Peqqissutsimut ministeri Ida Auken (S) nunatsinnukarluni sapaatip akunnerani matumani angalassaaq, nunatsinnilu peqqinnissaqarfimmut naalakkersuisumit tikilluaqquneqassalluni.

Maniitsumi atuarfik ikuallappoq. Politiit atuarfik inoqannginnerarpaat, atuarfiullu iluarsartuunneqarnera ikuallannermut pissutaanerarlugu.

Tanbreez Mining Greenland kujataani aappaagu aatsitassarsiorfiliussaaq. Ingerlatseqatigiiffiup piginnittuata sanaartornermik kujataani suliffeqarfik 60 North qanittukkut pisiaraa.

Ministeriunerup spiralilersuineq pillugu nalunaarusiat marluk nutaat saqqummiunneqareernerani saammaateqatigiinnissamut suliaqarnissaq taperserpaa. Folketingimut ilaasortap, Naaja H. Nathanielsenip (IA) nunarput Danmarkilu assigiimmik ullumikkut inissisimasorai.

Arnat spiralilersuinermi eqqugaasimasut misigisimasaminnut sakkortuunut immikkoortumik nutaamik tallimanngornermi ilanngussaqaqqissinnaalerput. Arnat ilaata pisimasup nuanninngitsup saqqummiunneqarnera qissatigalugulu nuannaarutigalugu oqaatigaa.

Danmarkip nunat tamalaat isumaqatigiissutaannik unioqqutitsisimanini nassuerutigisinnaavaa, imaluunniit nunat tamalaat eqqartuussiviannut sassartinneqassaaq. Naleraq taama oqarpoq, Siumullu tapersiivoq.

Naalakkersuisut nalunaarusiat marluk, Danmark spiralilersuinermi inuiannik nungusaasimasinnaanerannut tunngatillugu apeqqummi akissutissiisussat saqqummiuteqqammerpaat. Nalunaarusiaq ataaseq taamaattoqannginneraavoq, nalunaarusialli aappaata inuiannik nungusaaneq “inerniliunneqarsinnaasutut” nalilerpaat.

Danmarkimut tunngatillugu mamisarnissamik annerusumik ingerlatsisoqarnissaa pisariaqartinneqarpoq. Naalakkersuisut spiralilersuineq pillugu suliaq aamma inuit pisinnaatitaaffiinik unioqqutitsisoqarsimasinnaanera pillugit nalunaarusiat nutaat atuareerlugit taama inerniliissuteqarput.

Kunngi Harald Oslomi Rikshospitalimi tallimanngornermi ullaakkut eqqissilluni toquvoq. Ernera kunngissaq Haakon kunnginngorpoq.

Angutit marluk Aasiaat eqqaanni aavartut SAR-imik sisamanngormat unnukkut ujaarineqartussanngoraluarput. Angutilli taakku marluk ajunngitsut paasineqarpoq.

Aasianni GUX-imi ilinniarfissat affai inuttaqanngillat. Tamanna, rektorip oqarnera naapertorlugu, ilinniarfissatut periarfissat inunngortartullu ikiliartornerannik pissuteqarpoq. Najukkami politikerip Ilulissanit unammillerneqarnerulernissaq ernummatigaa.

Arnat spiralilersorneqarsimasut arlallit taarsiivigineqarsinnaanissamut inatsit polikerinit taasissutigineqartussanngormat Folketingimut najuukkiartorput.

Royal Greenland ukiup 2026-p affaani siullermi iluanaaruteqarpoq. Akileraarutit akilinnginnerini 200 millionit sinnerlugit tassani iluanaarutigalugit. Siorna taamaalinerani amigartooruteqarpoq.

Illersornissamut ministeri Jeppe Bruus pingasunngormat aappassaannik qaammatialunnguit iluini nunatsinniippoq, qanittukkullu tikeqqissalluni. Tamanna naalagaaffeqatigiinnerup illersornissaanik takutitsineruvoq, taanna oqarpoq.

EU-p kommissionimi siulittaasoq, Ursula von der Leyen, Mette Frederiksen peqatigalugu nunatsinnut septembarimi tikeraassaaq.

Qaqqartuumi qarsutsinersuaqareersorlu ajunaartut 165-iunissaat sisamanngornermi naatsorsuutigineqarpoq. Takornariarpassuit maqaasineqartutut nalunaarutigineqarput.

Danmarkimi upalungaarsimanermut ministeri suleqatigiinnerunissaq pillugu nunatsinniissimavoq. Taassuma qarasaasiatigut isumannaallisaaneq eqqartorpaa upalungaarsimanermullu naalakkersuisup ilinniagaqassutsip qaffassarneqarnissaa eqqartorpaa.

Immikkut ilisimasallit spiralilersuisoqarnerani inuit pisinnaatitaaffiinut tunngasunik misissuinerisa inerneri arlaleriarlutik kinguaattoorutigineqartut maanna saqqummersinneqalerput. Immikkut ilisimasallit akornanni isumaqatigiinngitsoqarnera pissutigalugu nalunaarusiat marluupput.

Arnaq 29-nik ukiulik Maniitsumi sapaatiummat toquvoq. Politiit angut suliamut tassunga atatillugu tigusaraat. Angut maanna iperagaavoq.

Sakkutuujusussaatitaasut nunatsinniinnerminni tapisiarisartakkatik isornartorsiorsimavaat. Ministerip aningaasat maanna qaffakkusuppai.

Inatsisitigut ataataqanngitsut 26-t danskit naalagaaffiat qaammatit marluk qaangiuppata eqqartuussivimmeeqatigissavaat. Tamanna Folketingimi ilaasortap IA-meersup kalaallit allat arnanut spiralilersuinermit eqqugaasunut taarsiiviginninnissamut inatsimmut sooq ilanngunneqarsimannginnerannik apeqquteqarneranik kinguneqarpoq.

Naalakkersuisut nunatsinni pinerluffigineqarsimasunut siunnersuisarfeqalernissaanik Inatsiseqarnermut ministereqarfimmut 2019-imili periarfissarsioqqusipput. Tamanna pingasunngorpat piviusunngussaaq.

Inuusuttuaqqat marluk angullu inuusuttoq Narsap eqqaani iluliaminermut marlunngormat aporput. Ajunngitsulli nunamukaanneqarput.

Nakorsaatit Danmarkimi immamiilernikut ilai isummersoqatigiiffimmit nalunaarsorneqarput. Paracetamoli 2,2 tonsi imaanut ukiut tamaasa kuutsinneqartarpoq.

Allannguutissatut siunnersuutip arnat nammineq piumassuserinngisaminnik naartunaveersaaserneqarsimasut taarsiiffigineqarsinnaasut amerlanerulersippai.

Arnannguaq Gerstrømip erinniaa nutaaq ’Lines of Belonging’, Aalborg Symfoniorkesterip nipilersorlutik aallartinneranni siullerpaamik tusarnaarneqarsinnaassaaq. Nunat, kulturit inuillu akornanni ataqatigiinnermut taanna tunngavoq.

Amerikamiut siunnersuisarfiat Donald Trumpip naalakkersuisuinut atassuteqartoq Danmarkip USA-mi aallartitaqarfianit siorna atorfinitsinneqarpoq.

Arnat itigartinneqartut eqqartuussivimmut suliassanngortitsisinnaatitaaginnaraluarput. Ministerilli arnat naammagittaalliortarfimmut naammagittaalliorsinnaanngornissaat maanna tapersersorpaa.

Peqqissutsimut naalakkersuisoq Anna Wangenheim (D) peqqissartut Aalborgip Universitetshospitalianut innersuunneqartarnissaannut tunngatillugu nunap immikkoortua Jyllandip avannaa oqaloqatigisimavaa.

Eqalukkat ikinneruleriartorlutillu avannarparteriartorput. Tamanna puisinut, piniartunut nunatsinnilu nerisaqatigiiaanut kingunerluuteqarpoq.

Arnaq Maniitsumi sapaammi toqukkut qimaguppoq. Politiit suliami misissuipput inullu ataaseq tigusarineqareerpoq.

USA-mi EU-milu sinniisoqarfiit aningaasaqarnermut inatsisissatut siunnersuummi saqqummiunneqaqqammersumi, 20 millionit koruuninik aningaasaliiffigineqartussanngorput. Aammattaaq naalakkersuisut Nunanut Allanut Naalakkersuisoqarfiup nukittorsarneqarnissaa siunnersuutigaat.

DR-ip nutaarsiassiinera naapertorlugu, danskit naalakkersuisuisa Issittumi umiarsuarnik nakkutilliisussanik sanaartortoqarnissaanut pilersaarummik saqqummiussinerannit ullut 573-it qaangiupput.

Maannakkorpiaq angallat GR 12-052 49-nillu ukiulik Jan Olsen politiit ujaaraat.

Immikkut ilisimasallit eqimattat kalaallit arnat tusindilikkaat inuit pisinnaatitaaffiinik unioqqutitsiffigineqarsimasut misissuiffigaat. Nunarput Danmarkilu qanoq iliuuseqarniarnersut – aamma USA-p inerniliissutit qanoq atussanerai maanna apeqqutaaginnalerpoq.