Immikkut ilisimasallit spiralilersuisoqarnerani inuit pisinnaatitaaffiinut tunngasunik misissuinerisa inerneri arlaleriarlutik kinguaattoorutigineqartut maanna saqqummersinneqalerput. Immikkut ilisimasallit akornanni isumaqatigiinngitsoqarnera pissutigalugu nalunaarusiat marluupput.

Sakkutuujusussaatitaasut nunatsinniinnerminni tapisiarisartakkatik isornartorsiorsimavaat. Ministerip aningaasat maanna qaffakkusuppai.

Inatsisitigut ataataqanngitsut 26-t danskit naalagaaffiat qaammatit marluk qaangiuppata eqqartuussivimmeeqatigissavaat. Tamanna Folketingimi ilaasortap IA-meersup kalaallit allat arnanut spiralilersuinermit eqqugaasunut taarsiiviginninnissamut inatsimmut sooq ilanngunneqarsimannginnerannik apeqquteqarneranik kinguneqarpoq.

Naalakkersuisut nunatsinni pinerluffigineqarsimasunut siunnersuisarfeqalernissaanik Inatsiseqarnermut ministereqarfimmut 2019-imili periarfissarsioqqusipput. Tamanna pingasunngorpat piviusunngussaaq.

Inuusuttuaqqat marluk angullu inuusuttoq Narsap eqqaani iluliaminermut marlunngormat aporput. Ajunngitsulli nunamukaanneqarput.

Nakorsaatit Danmarkimi immamiilernikut ilai isummersoqatigiiffimmit nalunaarsorneqarput. Paracetamoli 2,2 tonsi imaanut ukiut tamaasa kuutsinneqartarpoq.

Allannguutissatut siunnersuutip arnat nammineq piumassuserinngisaminnik naartunaveersaaserneqarsimasut taarsiiffigineqarsinnaasut amerlanerulersippai.

Arnannguaq Gerstrømip erinniaa nutaaq ’Lines of Belonging’, Aalborg Symfoniorkesterip nipilersorlutik aallartinneranni siullerpaamik tusarnaarneqarsinnaassaaq. Nunat, kulturit inuillu akornanni ataqatigiinnermut taanna tunngavoq.

Amerikamiut siunnersuisarfiat Donald Trumpip naalakkersuisuinut atassuteqartoq Danmarkip USA-mi aallartitaqarfianit siorna atorfinitsinneqarpoq.

Arnat itigartinneqartut eqqartuussivimmut suliassanngortitsisinnaatitaaginnaraluarput. Ministerilli arnat naammagittaalliortarfimmut naammagittaalliorsinnaanngornissaat maanna tapersersorpaa.

Peqqissutsimut naalakkersuisoq Anna Wangenheim (D) peqqissartut Aalborgip Universitetshospitalianut innersuunneqartarnissaannut tunngatillugu nunap immikkoortua Jyllandip avannaa oqaloqatigisimavaa.

Eqalukkat ikinneruleriartorlutillu avannarparteriartorput. Tamanna puisinut, piniartunut nunatsinnilu nerisaqatigiiaanut kingunerluuteqarpoq.

Arnaq Maniitsumi sapaammi toqukkut qimaguppoq. Politiit suliami misissuipput inullu ataaseq tigusarineqareerpoq.

USA-mi EU-milu sinniisoqarfiit aningaasaqarnermut inatsisissatut siunnersuummi saqqummiunneqaqqammersumi, 20 millionit koruuninik aningaasaliiffigineqartussanngorput. Aammattaaq naalakkersuisut Nunanut Allanut Naalakkersuisoqarfiup nukittorsarneqarnissaa siunnersuutigaat.

DR-ip nutaarsiassiinera naapertorlugu, danskit naalakkersuisuisa Issittumi umiarsuarnik nakkutilliisussanik sanaartortoqarnissaanut pilersaarummik saqqummiussinerannit ullut 573-it qaangiupput.

Maannakkorpiaq angallat GR 12-052 49-nillu ukiulik Jan Olsen politiit ujaaraat.

Immikkut ilisimasallit eqimattat kalaallit arnat tusindilikkaat inuit pisinnaatitaaffiinik unioqqutitsiffigineqarsimasut misissuiffigaat. Nunarput Danmarkilu qanoq iliuuseqarniarnersut – aamma USA-p inerniliissutit qanoq atussanerai maanna apeqqutaaginnalerpoq.

Arnaq Kapisilinni tallimanngornermi unnukkut taammaaneqartutut Politiinut nalunaarutigineqarpoq, tamatumalu kingorna SAR-imik ujaasineq aallartinneqarluni. Kingorna arnaq ajunngitsoq nassaarineqarpoq.

Inuusuttut piukkunnaatillit misilittagartuullu arsaannermi angutini nunanut allanut unammisartut inuttaaffigaat.

Siku Trawl Qeqertalik Seafoodilu aalisagartassiissutinut neqerooruteqartitsinerni marlunni toqqarneqarput. Suliniuteqartussanut nutaanut periarfissiissaaq Aasiannilu suliffissanik qulakkeerinnissalluni, naalakkersuisut oqarput.

Oqaatsitigut ikiorneqarnerunnginneq, oqaatsit ilitsoqqussat atorlugit ilinniartitaaneq angerlarsimaffiullu avataanut inissiisarnerit suliarineqarniaaluusaarneqartarnerat kalaallit pisinnaatitaaffiisa atuutsinneqannginnerannik kinguneqarsinnaasarpoq. Tamanna Justitiap misissuinerani nutaami takutinneqarpoq.

Innuttaasut affaasa missaanniittut akileraarutinit utertuussapput. Tamanna utertoorsimanerluni e-boksikkut Sullissivik.gl-ikkullu takuneqarsinnaavoq.

Naalakkersuisut Tasiilami ilinniarfiliorusupput qulimiguulimmillu pitsaanerusumik angallassisoqartalernissaanut millioninik immikkoortitserusullutik.

Immami pasinarsinnaasunik nassaartoqareernerata kingorna, SAR-imik annaassiniaasoqaleraluarpoq. Akitsuuserisullu poortukkat hashimik imallit Nuummut nassiunneqarsimasut nassaaraat.

Naalakkersuisut siulittaasuata oqarnera naapertorlugu, nunarput nunap immikkoortuani illersornissamut annertunerusumik peqataanissaminut piareersimavoq, aammali nunani avannarlerni naligiinnerunissap pisariaqartinneqarnera erseqqissarpaa.

Nuummi umiatsiat ilaat tallimanngornermi ullaakkut ikuallammat qatserisartut ornigupput. Umiatsiat arlallit ajoqusersimapput, politiillu pisumut takunnittussarsiorput.

Piffissaliussaq nallertinnagu suli suliassaqarpoq, tassa Trumpip USA-mut akitsuutinut isumaqatigiissummut aalajangersagai pillugit, Canadami ministeri oqarpoq.

Naalakkersuisut ilinniartitaanermut, angallannermut, innuttaasunik kiffartuussinermut aamma inatsisitigut isumannaatsuunermut 319 millionit koruunit aningaasanut inatsimmi nutaamik atorniarpaat.

Royal Greenland ingerlatseqatigiiffiit pingasut peqatigalugit, Aasiaat siunissaanik qulakkeerinnittussanik, pisassiissutinik perusupput. Pisassiissutit 25 procentiinik tulaassinissaq piumasaqaataagaluartoq, 75 procentii Aasiannut tulaattarusuppaat.

Pilersuinerup ingerlanneqarnerani ajornartorsiutit ukiut tallimat ingerlaneranni pingasoriaatingajanngorsimapput. Nukissiorfiit qanoq annertutigisumik iluarsaassisoqarnissaanik aningaasaliisoqarnissaanullu qanoq pisariaqartitsiginerminnik maanna oqariartuuteqarput.

Avatangiisinik illersuiniaqatigiit Rusland avannaqqullugu Kangianut Aqqut umiarsuarnit atorneqarlualeraluarpat tamanna immap sikusarneranut qanoq kinguneqarnissaa pillugu mianersoqqusipput.

Nanoq Ilulissat avannaatungaani imeqarfiup eqqaani takuneqarpoq. Nukappissat inuusuttuaqqat maskiinamik assaassummik Nuussuarmi sisamanngornerup unnuaani aallarussisimapput angalaarutigalugillu.

Ukiuni arlalippassuarni sulisup tatigineqarluartup atorfini atornerlussimagaa, suliffeqarfiup iluani maannamut misissuinerup takutippaa.

Ukiuni arlalippassuarni sulisup tatigineqarluartup atorfini atornerlussimagaa, suliffeqarfiup iluani maannamut misissuinerup takutippaa.

Nalunaarusiap nutaap nunatsinni ukiuni kingullerni qulini ilisimatusarnerit paasissutissiissutigai. Nalunaarusiap ilisimatusarusuttoqartorujussuusoq kalaallinilli suleqateqarneq qaqutigoortuusoq aamma USA-mit soqutiginninneq annikilliartortoq takutippaa.