Uummannami umiatsiat, kilisaatit aalisariutillu talittarfimmi tattoqilliuupput. Nutaamillu talittaarfittaarnissaq umiatsiaararsortut kissaatigaat.

De Radikale siulittaasuat DF-ip siulittaasuanit politikkikkut oqallittoqareernerata kingorna eqqartuussivilersuunneqarpoq. Suliaq eqqartuussivimmi marlunngornermi suliarineqarpoq.

Sakkutuujusussaatitaasut nunatsinni nunami sungiusimanngisaminni siullerpaamik sungiusassapput.

Nuummi umiarsualivimmi uuliakoortoqarsimavoq. Politiit qatserisartullu pisoq pillugu suli misissuipput.

Atuarfik Inussuup pisortaata atuartut sungiussilluarnissaat qilanaaralugulu atuartut ilinniartitsisullu atugarissaarnerulernissaat neriuutigaa.

Atuarfik Inussuk sanaartornikkut ikuallattoornissamullu isumannaallisaanikkut ukiuni marlunni ajornartorsioreerluni atulerpoq. Nuummilu atuartut 964-it tassani atualerput.

Politikeri IA-meersoq inatsisinik atuutsitsinermut ministerip Kangaatsiami politeeqarfeqarnissaa pillugu akissutaanut isumaqataanngilluinnarpoq.

Danskit isertortumik paasiniaasartuisa pisortallu suliffeqarfiisa softwareq Palantirimeersoq atussanngikkaat, Dragsted isumaqarpoq.

Angut Uummannami umiatsiamik aallarussisimalluni politiinut imminut siarnutigisimavoq. Politiillu biilertartunut Nuummi meeqqat atualernerannut atatillugu kaammattuuteqarlutik.

Angutit inuusuttut pingasut Paamiut Narsallu akornanni pingasunngormat ujaarineqalerput, ataaserlu ajunngitsoq nassaarineqarluni. Angutit inuusuttut marluk allat suli maqaasineqarput, SAR-imillu suliaq maanna unitsinneqarluni.

Efterskoleni ukioq atuarfiusussaq aallartereerpoq, kulturerpullu pillugu paasissutissiisartup Lisa Bundgaard Jensenip atuarfiit kalaallinik atuartussanik tikilluaqqusinerusalernissaannut kajumissaarpai.

Aasianni tunisassiorfiup siunissaa sapaatip akunnerata tulliani aalajangerneqarsinnaavoq. Bent Sallingip Polar Seafoodip suliffissanik qanoq attassiniarnera maanna oqaluttuaraa.

Dansk Folkepartip spiralilersorneqarsimasunut tunngatillugu inatsisissatut siunnersuut Folketingimi ullormut oqaluuserisassaniimmat oqallinneq aallartippaat.

Nunat avannarliit siuttuisa illersornissaqarneq aamma meeqqat internettikkut illersorneqarnissaat Danmarkimi aasaanerani ataatsimiinnermi oqaluuserissagaat.

Upernaviup nunaqarfiisa avannarlersaanni innuttaasut kajumissutsiminnillu suliaqartut nunanit allaneersut, aasaanerani feeriarnerminni illunik pisoqalisimasunik iluarsaassillutik ulappussimapput. Nunaqarfimmi illunit 44-usunit 16-it iluarsaanneqalersimapput, illullu arfineq marluk qalissialersorneqarlutik.

Arnat spiralilersorneqarsimasut taarsiiffigineqarsinnaanissaannut inatsisissatut siunnersuut Folketingimit tallimanngorpat siullermeerneqassaaq. Kalaallilli folketingimi ilaasortat marluk, inatsisissatut siunnersuutigineqartup nalunaarusiat qaammatip ingerlanerani saqqummiunneqartussat akuerineqarnissaanut utaqqisariaqannginnerarpaat.

USA-mi angutit naalagaaffinni Tennesseemi, Oklahomami Alabamamilu toqutsinikutut toqumik pillaatisillutik eqqartuunneqarnikut, sisamanngornermi toqunneqarput.

Ikerasaliani angalaartitsinerit Københavnimi Kalaallit Nunaannut tunngasunik paasisaqarnerulersitsissapput tusarnaartullu nunatta Danmarkillu akornanni pisimasunik ilisimasaqarnerulersinnaallutik.

Inua Fisheries Greenland qaammatip siuliani pilersinneqarpoq, tassani pisassiissutinik kalaallinut piginneqataasunut sinerissami amerlasuunut sapinngisamik agguaassinissaq siunertarineqarpoq.

Meeqqat eqiiallassaatitalinnik Brugsenimi pisisinnaajunnaassapput. Maannamit pisissagaanni 16-ileereersimanissaq piumasaqaataavoq.

Angutit inuusuttut pingasut Paamiut Narsallu akornanni tuttunniarlutik aallarsimasut SAR-imik ippassaq suliaqartoqarneratigut ujaarineqalerput. Ataaseq ajunngitsoq nassaarineqarpoq.

Fidel Castro Cubami 1950-ikkunni mumisitsinermut siuttuuvoq 2006-illu tungaanut kommunistiskiusumik aqutsilluni.

Aasianni pisassiissutit nungunneqarmata raajanik tunisassiorneq qaammat ataaseq sioqqullugu unitsinneqartoq, Polar Seafood paasissutissiivoq. Tunisassiorfik maannakkut matuneqanngilaq, kisianni siunissaq suli nalunarpoq.

Naalagaaffiup Sinniisoqarfiata folketingimut qinersinermi taasinerit maanna misissoreersimalerpai. Taasinernik 300-nik naqqiineq IA sinnerlugu qinikkanut marlunnut sunniuteqassaaq.

Kalaallit Nunaanni Uumasunut Nakorsaqarfik Inuussutissalerinermullu Oqartussaaffiup tuttut neqaasa qumaqarnerat mianersuunneqarnissaat kaammattuutigaa.

Aggustip aqqaneq aappaanni seqernup pulanera nunatsinnit takuneqarsinnaavoq. Nuna tamakkerlugu takuneqarsinnaavoq, Ittoqqortoormiinili nunarsuarmi sivisunerpaamik takuneqarsinnaavoq.

Seqernup pingasunngornermi pulanissaanut atatillugu Spaniami nunanit allanit 460.000-nik takornariaqarnissaa naatsorsuutigineqarpoq. Islandimi akunnittarfinni unnuineq akitsupiloorpoq.

80 Milep kalaallit aatsitassanut oqartussaasuinik oqaloqateqarnermi kingunerisaanik misiliilluni qillerinissamut pilersaarutini 2027-mi ukiumut kinguartippai. Ingerlatseqatigiiffiup naalakkersuisunit paasissutissat nutaat pissutigalugit piffissaliussartik allanngortittariaqarlugu paasissutissiissutigaa.

Kalaallit Nunatsinni Uumasunut Nakorsaqarnermut Inuussutissalerinermullu Oqartussat tuttut neqaasa qumaqarnerat mianersuunneqarnissaat kaammattuutigaa.

Nuummi Qeqertanut ammoniakimik aniasoqarsimavoq. Upalungaarsimasut pisumi suliaqarput.

Aalisartitseqatigiiffiup ukiuni arlalinni amigartooruteqarnini mumisillugu 61,7 millionit koruuninik sinneqartooruteqarpoq. Qaqortumili aalisartup saarullittami akisunerunissaat suli kissaatigaa.

Qillerinissamik pilersaarut oqallisaangaatsiarlunilu paatsuungassutigineqarpoq. Suliap ullumikkut sumut killinnera, uuliamik qaloorilertoqarsinnaalernissaanut akuersissutit suut suli amigaatigineqarnersut pillugit uani ataatsimoortumik atuagaqarsinnaavutit.

Colombiami præsidentip oqarnera naapertorlugu, nunap ataasinngornermi sajunnera inuit 111-t inuunerannik naleqartoq, Reuters allappoq.

Nakorsaq Carsten Mikkelsen aamma peqqissaasoq Helle Mølstrøm Uummannami peqqissaavimmi paarlaattaapput. Taakkualu nunatsinni sulinertik nuannarigaluarlugu, nakorsanik peqqissaasunillu ataavartunik sulisoqalernissaa neriuutigaat.

Greenland Energyp misiliilluni qillerinerit ukiamut aallartissinnaassallugit naatsorsuutigaa. Naalakkersuisulli Múte B. Egedep oqarnera naapertorlugu piffissaliussaq piviusorsiornerunngilaq. Ingerlatseqatigiiffiup akuerineqarnerit akuersissutillu assigiinngitsut suli amigaatigai.