លោកនាយករដ្ឋមន្ត្រីហ៊ុន ម៉ាណែតបានប្រកាសក្នុងពិធីបិទវេទិកាអង្ករលើកទី៧នៅថ្ងៃទី១០ កញ្ញាថា រដ្ឋាភិបាលកម្ពុជានឹងបន្តអនុវត្តគោលនយោបាយអនុគ្រោះក្នុងវិស័យកសិកម្ម។ ការប្រកាសដាក់ឱ្យបន្តអនុវត្តគោលនយោបាយអនុគ្រោះក្នុងវិស័យកសិកម្មនាពេលនេះត្រូវបានលោកហ៊ុន ម៉ាណែតពន្យល់ថា គឺដើម្បីគាំទ្រដល់វិស័យកសិកម្មដែលនៅមិនទាន់មានស្ថានភាពប្រសើរ។ បើតាមលោក ហ៊ុន ម៉ាណែត គោលនយោបាយអនុគ្រោះក្នុងវិស័យកសិកម្មដែលរដ្ឋាភិបាលបន្តអនុវត្តរួមមាន ការមិនយកពន្ធ ឬបន្ថយពន្ធចំពោះអ្នកបំពេញការងារលើវិស័យកសិកម្ម។ល។ អ្នកជំនាញកសិកម្មមួយចំនួនមើលឃើញលទ្ធផលតិចតួចណាស់ចេញពីការបន្តអនុវត្តគោលនយោបាយអនុគ្រោះកសិកម្មនេះ ប្រសិនបើផែនការកសិកម្មនៅតែដើរយឺតដដែលនោះ។

បន្ទាប់ពី​ទទួលបានការតែងតាំង​ជាអ្នកតំណាងបក្ស​រៀងៗខ្លួន បេក្ខជន​ប្រធានាធិបតីអាមេរិក​បានជួបមុខគ្នា​នៅក្នុង​កម្មវិធីពិភាក្សា​ដេញដោល រយៈពេល ១ម៉ោងកន្លះ ដែល​រៀបចំ​ឡើង​នៅ​ស្ថានីយ៍ទូរទស្សន៍អាមេរិក ABC កាលពី​ថ្ងៃ​អង្គារទី ១០​កញ្ញា។ ចាប់តាំងពី​ត្រូវ​តែងតាំងជា​បេក្ខនារី​ប្រធានាធិបតី​របស់​គណបក្ស​ប្រជាធិបតេយ្យ ជំនួស​លោកចូ បៃដិន​ដែលទើបប្រកាស​ដកខ្លួន​នៅ​ខែ កក្កដា​កន្លងទៅ នេះជាលើកទី​១​ដែល​លោកស្រី ខាម៉ាឡា ហារីស​ ជួបពិភាក្សា​ដេញដោលផ្ទាល់ ​ជាមួយ​លោក​ដូណាល់ ត្រាំ បេក្ខជន​បក្ស​សាធារណរដ្ឋ។

គណ​បក្ស​កម្លាំង​ជាតិ​គ្រោង​ធ្វើ​សមាជ​នៅ​ថ្ងៃ​ទី​១៥ ខែ​កញ្ញា ឆ្នាំ​២០២៤ ដើម្បី​ជ្រើស​រើស​ក្បាល​ម៉ាស៊ីន​ដឹក​នាំ​បក្ស​។​ តែ​លោក ​រ៉ុង ឈុន ទីប្រឹក្សា​គណ​បក្ស​កម្លាំង​ជាតិ​ត្រូវ​បាន​សាលាដំបូង​រាជ​ធានី​ភ្នំពេញ​ចេញ​ដី​កាកោះ​ហៅឲ្យ​ចូល​បំភ្លឺ​នៅ​ថ្ងៃ​ទី​២០ ខែ​កញ្ញា ពោល ៥ថ្ងៃ​ក្រោយ​សមាជ​បក្ស​។​ តាម​ដី​កាចុះ​ថ្ងៃ​ទី​៤ ​ខែ​កញ្ញា ​ឆ្នាំ២០២៤ ចៅក្រម​ស៊ើប​សួរ​សាលា​ដំបូង​រាជ​ធានី​ភ្នំពេញ​បាន​បង្គាប់​ឲ្យ​ ​លោក ​រ៉ុង ឈុន ​ចូល​បំភ្លឺ​នៅ​ម៉ោង​៩ព្រឹក​ថ្ងៃ​ទី​២០ កញ្ញា​ពី​ដំណើរ​រឿង​ «ការ​មិន​រាង​ចាល​ក្នុង​បទ​មជ្ឈឹម បន្ទាប់ពី​ផ្អាក​ទោស​មជ្ឈឹម ​និង​ពី​បទញុះ​ញង់​បង្ក​ភាព​វឹក​វរ​ធ្ងន់​ធ្ងរ​ដល់​សន្តិ​សុខ​សង្គម»​ ដែល​ប្រព្រឹត្តិ​នៅ​កម្ពុជា​ក្នុង​ឆ្នាំ២០២៤​។

ឯក​អគ្គ​រដ្ឋ​ទូត​សហភាព​អឺរ៉ុប​ប្រចាំ​កម្ពុជា​បាន​ជួប​ពិភា​ក្សា​ការ​ងារ​ជាមួយ​ប្រធាន​គណៈ​កម្មា​ធិការ​សិទ្ធិ​មនុស្ស​កម្ពុជា​នៅ​ថ្ងៃទី​៩ ខែ​កញ្ញា ឆ្នាំ​២០២៤​។​ ជំនួប​នេះ​ធ្វើឡើង​ក្នុង​គោល​បំណង​បង្ហាញ​ពី​មូល​ដ្ឋាន​ជាក់​លាក់​នៃ​វិធាន​ការ​ទាំង​ឡាយ​របស់​រដ្ឋាភិ​បាល​កម្ពុជា​ដែល​សំដៅ​ដល់​ការ​ចាប់​ខ្លួន​យុវជន​មួយ​ចំនួន​នា​ពេល​កន្លង​ទៅ​ថ្មីៗ​នេះ​។​ តំណាង​សហភាព​អឺរ៉ុប​បាន​បង្ហាញ​ពី​ការ​មិន​យល់​ស្រប​គ្នា​ខ្លះលើ​អ្វី​ដែល​ជា​វិធាន​ការ​របស់​រដ្ឋាភិបាល​ពាក់ព័ន្ធ​នឹង​ការ​ចាប់​ខ្លួន​យុវជន​ទាក់ទង​នឹង​គម្រោង​បាតុកម្ម​កាលពី​ថ្ងៃទី​១៨​ ខែ​សីហាដែល​គេ​ហៅជា​គម្រោង​បាតុ​កម្ម​ប្រឆាំង​CLV។

ក្រសួង​ពាណិជ្ជកម្មកម្ពុជា​បានកំណត់តម្លៃ​ប្រេងឥន្ធនៈពីថ្ងៃទី១១ ​ដល់ថ្ងៃទី២០ ខែ​កញ្ញា ឆ្នាំ២០២៤​ ដោយប្រេងសាំង​ធម្មតា​មានតម្លៃ ​៣៩០០រៀល​ក្នុង១លីត្រ ​និង​ប្រេងម៉ាស៊ូត​មានតម្លៃ ​៣ ៧៥០រៀល​ក្នុង១លីត្រ​។ តម្លៃ​ប្រេងដែល​បានធ្លាក់​មកនៅក្រោម ១ដុល្លារ​ ក្នុងមួយលីត្រ​នេះ ​ជារឿង​កម្រនឹងកើតមាន​អស់រយៈពេល​ជាច្រើនឆ្នាំមកហើយ។ ​លោកបណ្ឌិត ​ហុង វណ្ណៈ ​អ្នកជំនាញ​សេដ្ឋកិច្ចនៃ​រាជបណ្ឌិតសភា​កម្ពុជាបានមើលឃើញ​ថា ការបន្ត​ធ្លាក់ចុះ​នៃ​តម្លៃប្រេង​ឥន្ធនៈនេះ​ជាសញ្ញា​មួយ​ជួយឲ្យ​សេដ្ឋកិច្ចកម្ពុជា​មានភាព​វិជ្ជមាន ​ពិសេស​នឹងជួយ​ដល់ច្រវ៉ាក់ផលិតកម្ម​គ្រប់វិស័យ​ដែល​ប្រើប្រាស់​វត្ថុធាតុដើម​ពី​ប្រេងឥន្ធនៈ​។

មេដឹកនាំកូរ៉េខាងជើង គីម ជុងអ៊ុន បានប្រកាស​ថា កូរ៉េខាងជើង​នឹងប្រឹងប្រែងអភិវឌ្ឍន៍​គ្រឿងសព្វាវុធនុយក្លេអ៊ែរ ឲ្យ​ល្អឥតខ្ចោះ ដើម្បីត្រៀម​ទប់ទល់ជាមួយសត្រូវ​។ សម្តីនេះត្រូវបានថ្លែង នៅថ្ងៃ​ទី​១០​កញ្ញានេះ ក្នុង​​ឱកាស​បុណ្យ​ខួបទី​៧៦ ​នៃ​ការបង្កើត សាធារណរដ្ឋ​ប្រជាមានិតប្រជាធិបតេយ្យ​កូរ៉េ។ នេះអាចទុកបានថាជាលើកទី​១ហើយ ដែល​មេដឹកនាំកូរ៉េខាងជើងរូបនេះ និយាយ​ប្រកាសជាផ្លូវការ​ ថាខ្លួនពិតជាមាន​គ្រឿងសព្វាវុធនុយក្លេអ៊ែរ។

មហាយក្ស​ចិន ​និងមហាអំណាច​​រុស្ស៊ី​ រួម​ពួត​ដៃគ្នា​ធ្វើ​សមយុទ្ធ​យោធា​ជើង​ទឹកនិងជើង​អាកាស​ នៅ​ក្នុង​ដែនទឹក ​ក្បែរ​នឹង​​សមុទ្រ​ជប៉ុន។ ក្រសួង​​ការ​ពារជាតិ​រុស្ស៊ី ចាត់ទុក​ព្រឹត្តិការណ៍ដ៏សម្បើម​នេះ ជា​មហាសមយុទ្ធដ៏សំខាន់​ប្រចាំឆ្នាំ ហើយ​ចំណែក រដ្ឋអំណាច​ចិន​ បញ្ជាក់ថា ការ​សាកល្បង​ហ្វឹកហាត់​ក្បួនទ័ព​​នេះ បន្ត​ធ្វើ​រហូត​ដល់ថ្ងៃទី១៦កញ្ញា។​ ភាគីក្រុងតូក្យូ​ ក្រៅពី​ថ្លែងក្តីបារម្ភ​និង​មិនសប្បាយ​ចិត្ត​ ជប៉ុន​បាន​តាម​ដាន​សកម្មភាព​ចល័ត​ទ័ព របស់​នាវា​ចម្បាំង​​ចិន ​​យ៉ាង​កៀកកិត​។ ​

ឧស្ម័នម៉េតាន គឺជាអ្នករួមចំណែកដ៏សំខាន់ដែរ ទន្ទឹមនឹងឧស្ម័នកាបូនិក ក្នុងការធ្វើ​ឲ្យ​​សីតុណ្ហភាពផែនដីយើង ​ឡើងកំដៅ។ បើទោះបីជាមានការសន្យា​ពីបណ្តា​ប្រទេសនានា ថា​ប្រឹងប្រែងកាត់បន្ថយ​ការបញ្ចេញឧស្ម័ន​ម៉េតាន តែគេក្រុមអ្នកស្រាវជ្រាវវិទ្យាសាស្ត្រ​ បាន​សង្កេតឃើញថា ឧស្ម័ន​ប្រភេទនេះ​នៅតែមានកម្រិត​ច្រើន​ក្នុងបរិយាកាស​ ហើយ​បានកើនឡើងយ៉ាងលឿនរហ័ស។

គ្រាប់បែកចង្កោមនៅបន្ត​សម្លាប់មនុស្ស ហើយអ្នកដែលរងគ្រោះថ្នាក់ដល់អាយុជីវិត​ច្រើនជាងគេ គឺ ប្រជាជនស៊ីវិល កុមារ។ យោងតា​មរបាយការណ៍​របស់​អង្គការសម្ព័ន្ធគ្រាប់បែកចង្កោម ចេញផ្សាយ​កាលពី​ថ្ងៃចន្ទទី ៩ កញ្ញា ពាក់កណ្តាល​នៃ​ជនរងគ្រោះ​ស្លាប់ និង​របួស​ដោយសារ​គ្រាប់បែកចង្កោម​នៅក្នុងពិភពលោក គឺជាប្រជាជន​អ៊ុយក្រែន។ ប្រជាជន​ស៊ីវិល​អ៊ុយក្រែន​រងគ្រោះ​ដោយសារ​គ្រាប់បែក​ចង្កោម​ដែល​ភាគីជម្លោះទាំងពីរ ទាំង​អ៊ុយក្រែន និង​រុស្ស៊ី​បាន​ប្រើ​ស្មើដៃគ្នា នៅក្នុង​សង្រ្គាម​អ៊ុយក្រែន។ នៅក្នុង​ក្រសែភ្នែក​របស់អង្គការការពារ​សិទ្ធិមនុស្ស ​ការប្រើប្រាស់​គ្រាប់បែក​ចង្កោម​នៅ​ក្នុង​សង្រ្គាមអ៊ុយក្រែន​ ដោយ​គ្មាន​ខ្លាចរអែង ពីគ្រោះថ្នាក់​សម្លាប់ប្រជាជន​ស៊ីវិល​ អាច​ជាចរន្ត​​ជំរុញ​ឲ្យ​សន្ធិសញ្ញា​ហាមឃាត់​គ្រាប់បែកចង្កោម​របស់អង្គការ​សហប្រជាជាតិកាន់តែ​ចុះខ្សោយ។

រដ្ឋាភិបាល​កម្ពុជា ​តាមរយៈ​គណៈកម្មការជាតិ​រៀបចំ​បុណ្យជាតិ​-អន្តរជាតិ​ បាន​ប្រកាសពីការ​រៀបចំ​ព្រះរាជពិធី​បុណ្យអុំទូក​ បណ្តែត​ប្រទីប ​និង​សំពះព្រះខែ ​អកអំបុក​នៅអំឡុង​ខែ​វិច្ឆិកា​ ឆ្នាំ​២០២៤​នេះ។​ ការប្រកាស​ពីការ​រៀបចំ​ពិធីបុណ្យ​មួយនេះ​ក្នុងឆ្នាំនេះ​ត្រូវបាន​អ្នក​វិភាគ​មើលឃើញថា ​គឺជា​យន្តការ​មួយ​ជួយ​បន្ធូ​បន្ថយ​អារម្មណ៍​តានតឹង​របស់​ពលរដ្ឋ ​និង​ជួយឲ្យ​មាន​ចរន្ត​សាច់ប្រាក់​នៅក្នុង​ចំណោម​មហាជន​។

នៅក្រោយដំណើរទស្សនកិច្ចទៅកាន់ប្រទេសចិនរបស់លោកស សុខា រដ្ឋមន្រ្តីក្រសួងមហាផ្ទៃ កម្ពុជា និងចិននឹងផ្តោតសំខាន់លើកិច្ចសហប្រតិបត្តិការសន្តិសុខពាក់ព័ន្ធនឹងឧក្រិដ្ឋកម្មឆ្លងដែន ការស្វែងរក និងចាប់បញ្ចូនជនល្មើសត្រឡប់ទៅប្រទេសដើមវិញ រួមទាំងការពង្រឹងកិច្ចសហប្រតិបត្តិការអនុវត្តច្បាប់រវាងប្រទេសទាំងពីរ។ នេះបើតាមសេចក្តីប្រកាសព័ត៌មានរបស់ក្រសួងមហាផ្ទៃកម្ពុជាចុះថ្ងៃទី៩ កញ្ញា និងថា កិច្ចសហប្រតិបត្តិការសន្តិសុខពាក់ព័ន្ធនឹងឧក្រិដ្ឋកម្មឆ្លងដែនរវាងកម្ពុជា និងចិននេះ គឺបន្តពីកិច្ចសហប្រតិបត្តិការដែលភាគីទាំង២ មានស្រាប់កាលពីឆ្នាំ២០១៩ ដោយផ្ដោតការយកចិត្តទុកដាក់ និងប្តេជ្ញាចិត្តក្នុងកិច្ចសហការថែរក្សាសន្តិសុខ សុវត្ថិភាព និងសណ្តាប់ធ្នាប់សាធារណៈ។

ពីរថ្ងៃ​ក្រោយ​បោកបក់​ដោយ​ព្យុះកំណាច​Yagi​ វៀតណាម​បូកសរុប​ការខូចខាតដ៏ធ្ងន់ធ្ងរ​ ដោយសារ​គ្រោះមហន្តរាយធម្មជាតិលើកនេះ។ បើតាមតុល្យការ​របស់​​អាជ្ញាធរ​វៀតណាម គិតត្រឹមថ្ងៃ​អង្គារ​ទី ១០​កញ្ញានេះ ព្យុះសង្ឃរា បាន​បណ្តាល​ឲ្យ​មនុស្ស​៦៣នាក់ ស្លាប់ និង​បាត់ខ្លួនជាង៤០នាក់។ របាយការណ៍ របស់​ស្ថាប័ន​ទទួលបន្ទុក​គ្រោះមហន្តរាយ​​វៀតណាម​បង្ហាញដែរថា មនុស្ស​ជិត ៨០០នាក់​រងរបួស ចំណែក ផ្ទះសម្បែងរាប់ម៉ឺនខ្នង រោងចក្រ និង​ទីកន្លែង​ទេសចរណ៍​ល្បីៗ​នៅភាគខាងជើង​វៀតណាមត្រូវ​បាន​បំផ្លាញ ដោយសារ​ខ្យល់ព្យុះសង្ឃរា Yagi កាលពីថ្ងៃ​សៅរ៍ទី ៧ កញ្ញា។

លោកនាយករដ្ឋមន្ត្រីហ៊ុន ម៉ាណែតបានថ្លែងនៅថ្ងៃអង្គារ ទី១០ កញ្ញានេះថា រដ្ឋាភិបាលបានដាក់ចេញគោលនយោបាយជួយវិស័យកសិកម្មដោយដាក់ពង្រាយមន្ត្រីកសិកម្ម កាត់បន្ថយតម្លៃដើមក្នុងការផលិត និងជួយបង្កើនប្រាក់ចំណេញដល់អ្នកធ្វើកសិកម្ម។ ការអះអាងរបស់លោក ហ៊ុន ម៉ាណែតដូច្នោះធ្វើឡើងនៅក្នុងពិធីបិទវេទិកាស្រូវអង្ករលើកទី៧ នាថ្ងៃទី១០ ខែកញ្ញា ឆ្នាំ២០២៤។

​អង្គការ​សហប្រជាជាតិ បាន​សម្តែង​ក្តីបារម្ភ​ជាថ្មី ចំពោះ​ស្ថានភាព​ពលរដ្ឋ​ប៉ាឡេស្ទីន​ ដែល​ឋិត​ក្រោម​ការ​ចាប់​ឃុំឃាំង​របស់​កងទ័ព​អ៊ីស្រាអែល។ អង្គការ​សហប្រជាជាតិ ព្រួយបារម្ភ ដ្បិតថា​ មាន​ភស្តុតាង​និង​​សេចក្តីរាយការណ៍​ជាច្រើន​ចង្អុល​បង្ហាញពីអំពើ​ទារុណកម្ម​លើរាងកាយ​ និង​ផ្លូវ​ភេទ​របស់​អ្នក​ជាប់​ឃុំ។ ការ​ធ្វើ​ទារុណកម្មពីសំណាក់​យោធាអ៊ីស្រាអែល ទៅលើ​អ្នក​ជាប់ឃុំ​ប៉ាឡេស្ទីន កើត​មាន​ជាទូទៅ​ ទាំង​ចំពោះ​បុរស ស្ត្រី​ និងកុមារ។ នេះបើតាម​ការ​បញ្ជាក់រ​បស់​ ប្រេសិតពិសេស​​​អង្គការ​សហប្រជាជាតិ ​ក្នុង​ឱកាស​បើក​កិច្ចប្រជុំ នៅ​បុរី​​ញូវយ៉ក សហរដ្ឋអាមេរិក។​​​ ​

នៅថៃ រដ្ឋាភិបាលថ្មីរបស់​លោកស្រី ភែថងថាន ស៊ីណាវ៉ាត្រ បានស្បថចូលកាន់អំណាច​ កាលពីថ្ងៃសុក្រទី​៦​កញ្ញាកន្លងទៅ​។ លោកស្រី ភែថងថាន គឺជាមនុស្សទី​៣ហើយ នៃវង្សត្រកូល​ស៊ីណាវ៉ាត្រ ដែលដឹកនាំរដ្ឋាភិបាលថៃ។ ប្រមាណជាង​២០ឆ្នាំមកនេះ ក្រុមគ្រួសារត្រកូល​ស៊ីណាវ៉ាត្រ មិនបាន​ទៅណាឆ្ងាយ​ឡើយ​ ពីឆាកនយោបាយ​ថៃ ហើយ​បន្តមានឥទ្ធិពលជានិច្ច ទៅលើជីវិតនយោបាយថៃ​​​ បើទោះបីជាមានព្យុះឧបសគ្គរារាំងយ៉ាងណា។

ក្រុមប្រឹក្សាអភិវឌ្ឍន៍កម្ពុជាហៅកាត់ CDC បានឱ្យដឹងថា នៅក្នុងខែសីហា ឆ្នាំ២០២៤ នេះ CDC បានអនុម័តគម្រោងវិនិយោគចំនួន៥៣ ដែលមានទុនវិនិយោគសុរបប្រមាណជាង ១,២ពាន់លានដុល្លារអាមេរិក ក្នុងនោះ គម្រោងវិនិយោគក្រៅតំបន់សេដ្ឋកិច្ចពិសេសមានចំនួន ៣១គម្រោង និងក្នុងតំបន់សេដ្ឋកិច្ចពិសេសមានចំនួន ២២គម្រោង។

ប៉ារ៉ាឡាំពិក ​ទីក្រុង​ប៉ារីស ឆ្នាំ២០២៤ បាន​បិទបញ្ចប់​ទៅដោយ​ក្តី​អំណរ​រីករាយ​ នៅ​​​ថ្ងៃអាទិត្យ​ ទី​៨កញ្ញា​​ បន្ទាប់ពី​បាន​ប្រព្រឹត្ត​ទៅ ចំនួន ១១ ថ្ងៃ​ជាប់​គ្នាមក។​ ព្រឹត្តិការណ៍​ប្រកួត​កីឡា​ជនពិការ​ពិភពលោក​ នៅប្រទេស​បារាំង​លើកនេះ ត្រូវ​ថ្នាក់ដឹកនាំ​រៀបចំ​កម្មវិធី​និង​បណ្តាញ​សារព័ត៌មានអន្តរជាតិ​ជាច្រើន​ ​វាយ​តម្លៃ​ខ្ពស់​ និង​បាន​ចាត់ទុកថា​ គំរូប្រវត្តិសាស្ត្រដ៏ល្អ​​សម្រាប់​រៀបចំ​ព្រឹត្តិការណ៍​​ប្រកួត​កីឡា​ជន​ពិការ​ នាពេល​អនាគត។

អ្នកភូមិប្រមាណជា១០គ្រួសារនៅជើងភ្នំជីសូរ ឃុំរវៀង ស្រុកសំរោង ខេត្តតាកែវ នៅតែប្រកបរបរវាយថ្មភ្នំ ដើម្បីរកចំណូលបន្ថែមសម្រាប់ផ្គត់ផ្គង់ជីវភាពគ្រួសាររបស់ពួកគេ។ ការងារវាយ បំបែកថ្មដោយកម្លាំងបាយ ជាការងារធ្ងន់ ប៉ុន្តែ ផ្តល់ចំណូលស្ទើរតែមិនគ្រប់ សម្រាប់ជីវភាពប្រចាំថ្ងៃ។ ពលរដ្ឋមួយចំនួនបានបោះបង់ចោលមុខរបរនេះដើម្បីទៅប្រកបរបរផ្សេងវិញ។

ជាថ្មីម្តងទៀត សហភាព​អឺរ៉ុបអះអាងថា​​ខ្លួនទទួល​ភស្តុតាង​ច្បាស់លាស់​គួរ​ឲ្យ​ទុកចិត្ត​បាន ដែល​​បញ្ជាក់ ថា អ៊ីរ៉ង់​​បញ្ជូនមីស៊ីល​គ្រឿង​សព្វាវុធ ឲ្យកង​ទ័ព​រុស្ស៊ី ប្រើប្រាស់​ក្នុង​សង្គ្រាម​ឈ្លាន​ពាន​នៅ​អ៊ុយក្រែន។ ដំណឹង​ដ៏រសើប​នេះ ត្រូវ​អ៊ីរ៉ង់​​​បដិសេធយ៉ាង​ដាច់​អហង្ការ តែផ្ទុយ​ទៅវិញ រដ្ឋបាល​ទីក្រុង​ម៉ូស្កូ​ មិន​បាន​ទាត់​ចោល​ ហើយ​ក៏​មិន​បញ្ជាក់​អ្វីនោះដែរ។

ចាប់ពីថ្ងៃ​ទី០៨​ ដល់ថ្ងៃទី​១៤ ខែកញ្ញា​ ឆ្នាំ២០២៤ ប្រទេស​កម្ពុជា ​និង​ចិន​បានរួមគ្នា​តាំងពិព័រណ៌​រូបថត​ស្តីពី ​«សម្រស់​ប្រទេសកម្ពុជា​ និង​សម្រស់​ប្រទេស​ចិន»​ ក្រោមប្រធានបទ​ «កម្ពុជា-ចិន​ក្នុងស៊ុមរូប​តែមួយ»​។ ពិធី​តាំងពិព័រណ៌​ដែលមាន​ការចូលរួមពី​រដ្ឋមន្ត្រីក្រសួង​ទេសចរណ៍​កម្ពុជា ​លោក សុខ សូកេន ​និងឯកអគ្គរដ្ឋទូត​ចិន​ប្រចាំកម្ពុជា​លោក វ៉ាង វេនប៊ីន ​នៅក្នុង​ខេត្តសៀមរាប​ធ្វើឡើង​ដើម្បី​អបអរខួប ​៦៦ឆ្នាំ ​នៃទំនាក់ទំនង​ការទូត​រវាងប្រទេស​កម្ពុជា និង​ចិន ​ហើយក៏ជា​ការអបអរ​នៃឆ្នាំ​ផ្លាស់ប្តូរ​ប្រជាជន ​និង​ប្រជាជនរវាង​ចិន និង​កម្ពុជា​។

ស្ត្រីវ័យចំណាស់ម្នាក់ដែលបានបញ្ចេញមតិក្នុងទំព័រហ្វេសប៊ុករបស់លោកហ៊ុន សែន ប្រធានព្រឹទ្ធសភាថាវៀតណាមបានគ្រប់គ្រងដីខ្មែរត្រូវបានសមត្ថកិច្ចចាប់ខ្លួននៅយប់ថ្ងៃទី៨ កញ្ញាពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម។ ចំណាត់ការផ្លូវច្បាប់នេះធ្វើឡើងភ្លាមៗក្រោមការបង្គាប់បញ្ជារបស់លោកហ៊ុន សែន។ ទន្ទឹមនឹងការចាប់ខ្លួនសំឡេងរិះគន់នេះ លោកហ៊ុន សែនក៏បានឆ្លៀតប្រាប់ឱ្យសង្គមស៊ីវិល និងបណ្តាប្រទេសលោកខាងលិចត្រូវពិនិត្យសំណុំរឿងនេះឱ្យច្បាស់ មុននឹងប្រតិកម្ម ប្រសិនបើពួកគេមិនចង់ធ្វើជាសត្រូវជាមួយច្បាប់កម្ពុជាទេនោះ។

បើ​ទោះបី​ជា​ជន​ឆបោក​មួយ​ចំនួន​ត្រូវ​បាន​ចាប់​ខ្លួន​ជា​បន្ត​បន្ទាប់​ក៏​ដោយ​ ក៏​ជន​រង​គ្រោះហាក់​នៅ​ពុំ​ទាន់​ទទួល​បាន​យុត្តិធម៌​នៅ​ឡើយ​ ពិសេស​មិន​ទាន់​ទទួល​បាន​វិញ​នូវ​ប្រាក់​ដែល​ពួក​គេ​បាន​ដាក់​វិនិ​យោគ​។​ ជាក់ស្តែង​ នៅក្នុង​សំណុំ​រឿង​អតីត​ឧកញ៉ា ឡេង ចាន់ណា មាន​ពលរដ្ឋ​ជាង ៥០០០​គ្រួសារបាន​ដាក់​ពាក្យ​ប្តឹង​ក្រុម​ហ៊ុន​ប៊្រីលាន​ស៊ីធី ​ពី​បទ​ឆបោក​ទឹក​ប្រាក់​វិនិយោគ​ទាំង​ដើម ​ទាំង​ការ​ជាង​ ៣០០លាន​ដុល្លារ​។ ​ចំណែក​សំណុំ​រឿង​អតីត​ឧកញ៉ា ជា សារ៉ន វិញ​ត្រូវ​បាន​ពលរដ្ឋ​ប្តឹង​ពី​បទ​ឆបោក​ក្នុង​គម្រោង​អភិវឌ្ឍន៍​ដីឡូតិ៍ជិត​ ៤០​លាន​ដុល្លារ​។​ តើ​គួរ​មាន​យន្តការ​អ្វីខ្លះ​ដើម្បី​ធានា​យុត្តិធម៌​ដល់​ជន​រង​គ្រោះនៅ​ក្រោយ​ចាប់​ខ្លួន​ជន​ឆបោក​ទាំង​នេះ​?​

នៅក្នុងចំណោមអ្នកស្ម័គ្រចិត្តអន្តរជាតិជាង៤ម៉ឺន៥ពាន់នាក់ ដែលធ្វើការយ៉ាងសកម្មនៅក្នុងការប្រកួតកីឡាប៉ារ៉ាឡាំពិកនៅទីក្រុងប៉ារីស មានយុវជនស្ម័គ្រចិត្តកម្ពុជាប្រុសស្រី ៧រូប។ មានប្រភពចេញពីអង្គការ សមាគមក្នុងប្រទេសកម្ពុជា យុវជនស្ម័គ្រចិត្តខ្មែរវ័យក្មេងទទួលបេសកកម្មបម្រើការនៅភូមិអូឡាំពិក។ នៅទីនោះ ពួកគេត្រូវបានបែងចែកគ្នាជាច្រើនក្រុម ដើម្បីផ្តល់សេវា ជំនួយដល់គណៈប្រតិភូកីឡាមកពីបណ្តាប្រទេសផ្សេងគ្នា ដែលនៅក្នុងនោះមានផងដែរ គណៈប្រតិភូកីឡាប៉ារ៉ាឡាំពិកកម្ពុជា។

នៅដើមបូព៌ា បញ្ហា​អសន្តិសុខ​បាន​រាលដាលទៅដល់​ព្រំដែន​អ៊ីស្រាអែលជាមួយ​ហ្សកដានី។ នៅថ្ងៃ​អាទិត្យ ខ្មាន់កាំភ្លើងដែលជាអ្នកបើកឡានកាំម៉្ញុង​ម្នាក់​បាន​លើកកាំភ្លើង​បាញ់សម្លាប់​ឆ្មាំសន្តិសុខ​អ៊ីស្រាអែល​ ៣នាក់នៅ​ច្រកទ្វារ​ព្រំដែនហ្សកដានី​ជាមួយ​តំបន់​ស៊ីហ្សកដានី​របស់ប៉ាឡេស្ទីន ដែល​អ៊ីស្រាអែលចូលគ្រប់គ្រង​ដោយខុសច្បាប់តាំងពី​ឆ្នាំ ១៩៦៧។ នៅក្រោយ​ហេតុការណ៍​បាញ់សម្លាប់បុគ្គលិក​ជនជាតិរបស់ខ្លួន អ៊ីស្រាអែល​ប្រកាស​បិទគ្រប់ច្រកទ្វារព្រំដែនជាមួយហ្សកដានី។ ហ្សកដានីដែលជា​សម្ព័ន្ធមិត្ត​របស់អាមេរិក និងមានទំនាក់ទំនងល្អជាមួយ​អ៊ីស្រាអែល​បាន​សន្យា​បើកការស៊ើបអង្កេត។

លោក​ Edmundo Gonzalez Urrutia មេបក្សប្រឆាំងវ៉េណេស៊ុយអេឡា ត្រូវបានរដ្ឋាភិបាលអេស្ប៉ាញ​ផ្តល់សិទ្ធិជ្រកកោននយោបាយ បន្ទាប់ពីលោក​​បានធ្វើទៅដល់​អេស្ប៉ាញ កាលពីថ្ងៃអាទិត្យទី​៨កញ្ញា។ លោក Edmundo គឺជាបេក្ខជនប្រធានាធិបតី ប្រជែងនឹង​លោក ​នីកូឡា ម៉ាឌូរ៉ូ កាលពីពេលបោះឆ្នោតចុងខែកក្កដា។ ដោយ​តវ៉ាបដិសេធមិនទទួលលទ្ធផល​បោះឆ្នោត មេបក្សប្រឆាំងរូបនេះ ត្រូវបាន​រដ្ឋអាជ្ញា​វ៉េណេស៊ុយអេឡា ចេញដីកាតាមចាប់ខ្លួន ពីបទ​ធ្វើវទ្ធង្សនា បង្កអស្ថិរភាពសង្គម​ជាតិ​។

មូលនិធិជនពិការ កាលពីពេលថ្មីៗកន្លងទៅនេះ បានស្នើឱ្យអាជ្ញាធរមានសមត្ថកិច្ចជួយអន្ដរាគម និងចាត់វិធានការផ្លូវច្បាប់ ទៅលើក្រុមណាមួយដែលបន្លំប្រើឈ្មោះ “មូលនិធិជនពិការ” ដើម្បីរៃអង្គាសថវិកានៅតាមស្ដុប ឬផ្លូវចរាចរណ៍សាធារណៈ។ មូលនិធិជនពិការរកឃើញថា មានបុគ្គលឯកជនមួយចំនួនបានប្រើប្រាស់ឈ្មោះមូលនិធិ ទៅបន្លំរៃអង្គាសលុយ នៅតាមទីសាធារណៈដើម្បីប្រយោជន៍ផ្ទាល់ខ្លួន ខណៈមូលនិធិគ្មានកម្មវិធីដើរចល័តរៃអង្គាសនោះទេ។

កូដករណាហ្គាវើលដ៍រំពឹងថា ភាគីថៅកែក្រុមហ៊ុននឹងដោះស្រាយ បិទបញ្ចប់វិវាទការងារដែលបានអូសបន្លាយ ជិត១ពាន់ថ្ងៃមកនេះ។ ក្រុមកូដករចាប់មានក្តីសង្ឃឹមឡើងវិញ ខណៈពេលដែលតុលាការត្រៀមដោះលែងមេដឹកនាំសហជីពណាហ្គាវើលដ៍ កញ្ញាឈឹម ស៊ីថរចេញពីពន្ធនាគារ នៅពាក់កណ្តាលខែកញ្ញា ឆ្នាំ២០២៤។

នៅចុងសប្តាហ៍នេះ ក្រសួងសន្តិសុខសាធារណៈរបស់ចិនបានប្រកាសថា ក្រុមការងារ «Fox Hunt» ប្រែក្រៅផ្លូវការថា ក្រុមប្រមាញ់សត្វកញ្ច្រូង បាននាំខ្លួនជនសង្ស័យជនជាតិចិនចំនួន ៥នាក់ត្រឡប់ទៅកាន់ប្រទេសចិនវិញ បន្ទាប់ពីរកឃើញថា ពួកគេបានប្រព្រឹត្តឧក្រិដ្ឋកម្មលាងលុយកង្វក់ក្នុងប្រទេសកម្ពុជា។ នេះបើតាមការចុះផ្សាយរបស់សារព័ត៌មានចិន China daily កាលពីថ្ងៃសុក្រទី ៦ខែកញ្ញា។

បើគ្មានអ្វីប្រែប្រួល ចិននឹងផ្តល់ជំនួយនាវាចម្បាំងចំនួន២គ្រឿងមកឱ្យកម្ពុជា នៅឆ្នាំក្រោយ ឆ្នាំ២០២៥។ បើតាមការអះអាងរបស់អ្នកនាំពាក្យក្រសួងការពារជាតិកម្ពុជា ជំនួយរបស់ចិនធ្វើឡើងតាមការស្នើសុំរបស់កម្ពុជា ដើម្បីពង្រឹងសមត្ថភាព និងសន្តិសុខកម្ពុជា។ ការផ្តល់ជំនួយនាវារបស់ចិន បាននាំឲ្យប្រទេសលោកខាងលិចកាន់តែបារម្ភអំពីឥទ្ធិពលរបស់ចិនលើវិស័យការពារជាតិកម្ពុជាបន្ថែមទៀត និងជាពិសេសវត្តមានកងទ័ពចិននៅកម្ពុជា។ ក៏ប៉ុន្តែអ្នកជំនាញខ្លះយល់ថា នេះគឺជាទំនាក់ទំនងដ៏ប្រសើររវាងកម្ពុជា-ចិន ក្នុងការអភិវឌ្ឍវិស័យការពារជាតិ។

ក្រុម​ការងារ​អង្គការសហប្រជាជាតិ Unitad ដែល​មានបេសកកម្ម​ស៊ើបអង្កេត​ ស្តីពី​ឧក្រិដ្ឋកម្ម​​បង្កឡើងដោយក្រុមជីហាតអង្គការរដ្ឋឥស្លាម បាន​ចាក​ចេញពី​ប្រទេសអ៊ីរ៉ាក់ហើយ ទៅតាមការស្នើសុំ​របស់ភាគីរដ្ឋាភិបាលអ៊ីរ៉ាក់។ លោកស្រី Ana Peyro Llopis ប្រធានបេសកកម្មនេះ បាន​លើកឡើងថា ៧ឆ្នាំមកនេះ​ ក្រុមការងារបានប្រមូលភស្តុតាង និង​បាន​ចងក្រងឯកសារសក្ខីកម្ម​ជាច្រើន​ ស្តីអំពីអំពើឧក្រិដ្ឋដ៏ឃោរឃៅ ក្នុងពេល​ដែល​ ​ក្រុមជីហាតអង្គការ​រដ្ឋឥស្លាម​គ្រប់គ្រងដែន​ដីអ៊ីរ៉ាក់​។ តែទន្ទឹមនឹងនេះ លោកស្រីបានសម្តែងក្តីសោកស្តាយដែរ ដែល​មាន​ការ​យល់ច្រឡំ មិនយល់គ្នា ​រវាងក្រុម​ការងារ​ និងភាគីអ៊ីរ៉ាក់។

អាជ្ញាធរ​ខេត្ត​តាកែវ បាន​ចេញ​សេចក្តី​ជូន​ដំណឹង​មួយ​ នៅ​ថ្ងៃ​ទី​៧ ​ខែ​កញ្ញា ឆ្នាំ​២០២៤ ដោយ​ប្រាប់​ពលរដ្ឋ​កុំ​ឲ្យមាន​ការ​ភ័យ​ខ្លាច ​ខណៈ​ដែល​អាកាស​យានដ្ឋាន​អន្តរ​ជាតិ​តេជោនៅ​ក្រុង​តា​ខ្មៅ ​ដែល​ជាប់​នឹង​ភូមិ​សាស្ត្រ​ខេត្ត​តាកែវ​ដែរ​នោះ ចាប់​ផ្តើម​ធ្វើ​ការ​ហោះហើរ​សាក​ល្បង​រយៈ​ពេល​៥​ថ្ងៃ ដើម្បីត្រៀម​បើក​ប្រតិ​បត្តិ​ការហោះហើរ​ពេញ​លេញ នៅ​ពាក់​កណ្តាល​ឆ្នាំ​២០២៥។