiarsummi takornarialerisup sullitami 44 procentii Narsarsuup mittarfiata matunerata kingorna annaavai. Allap nunaqarfiup ajornartorsiummit aniguiumaarnera neriuutigaa.

Arsaannermi Nunatsinni pissartanngorniunneq ukioq manna alutornartortaqarpoq. G-44 Qeqertarsuarmeersoq kinguaariinni marlunni arsaattoqarpoq.

Hjørringimi eqqartuussiviup angutit marluk hashimik 93 kiilumik nunatsinnut anngiortumik eqqusseriarsimasutut tallimanngornermi ingerlaannartumik pineqaatissinneqarput.

Savalimmiuni Nuummilu meeqqat inuusuttullu immikkut pisariaqartitallit assammik arsarnermi timersortartut Nuummi ulluni makkunani timersoqatigiipput.

Amerikamiut præsidentiata inuit Amerikamut takornariartuusaarlutik meeraartaariartortarnerarpai.

Meeqqat marluk Ilulissat avannaani tammaaneqarnerata kingorna SAR-imik suliaqarneq ippassaq unnukkut aallartinneqarpoq. Meeqqat ajunngitsut kingorna nassaarineqarput.

EU-p Arfanniarneq pillugu Ataatsimiititaliarsuaq arfanniarnermik aqutsinerulersikkusuppaa. Tamanna nunatsinni arfattassiissutikinnerulersitsisinnaavoq maannakkullu ingerlatsinermut ajoqutaasinnaalluni, Pinngortitaleriffiup immikkoortortaqarfiisa ilaanni pisortaq Fernando Ugarte naliliivoq.

Qajarissat umiarissallu 1.105-it Københavnip umiarsualiviani sapaatiuppat takutitsissapput. Kalaallit piorsarsimassusiat nunatsinnullu tapersersuinerup ukkatarineqarnissaat siunertarineqarpoq, immaqalu Guinnessip rekortiliisunut allattorsimaffianniilernissaq.

Qeqertarsuarmi innuttaasut misissuiffimmit illoqarfiup killinganiittumit, nunarsuarmilu tamarmeersunit ilisimatusartunit tikeraarneqartumit, Arktisk Stationimit suleqatigiinnerunissamik kaammattuuteqarput.

Ukrainep præsidentia Volodymyr Zelenskyj Ruslandimi uuliamik akuiaaviit marluk saassullugit nalunaarutigaa.

Puut puukunik utertitassanik imallit arfinillit Nuummi umiarsualiviup eqqaani KK Engrosimit tillinneqarsimapput. Politiit takunnittussarsiorput.

Qajarissat umiarissallu 1.105-it sapaatiuppat Københavnip umiarsualivianiissapput. Kalaallit piorsarsimassutsitta nunatsinnullu tapersersuinerup ukkatarineqarnissaat siunertarineqarpoq, immaqalu Guinnessip rekortiliisunut allattorsimaffianniilernissaq.

Qilakitsormiut pillugit paasissutissat Uummannap katersugaasivianiittuaannartussat nutarterneqarput. Qilakitsormiunik nassaartup aappaata Hans Grønvoldip tamanna nuannaarutigaa.

Ilulissani Kangiata Illorsua Kinami Shanghaimi Illorsuaq, sermeq piniutillu pillugit saqqummersitsivoq. Illorsuarlu nunarsuarmioqatitsinnit soqutigineqaleraluttuinnartoq Kangiata Illorsuani pisortap Karl Sandgreenip oqaatigaa.

Trumpip arlaleriarluni oqaatigisareerpaa Iranip Kangerluup nerukinnera Hormuz ammaqqinngippagu, USA-p Iran sakkortuumik saassukkumaaraa.

Inuit marluk facebookikkut peqquserluttuliorfigineqartut, politiillu mittarfimmi kuffertimik aningaasarpassuarnik imaqartumik nassaartoqarnerata kingunerisaanik pinerlunnikkut aningaasarsianik malunnarunnaarsaasoqarneranik suliaq misissueqqissaarfigigaat.

Bachelorimik ilinniagaqarpit, nunatsinnillu pitsanngorsaaqataarusullutit? Taava Tuluit Nunaanni masterimut ilinnialernissamik maanna qinnuteqarsinnaalerputit.

Uummannami sulisussaaleqineq suliffeqarfiit arlallit ajornartorsiutigaat. Suliffeqarfiit meeqqerivik, Pilersuisoq aamma utoqqaat illuat sulisussaaleqipput.

Qaanaap mittarfiullu akornanni aqquserngup ajoqusernera iluarsartuunneqalerpoq. Air Greenland timmisartunut mittarfiugallartussamik qulakkeeriniarpoq.

Arnat kalaallit akuersissuteqaratik 1991 ilanngullugu spiralilersorneqarsimasut taarsiiffigineqarnissamik qinnuteqarsinnaapput.

Kulturikkut aaqqissuussinermi inuit tusindilikkaat katersuutsinneqarput, eqqumiitsuliortuniilli ilusilersuisunut taakku eqqumiitsuliaminnik saqqummersitsinissaannut aamma tunngassuteqarpoq.

Angut 40-t sinnerlugit ukiulik toqungasoq Saattut eqqaanni nassaarineqarpoq.

Nuup avataani qaqqani tallimani pinngortitami arpatsitsinermi nutaami peqataasut sapaatip akunnerata naanerani 71-iupput. Aaqqissuisut arpatitsineq nunat tamalaat akornanni peqataaffigineqartalernissaa takornarianullu nunatsinnut soqutiginninnerulersitsinissaa neriuutigaat.

Venezuelami juunip naanerani marloriarluni nunap sajorujussuareernerata kingorna ajunaarsimasut arlallit aseruatiternerit ataanni nassaarineqarput.

Inuit Pisinnaatitaaffii pillugit Siunnersuisoqatigiinnit nal. 16 aamma 08 akornanni sianertoqassagaluarpat, tiguneqassanngilaq. Siunnersuisoqatigiit oqarasuaataat qarasaasiatigut unioqqutitsilluni iserfigineqarsimavoq.

Kalaallit Nunaat Tivolimi aaqqissuunneqartarnerata ukiuni 50-inngortorsiorneranut atatillugu tusindilikkaat iserput. KNR-ip inuit tallimat piorsarsimassutsikkut aaqqissuunneqartartup pingaaruteqassusaa pillugu apersorpai.

Savalimmiuni sakkutooqarnerulernerup iluani timmisartunik sorsuutinik F-35-nik nakkutilliinerit ilaapput.

Upernavimmi arfininngornerup sapaatillu akornanni unnuami ilungersunartumik pisoqartoq, politiit paasissutissiipput. Politiit ilisimannittussarsiorput.