Amerikamiut nunatsinni sakkutooqarfiinut tunngatillugu piviusunngortoqassappat Naalakkersuisut 'aalajangersimasumik oqaloqatigiinnissamut' piareersimasut, siulittaasup apersorneqarnermini oqaatigaa.

Toke Binzerip Royal Greenlandimi pisortaanertut atorfinitsitaanerata nalaani pisat amerlassusaat eqqarsaatigalugit piffissaq ajornaatsuinnaanngilaq. Pisariillisaanerli aningaasaliinerpassuillu annassutaasinnaapput.

Maniitsumi napparsimmavimmut tillinniartoqarsimasoq politeerlu sulinermi kingorna malersorneqarluni filmiliarineqarsimasoq, Kalaallit Nunaanni Politiit paasissutissiissutigaat.

Energy Transition Mineralsip pisortaata Naalakkersuisut Kuannersuarni suliniummik isumaginninnerat nunatta aningaasaliisartussarsiorneranut innarliisinnaanera Inatsisartunut mianersoqqussutigaa.

Anaanaasup nukappiaqqap naapertuilluanngitsuliorfigineqarsimasinnaanera nukappiaqqap Kangaatsiarmi ilinniartitsisuusimasumut pulaareernerata kingorna ernumassutigilerpaa.

Venezuela nunap assingani Trumpip Truth Socialimi saqqummiussaani, Amerikamiut erfalasuannik qalligaq takuneqarsinnaavoq.

USA-mit, Danmarkimit nunatsinniillu illersornissamik suliaqartut nunatsinni sumiiffiit assigiinngitsut misissuiffigaat.

Unicef-ip Inatsisartut nuna tamakkerlugu imigassamut politikkimik, meeqqanut inuusuttunullu allannguisussamik atuutsitsilernissaannik kaammattuuteqarfigai. Taakku ulluinnarni toqqissisimanissaq, nakuuserfigineqannginnissaq atornerluiffiunnginnissarlu pisariaqartippaat, suliniaqatigiiffik oqarpoq.

Nunatta inissisimanera, iliuuseqarluarneq aamma ataatsimoorneq pissutigalugit coronap tuniluunnera nunatta anigorluarpaa.

Jens-Frederik Nielsenip (D) Trumpip aallartitaa ataatsimeeqatigissaguniuk Kalaallit Nunaata killeqarfiisa ataqqineqarnissaat piumasariniarpaa.

Polar Seafoodip aalisakkeriviata matoratarsinnaanera pillugu Kommune Qeqertalik qanoq innissisimaniarnersoq suli maannamut pilersaarutinik saqqummiussisoqanngilaq. Pilersaarutinillu saqqummiussisoqarnissaa maanna piffissanngortoq Timooq Mølgaard isumaqarpoq.

USA-p Kalaallit Nunaanni, pissaanilissuarmit siornatigut sioorasaarneqartumi, pingasunik sakkutooqarfeqarnissap periarfissaanera Danmarkimut eqqaavaa.

Ilaasortat Atlantikup avannaaneersut naalakkersuisunngortitsinissaq pillugu ataasinngormat isumaqatigiinniaqataapput, tamatumalu piaartumik angusaqarfiujumaarnera neriuutigaat.

Anaanaasup paniusullu Kangaatsiami meeqqat atuarfianni ilinniartitsisup killissamik qaangiineranik misigisatik oqaluttuaraat.

Silap ajornera Nuummilu mittarfimmi nutaami aaqqinniagassat Air Greenlandimut ukioq manna naammaginanngitsumik angusaqartitsipput. Ajornartorsiuteeqqalli 2026-mi qaangerneqassapput.

Saviatsit masattut tonsilippassuit nunatta imartaanut ukiut tamaasa pisarput. Ilisimatuut innuttaasut ileqquinik maanna allannguiniarput, pisiniarfinni avatangiisinut mingutsitsinnginnerusunik toqqagassaqalernissaa anguniarpaat Tuluillu Nunaat assigalugu saviatsit masattut nioqqutaajunnaarnissaannik kaammattuillutik.

Lars Poulsen Siumumeersoq Inatsisartuni upernaakkut ataatsimiinnerup sinnerani peqataassanngilaq. Taassuma qanigisaata pinartumik tassanngaannartumik napparsimalernera tassunga pissutaavoq.

Folketingip Ombudsmandiata nunatsinni isertitsiviit aamma pinerluuteqarsimasunut inissiisarfiit siorna nakkutilliiffigai.

Oqartussat Amerikamiup uissuumminartup pilersaarutai, taassumap tikinnissaanut qaammatit pingasut sioqqullugit, ilisimasimavaat.

Angajoqqaat eqimattat allagaqarnerminni oqartussanit ikiorneqaqqupput.

TV 2-p nutaarsiassiinera naapertorlugu, sakkutuut naalagaata sakkutuut nunatsinniittut taarserniarlugit sakkutuunngorniartut Kalaallit Nunaannut aallartinneqarsinnaanissaat siunnersuutigaa.

Keira Kronvoldip panianik pinngitsaaliissummik inissiinermut suliaq, eqqartuussivimmi suliarineqaqqammersoq, Naleraq sinnerlugu Folketingimut ilaasortap qisuariarfigaa.

Clifford Edward Stanley nammineerluni iliuuseqarluni aamma Kalaallit Nunaata namminiilivinnissaanut ikiuukkusulluni oqaatigaa. Taassumalu USA nunatsinnik aqutsilissappat nammineq aningaasatigut iluanaaruteqarnissani neriuutigalugu.

Clifford Edward Stanley nammineerluni iliuuseqarluni aamma Kalaallit Nunaata namminiilivinnissaanut ikiuukkusulluni oqaatigaa. Taassumalu USA nunatsinnik aqutsilissappat nammineq aningaasatigut iluanaaruteqarnissani neriuutigalugu.

Angutip uniforminik atisallip biilinik attartortakkanik biilertup innuttaasut ilaat kinaaneranik uppernarsaaqquaa. Illersornissaqarfiup, Issittumi Sakkutooqarfiup aaqqiinerani, pisinnaatitaanermik unioqqutitsisoqarsimanera nassuerutigaa kukkusoqarsimaneralu ajuusaarutigalugu.

Royal Arctic Line nassiussat naak ikiliartoraluartut 2025-mi millioninik sinneqartooruteqarpoq. Siunissamili aningaasaliinissamut qulakkeerinissamut naammanngillat.

Angut Nuummi mittarfiup nassiussassaasiviani qaartartumeerinissamik tallimanngornermi ualikkut sioorasaaruteqarpoq.

Nunanut Allanut Tunngasunut naalakkersuisuunikoq Demokraatinut ilaasortanngorpoq.

Ilinniartitsisut peqatigiiffiata politikerit iliuuseqannginnerat sakkortuumik isornartorsiorpaat. Meeqqat atuarfianni pitsaassuseq qulakkeerneqassappat, maannakkorpiaq iliuuseqartoqartariaqalerpoq.

Ilinniartitsisut perorsaasullu meeqqerivimmi meeqqallu atuarfiini pimmatiginnittarnermut akiuiniarnissaminnut nutaanik atortussanipput. Tamanna Kammagiittamit filmimi nutaami takutinneqarpoq.

Nunani 98-iusuni nunat 85-ini innuttaasut amerlanerussuteqartut USA-mut akerleriinnermi Kalaallit Nunaat Danmarkilu tapersersoraaat, misissuinermit paasinarsivoq.

Danmarkimi eqqartuussisuuneqarfiup, suliami Keira Kronvoldip panianik pinngitsaaliissummik arsaarinninnermut tunngasumi, Isumaginninnermut Nakkutilliisoqarfik avoqqaaraa.

Illoqarfiit ilaanni umiarsuarnik takornariartaatinik tikeraartut 2025-mi arfinileriaammik amerleriarsimapput, Kalaallit Nunaanni Naatsorsueqqissaartarfiup kisitsisaataannit tamanna paasinarsivoq. Ilulissanili ikileriangaatsiarput.

Innaallagissamik pilersuineq maanna ajunngitsumik ingerlagaluartoq, ajutoornermi pilersuutit issimut tulluarsagaannginnerat suli qamittoornermik kinguneqartitsisarput.

Naalagaaffiit Peqatigiit Keira Kronvoldimut pinngitsaaliissummik ukiup aappaata affaata matuma siorna arsaarneqartumut suliaq arlalinnik ernumanartoqartillugu saqqummiussipput.