newsare.net
លោក អាឡាំង ដឺឡុង (Alain Delon) តារាភាពយន្តបារាំង បានទទួលមរណភាព នៅថ្ងៃនេះ ក្នុងជន្មាយុ ៨៨ ឆ្នាំ។អាឡាំង ដឺឡុង តួកុនបារាំងដ៏ល្បីល្បាញ ទទួលអនិច្ចកម្ម ក្នុងជន្មាយុ ៨៨ ឆ្នាំ
លោក អាឡាំង ដឺឡុង (Alain Delon) តារាភាពយន្តបារាំង បានទទួលមរណភាព នៅថ្ងៃនេះ ក្នុងជន្មាយុ ៨៨ ឆ្នាំ។ មានកេរ្តិ៍ឈ្មោះល្បីរន្ទឺជាច្រើនទសវត្សរ៍ជាប់ៗគ្នា លោក អាឡាំង ដឺឡុង បាននាំសិល្បៈទី៧របស់បារាំង ឲ្យពិភពលោកបានស្គាល់កាន់តែខ្លាំង តាមរយៈភាពប៉ិនប្រសព្វ ហើយនិងរូបរាងដ៏សែសស្រស់សង្ហារបស់លោក។ ភាពល្បីល្បាញរបស់តារាបារាំងរូបនេះ ដល់ថ្នាក់លំដាប់ពិភពលោក ពិសេស ក្នុងតំបន់អាស៊ីអាគ្នេយ៍ រហូតគេយកឈ្មោះគាត់មកធ្វើជាម៉ាកបារី នាទសវត្សរ៍ ១៩៩០ ទៀតផង។ ក្នុងពិភពសិល្បៈភាពយន្ត គ្មាននរណាម្នាក់ដែលមិនកោតសរសើរ អាឡាំង ដឺឡុង នោះឡើយ។ ក៏ប៉ុន្តែ ក្នុងភាពជាបុគ្គលវិញ រូបលោក ត្រូវគេរិះគន់ជាខ្លាំង ព្រោះតែលោកបានបង្ហាញជំហរគាំទ្រជនស្តាំនិយមជ្រុល ហ្សង់-ម៉ារី ឡឺ-ប៉ែន (Jean-Marie Le Pen) ចង់ឲ្យមានទោសប្រហារជីវិត ហើយប្រឆាំងនឹងការស្រឡាញ់ភេទដូចគ្នា ដែលបុគ្គលទាំង២យល់ស្របគ្នា ថាខុសធម្មជាតិ។ Read more