Naalakkersuisut Tasiilami ilinniarfiliorusupput qulimiguulimmillu pitsaanerusumik angallassisoqartalernissaanut millioninik immikkoortitserusullutik. Read more
Innuttaasut affaasa missaanniittut akileraarutinit utertuussapput. Tamanna utertoorsimanerluni e-boksikkut Sullissivik.gl-ikkullu takuneqarsinnaavoq.
Immami pasinarsinnaasunik nassaartoqareernerata kingorna, SAR-imik annaassiniaasoqaleraluarpoq. Akitsuuserisullu poortukkat hashimik imallit Nuummut nassiunneqarsimasut nassaaraat.
Naalakkersuisut siulittaasuata oqarnera naapertorlugu, nunarput nunap immikkoortuani illersornissamut annertunerusumik peqataanissaminut piareersimavoq, aammali nunani avannarlerni naligiinnerunissap pisariaqartinneqarnera erseqqissarpaa.
Nuummi umiatsiat ilaat tallimanngornermi ullaakkut ikuallammat qatserisartut ornigupput. Umiatsiat arlallit ajoqusersimapput, politiillu pisumut takunnittussarsiorput.
Piffissaliussaq nallertinnagu suli suliassaqarpoq, tassa Trumpip USA-mut akitsuutinut isumaqatigiissummut aalajangersagai pillugit, Canadami ministeri oqarpoq.
Naalakkersuisut ilinniartitaanermut, angallannermut, innuttaasunik kiffartuussinermut aamma inatsisitigut isumannaatsuunermut 319 millionit koruunit aningaasanut inatsimmi nutaamik atorniarpaat.
Royal Greenland ingerlatseqatigiiffiit pingasut peqatigalugit, Aasiaat siunissaanik qulakkeerinnittussanik, pisassiissutinik perusupput. Pisassiissutit 25 procentiinik tulaassinissaq piumasaqaataagaluartoq, 75 procentii Aasiannut tulaattarusuppaat.
Pilersuinerup ingerlanneqarnerani ajornartorsiutit ukiut tallimat ingerlaneranni pingasoriaatingajanngorsimapput. Nukissiorfiit qanoq annertutigisumik iluarsaassisoqarnissaanik aningaasaliisoqarnissaanullu qanoq pisariaqartitsiginerminnik maanna oqariartuuteqarput.
Avatangiisinik illersuiniaqatigiit Rusland avannaqqullugu Kangianut Aqqut umiarsuarnit atorneqarlualeraluarpat tamanna immap sikusarneranut qanoq kinguneqarnissaa pillugu mianersoqqusipput.
Nanoq Ilulissat avannaatungaani imeqarfiup eqqaani takuneqarpoq. Nukappissat inuusuttuaqqat maskiinamik assaassummik Nuussuarmi sisamanngornerup unnuaani aallarussisimapput angalaarutigalugillu.
Ukiuni arlalippassuarni sulisup tatigineqarluartup atorfini atornerlussimagaa, suliffeqarfiup iluani maannamut misissuinerup takutippaa.
Ukiuni arlalippassuarni sulisup tatigineqarluartup atorfini atornerlussimagaa, suliffeqarfiup iluani maannamut misissuinerup takutippaa.
Nalunaarusiap nutaap nunatsinni ukiuni kingullerni qulini ilisimatusarnerit paasissutissiissutigai. Nalunaarusiap ilisimatusarusuttoqartorujussuusoq kalaallinilli suleqateqarneq qaqutigoortuusoq aamma USA-mit soqutiginninneq annikilliartortoq takutippaa.
Royal Arctic Line ukioq manna siusinnerusukkut naatsorsuutit saqqummiummagit nalunaarutigineqartut isumalluarnarpallaanngillat. Ingerlatseqatigiiffiulli umiarsuarmik assartuinermi ineriartornerup allanngorsimanera maanna nalunaarutigaa.
Nuugaatsiarmiuusimasup Mikkel Jeremiassenip KNR Nuugaatsiamut angalaqatigaa. Tassani eqqaamasai nuannersut, qitinnerit nunaqarfimmilu ajunaarnersuaqarnera oqaluttuarai.
DR Congomi inuit ebolamik tunillatsissimasut 5021-t affaannit ikinnerulaartut tunillatsereernermi kingorna toqusimanerat, kisitsisinit nutaanit paasinarsivoq.
Oqaatsitigut kulturikkullu assigiinngissuseqarneq arnanik kalaallinik naartusunik erniartortunilluunniit paatsoortitsisinnaallunilu assigiinngisitsinermik kinguneqarsinnaavoq. Tamanna Inuit Pisinnaatitaaffii pillugit Institutip nalunaarusiaani atuarneqarsinnaavoq.
Narsap Atuarfiani ukioq manna taartaasoqaranilu qallunaanik ilinniartitsisoqanngilaq. Ilinniartitsisutulli atorfiit 28-t tamarmik ilinniartitsisunik kalaaliusunik atorfigineqarput.
Uummannami umiatsiat, kilisaatit aalisariutillu talittarfimmi tattoqilliuupput. Nutaamillu talittaarfittaarnissaq umiatsiaararsortut kissaatigaat.
De Radikale siulittaasuat DF-ip siulittaasuanit politikkikkut oqallittoqareernerata kingorna eqqartuussivilersuunneqarpoq. Suliaq eqqartuussivimmi marlunngornermi suliarineqarpoq.
Sakkutuujusussaatitaasut nunatsinni nunami sungiusimanngisaminni siullerpaamik sungiusassapput.
Nuummi umiarsualivimmi uuliakoortoqarsimavoq. Politiit qatserisartullu pisoq pillugu suli misissuipput.
Atuarfik Inussuup pisortaata atuartut sungiussilluarnissaat qilanaaralugulu atuartut ilinniartitsisullu atugarissaarnerulernissaat neriuutigaa.
Atuarfik Inussuk sanaartornikkut ikuallattoornissamullu isumannaallisaanikkut ukiuni marlunni ajornartorsioreerluni atulerpoq. Nuummilu atuartut 964-it tassani atualerput.
Politikeri IA-meersoq inatsisinik atuutsitsinermut ministerip Kangaatsiami politeeqarfeqarnissaa pillugu akissutaanut isumaqataanngilluinnarpoq.
Danskit isertortumik paasiniaasartuisa pisortallu suliffeqarfiisa softwareq Palantirimeersoq atussanngikkaat, Dragsted isumaqarpoq.
Angut Uummannami umiatsiamik aallarussisimalluni politiinut imminut siarnutigisimavoq. Politiillu biilertartunut Nuummi meeqqat atualernerannut atatillugu kaammattuuteqarlutik.
Angutit inuusuttut pingasut Paamiut Narsallu akornanni pingasunngormat ujaarineqalerput, ataaserlu ajunngitsoq nassaarineqarluni. Angutit inuusuttut marluk allat suli maqaasineqarput, SAR-imillu suliaq maanna unitsinneqarluni.
Efterskoleni ukioq atuarfiusussaq aallartereerpoq, kulturerpullu pillugu paasissutissiisartup Lisa Bundgaard Jensenip atuarfiit kalaallinik atuartussanik tikilluaqqusinerusalernissaannut kajumissaarpai.
Aasianni tunisassiorfiup siunissaa sapaatip akunnerata tulliani aalajangerneqarsinnaavoq. Bent Sallingip Polar Seafoodip suliffissanik qanoq attassiniarnera maanna oqaluttuaraa.
Dansk Folkepartip spiralilersorneqarsimasunut tunngatillugu inatsisissatut siunnersuut Folketingimi ullormut oqaluuserisassaniimmat oqallinneq aallartippaat.
Nunat avannarliit siuttuisa illersornissaqarneq aamma meeqqat internettikkut illersorneqarnissaat Danmarkimi aasaanerani ataatsimiinnermi oqaluuserissagaat.
Upernaviup nunaqarfiisa avannarlersaanni innuttaasut kajumissutsiminnillu suliaqartut nunanit allaneersut, aasaanerani feeriarnerminni illunik pisoqalisimasunik iluarsaassillutik ulappussimapput. Nunaqarfimmi illunit 44-usunit 16-it iluarsaanneqalersimapput, illullu arfineq marluk qalissialersorneqarlutik.
Arnat spiralilersorneqarsimasut taarsiiffigineqarsinnaanissaannut inatsisissatut siunnersuut Folketingimit tallimanngorpat siullermeerneqassaaq. Kalaallilli folketingimi ilaasortat marluk, inatsisissatut siunnersuutigineqartup nalunaarusiat qaammatip ingerlanerani saqqummiunneqartussat akuerineqarnissaanut utaqqisariaqannginnerarpaat.
USA-mi angutit naalagaaffinni Tennesseemi, Oklahomami Alabamamilu toqutsinikutut toqumik pillaatisillutik eqqartuunneqarnikut, sisamanngornermi toqunneqarput.
