ប្រធានាធិបតីអាមេរិក លោក​ដូណាល់ ត្រាំ​បាន​និយាយកាលពីថ្ងៃព្រហស្បតិ៍ទី ៣០​តុលា​ថា លោកបាន​បើកភ្លើងខៀវ​ឲ្យ​កូរ៉េខាងត្បូង​មាន​នាវាមុជទឹកដើរដោយថាមពល​នុយក្លេអ៊ែរ។ ប៉ុន្តែ លោកដូណាល់ ត្រាំ​បាន​បញ្ជាក់ថា កូរ៉េខាងត្បូង​ត្រូវ​សាងសង់​នាវាមុជទឹកដើរដោយ​ថាមពល​នុយក្លេអ៊ែរនៅ​ការដ្ឋានសាងសង់កប៉ាល់​ទឹក​នៅ​Philadelphie ក្នុងទឹកដីសហរដ្ឋអាមេរិក។ បន្ទាប់ពីអាមេរិក​បើកភ្លើងខៀវ​អនុញ្ញាត​ឲ្យ​កូរ៉េខាងត្បូង​មាន​នាវាមុជទឹកដើរដោយ​ថាមពល​នុយក្លេអ៊ែរ ជប៉ុន​ដែលជា​សម្ព័ន្ថមិត្ត​របស់អាមេរិក​ចាប់ផ្តើម​ជ្រួលច្រាល់ចង់​មាន​នឹង​គេ​ដែរ។ អាមេរិក​បំពាក់​នាវាមុជទឹកទំនើបឲ្យ​សម្ព័ន្ធមិត្ត​កូរ៉េខាងត្បូង។ តើការសម្រេចចិត្ត​របស់​លោកដូណាល់ ត្រាំ​នឹង​ធ្វើ​ឲ្យ​​យុទ្ធសាស្រ្ត​យោធា នៅតំបន់អាស៊ី​ប្រែប្រួល​យ៉ាងដូចម្តេចខ្លះ?

ប្រទេសជាង ១៩០ មកពីជុំវិញសកលលោក នឹងពិភាក្សាគ្នា រកដំណោះស្រាយ ក្នុងជំនួបកំពូលស្តីពីអាកាសធាតុ COP លើកទី ៣០ ដែលនឹងប្រព្រឹត្តទៅនៅក្នុងប្រទេស ប្រេស៊ីល ចាប់ពីថ្ងៃទី ១០ រហូតដល់ថ្ងៃទី ២១ ខែវិច្ឆិកា ឆ្នាំ២០២៥ ខាងមុខ។ ផ្អែកតាមរបាយការណ៍វិទ្យាសាស្ត្រផ្លូវការ ២០២៣ និង ២០២៤ គឺជាឆ្នាំ ក្តៅខ្លាំងបំផុត ជាប្រវត្តិសាស្ត្រ រាប់តាំងពីពេល ដែលមនុស្សលោក បានចាប់ផ្តើមកត់ត្រាសីតុណ្ហភាព នៅលើភពផែនដី។ ប្រការនេះ កំពុងបង្កនូវក្តីព្រួយបារម្ភកាន់តែខ្លាំងឡើង នៅក្នុងស្រទាប់មហាជនទូទៅ ដែលចោទជាសំណួរថា៖ តើមនុស្សជាតិយើងបច្ចុប្បន្ន នៅអាចមានឱកាសស្រោចស្រង់ជីវិតនៅលើផែនដី ពីក្តីវិនាសអន្តរាយ បណ្តាលមកពីបម្រែបម្រួលអាកាសធាតុ ឬ ក៏គ្រប់យ៉ាងបានហួសពេលរួចទៅហើយ ?

សន្និសីទ​អន្តរជាតិស្តីពីអាកាសធាតុ COP30 នៅទីក្រុង​បេឡេម ប្រទេសប្រេស៊ីល បានចាប់ផ្តើមហើយ ជាមួយ​នឹងជំនួបកំពូល​នៃថ្នាក់ដឹកនាំប្រទេសទាំងអស់ កាលពីថ្ងៃព្រហស្បតិ៍ ទី​៦វិច្ឆិកា។ នៅក្នុងឱកាសនេះ លោក​លូឡា ប្រធានាធិបតីប្រេស៊ីល ដែលជាប្រទេសម្ចាស់ផ្ទះ បានប្រកាស​បង្កើត មូលនិធិពិសេសមួយដើម្បី​អភិរក្សព្រៃត្រូពិក​ នៅទូទាំង​ពិភពលោក​។

ប្រធានាធិបតីអាមេរិក លោក​ដូណាល់ ត្រាំ​បាន​និយាយកាលពីថ្ងៃព្រហស្បតិ៍ទី ៣០​តុលា​ថា លោកបាន​បើកភ្លើងខៀវ​ឲ្យ​កូរ៉េខាងត្បូង​មាន​នាវាមុជទឹកដើរដោយថាមពល​នុយក្លេអ៊ែរ។ ប៉ុន្តែ លោកដូណាល់ ត្រាំ​បាន​បញ្ជាក់ថា កូរ៉េខាងត្បូង​ត្រូវ​សាងសង់​នាវាមុជទឹកដើរដោយ​ថាមពល​នុយក្លេអ៊ែរនៅ​ការដ្ឋានសាងសង់កប៉ាល់​ទឹក​នៅ​Philadelphie ក្នុងទឹកដីសហរដ្ឋអាមេរិក។ បន្ទាប់ពីអាមេរិក​បើកភ្លើងខៀវ​អនុញ្ញាត​ឲ្យ​កូរ៉េខាងត្បូង​មាន​នាវាមុជទឹកដើរដោយ​ថាមពល​នុយក្លេអ៊ែរ ជប៉ុន​ដែលជា​សម្ព័ន្ថមិត្ត​របស់អាមេរិក​ចាប់ផ្តើម​ជ្រួលច្រាល់ចង់​មាន​នឹង​គេ​ដែរ។ អាមេរិក​បំពាក់​នាវាមុជទឹកទំនើបឲ្យ​សម្ព័ន្ធមិត្ត​កូរ៉េខាងត្បូង។ តើការសម្រេចចិត្ត​របស់​លោកដូណាល់ ត្រាំ​នឹង​ធ្វើ​ឲ្យ​​យុទ្ធសាស្រ្ត​យោធា នៅតំបន់អាស៊ី​ប្រែប្រួល​យ៉ាងដូចម្តេចខ្លះ?

នៅក្នុង​អាណត្តិដឹកនាំ​អាមេរិកជាលើកទី២ លោក​ប្រធានាធិបតី ដូណាល់ ត្រាំបានបើកជំនួបកំពូលជាលើកទី១ ទទួលមេដឹកនាំបណ្តាប្រទេសអាស៊ីកណ្តាល។ នៅមុនជំនួបទល់មុខគ្នា​ជាមួយថ្នាក់ដឹកនាំមកពីអាស៊ីកណ្តាល នៅសេតវិមាន​កាលពីថ្ងៃ​ព្រហស្បតិ៍ទី ៦​វិច្ឆិកា លោកដូណាល់ ត្រាំបានបញ្ជាក់ថា ជំនួបនៅថ្ងៃព្រហស្បតិ៍ផ្តោតទៅលើរ៉ែកម្រដែលជាធនធានរ៉ែសំបូរនៅអាស៊ីកណ្តាល ហើយដែលប្រទេសលោកខាងលិច ដូចជាអាមេរិកត្រូវការចាំបាច់ដើម្បីផលិតឧបករណ៍​បច្ចេកវិទ្យាស៊ីវិល និងយោធា។

រដ្ឋមន្ត្រីក្រសួងការបរទេសកូរ៉េខាងត្បូង លោក Cho Hyun នឹងមកបំពេញទស្សនកិច្ចផ្លូវការនៅកម្ពុជារយៈពេល៣ថ្ងៃ ពីថ្ងៃទី៩ ដល់ថ្ងៃទី១១ ខែវិច្ឆិកា ឆ្នាំ២០២៥។ នេះបើយោងតាមការជូនដំណឹងរបស់ការិយាល័យអ្នកនាំពាក្យក្រសួងការបរទេសកូរ៉េខាងត្បូងនៅថ្ងៃទី៦ វិច្ឆិកា ឆ្នាំ២០២៥។ តាមការិយាល័យអ្នកនាំពាក្យដដែល គម្រោងទស្សនកិច្ចរបស់លោក Cho Hyun នៅកម្ពុជានាពេលខាងមុខ គឺដើម្បីពិភាក្សា និងបង្កើនកិច្ចសហប្រតិបត្តិការបង្ក្រាបឧក្រិដ្ឋកម្មអនឡាញ។

កងយោធពលភូមិន្ទថៃបានអះអាងថា ទាហានខ្មែរទាំង ១៨នាក់ ដែលកំពុងជាប់ឃុំក្នុងប្រទេសថៃនឹងត្រូវដោះលែងបញ្ជូនមកកម្ពុជាវិញនៅថ្ងៃទី១២ ខែវិច្ឆិកា ឆ្នាំ២០២៥ខាងមុខ។ នេះបើយោងតាមការចុះផ្សាយរបស់កាសែត The Nation នៅថ្ងៃទី៦ ខែវិច្ឆិកា។ តាមកាសែត The Nation ការត្រៀមដោះលែងទាហានខ្មែរទាំង ១៨នាក់នេះនឹងធ្វើឡើងនៅប៉ុស្តិ៍ត្រួតពិនិត្យអចិន្ត្រៃយ៍ «បានផាកកាដ» ក្នុងស្រុកផុងណាំរ៉ុន ខេត្តច័ន្ទបុរី ជាប់ព្រំព្រទល់ខេត្តបៃលិនរបស់កម្ពុជា។

នៅទីបំផុត រដ្ឋបាលអាមេរិករបស់លោក ដូណាល់ ត្រាំ បានសម្រេចជាផ្លូវការលុបចោលទណ្ឌកម្ម និងបម្រាមលក់សព្វាអាវុធឲ្យកម្ពុជាក្នុងថ្ងៃទី៦ វិច្ឆិកា។ ក្រសួងការបរទេសអាមេរិកបានបញ្ជាក់ថា ការសម្រេចចិត្តដកបម្រាមលក់សព្វាវុធឲ្យកម្ពុជាធ្វើឡើងដោយផ្អែកលើការប្រឹងប្រែងស្វែងរកសន្តិភាព និងសន្តិសុខរបស់រដ្ឋាភិបាលកម្ពុជា រួមទាំងការផ្សារភ្ជាប់ទំនាក់ទំនងជាមួយអាមេរិកឡើងវិញ។ តែការសម្រេចចិត្តរបស់លោក ដូ ណាល់ត្រាំបានទទួលរងការរិះគន់យ៉ាងខ្លាំងពីសមាជិកសភាអាមេរិក។

កងទ័ពជើងទឹក​ចិន​​ បាន​សម្ពោ​ធដាក់​ឲ្យ​ប្រើប្រាស់​ជា​ផ្លូវការ នូ​វ​នាវា​​ផ្ទុក​យន្តហោះ​ចម្បាំង​ទី​៣របស់ខ្លួន ដែលមានឈ្មោះថា ហ្វ៊ូជាន (Fujian) ក្រោមវត្តមានរបស់​លោក​ប្រធានាធិបតី​ ស៊ី ជីនពីង។ ផ្អែកតាមការផ្សាយ​របស់​បណ្តាញ​ព័ត៌មានចិន នាវាផ្ទុកយន្តហោះចម្បាំងថ្មីនេះ​ បំពាក់ដោយ​ប្រព័ន្ធរុញ​បង្ហោះយន្តហោះ ដែល​ដើរដោយ​​ចរន្តអេឡិកត្រូម៉ាញ៉េទិក។ ពោលគឺជា​ប្រព័ន្ធដ៏ទំនើបបំផុត ដែលគិតត្រឹមពេលនេះ គឺមានតែអាមេរិក​ទេដែលអាច​ផលិត​​បាន​។

សំណុំរឿងលោក ចេន ហ្ស៊ី កំពុងបន្តក្លាយជាផ្ទាំងស៊ីបនៃការវាយប្រហារមកលើកម្ពុជាតាមរយៈការរឹបអូស និងការបង្កកទ្រព្យសម្បត្តិរបស់មហាសេដ្ឋីខ្មែរដើមកំណើត​ចិនពីសំណាក់ប្រទេសមួយចំនួន។ លោក ចេន ហ្ស៊ី ដែលជាប្រធានក្រុមប្រឹក្សា​ភិបាល​នៃក្រុមហ៊ុន ព្រីនស៍ ហូលឌីងគ្រុប (Prince Holding Group) និងជាទីប្រឹក្សារបស់មេដឹកនាំខ្មែរមួយចំនួន ត្រូវបានសហរដ្ឋអាមេរិក អង់គ្លេស សិង្ហបុរី ហុងកុង និងតៃវ៉ាន់ បង្កក និងរឹបអូសទ្រព្យសម្បត្តិរាប់ពាន់លានដុល្លារ ក្រោម​បទចោទពាក់ព័ន្ធនឹងអំពើឆបោក និងលាងលុយកខ្វក់។ តែរហូតមកដល់ពេលនេះ កម្ពុជានៅមិនទាន់បានបញ្ចេញប្រតិកម្មអ្វីទាំងអស់លើសំណុំរឿងលោក ចេន ហ្ស៊ី។ តើកម្ពុជាគួរចេញមុខបំភ្លឺ ឬបន្តនៅស្ងៀមស្ងាត់?

អង្គការការពារសត្វព្រៃរបស់អាមេរិក PETA បានអំពាវនាវដល់សេវាជលផល និងសត្វព្រៃ (FWS) និងមជ្ឈមណ្ឌលគ្រប់គ្រង និងបង្ការជំងឺ (CDC)របស់សហរដ្ឋអាមេរិក ឱ្យបញ្ឈប់ការនាំចូលសត្វស្វាកន្ទុយវែងពីប្រទេសកម្ពុជា។ ការអំពាវយ៉ាងដូចនេះរបស់ PETA ធ្វើឡើងបន្ទាប់ពីបានរកឃើញថា មន្ទីរពិសោធន៍ Charles River របស់អាមេរិកមានគម្រោងបន្តនាំចូលសត្វស្វាកន្ទុយវែងពីកម្ពុជាមកធ្វើការ​ពិសោធន៍ ខណៈសត្វស្វាប្រភេទនេះ​​ប្រឈមនឹងការផុតពូជ។

គិត​ត្រឹមថ្ងៃពុធទី ៥វិច្ឆិកា អាមេរិក​បាន​ជួប​វិបត្តិជាប់គាំងថវិកា​អស់​រយៈពេល ៣៦ថ្ងៃ ដែលជាពេលវេលា​ដ៏វែង​មិនធ្លាប់មាន​នៅក្នុង​ប្រវត្តិសាស្រ្តអាមេរិក។ វិបត្តិថវិកា​ដែលបាន​បណ្តាល​ឲ្យ​បុគ្គលិករដ្ឋសហព័ន្ធជាង​១លាននាក់​ត្រូវ​ផ្អាកព្យួរពីការងារ ឬ​ធ្វើការ​ដោយ​គ្មាន​ប្រាក់ខែ​ជាង​១ខែ​មក​នេះ កំពុង​ដាក់​សម្ពាធ​ខ្លាំង​ផងដែរលើ​ផ្នែកអាកាសចរណ៍។ នៅថ្ងៃពុធទី ៥វិច្ឆិកា​ រដ្ឋមន្រ្តីក្រសួង​គមនាគមន៍អាមេរិក បាន​ព្រមាន កាត់បន្ថយ​ការហោះហើរ​ប្រមាណ ១០%​នៅតាម​អាកាសយានដ្ឋានធំៗ​របស់​ប្រទេស។ នេះជាដំណឹង​មិន​ល្អឡើយ ព្រោះថា វា​កើតឡើង​នៅ​ក្នុង​អំឡុង​ពេល​ដែលប្រជាជន​អាមេរិក​ត្រូវ​ធ្វើដំណើរផ្លាស់ទី​ក្នុង​ឱកាស​បុណ្យ​ជាតិ​ថ្ងៃទី​១១​វិច្ឆិកា។

រដូវខ្យល់​ព្យុះ​ឆ្នាំនេះ​មិនទាន់ចប់ទេ ហើយ​កាន់តែកំណាច។ ខ្យល់ព្យុះ​ទីហ្វុង កាលម៉េហ្គី (Kalmaegi) បាន​បោកសង្គ្រុប​លើហ្វីលីពីន កាលពីថ្ងៃទី​៥​វិច្ឆិកា ហើយ​បានផ្តាច់ជីវិតមនុស្សជាង​​១៤០នាក់។ ព្យុះកំណាចនេះ កំពុងបន្តរំកិលខ្លួនទៅកាន់ប្រទេសវៀតណាម នៅថ្ងៃព្រហស្បតិ៍ទី​៦វិច្ឆិកា។

ទំហំ​នៃ​ការ​ដាំ​ដំណាំ​អាភៀននៅអាហ្វហ្កានីស្ថាន បានធ្លាក់ចុះប្រមាណ​២០% ក្នុងឆ្នាំ២០២៥។ នេះបើយោងតាមរបាយការណ៍ថ្មីមួយ របស់អង្គការសហប្រជាជាតិ កាលពីថ្ងៃព្រហស្បតិ៍ ទី​៦​វិច្ឆិកា​។ កាលពីប៉ុន្មានឆ្នាំមុន អាហ្វហ្កានីស្ថាន​ គឺជាប្រទេសដែល​មានដំណាំអាភៀន​ច្រើនជាងគេបង្អស់ ពោលគឺផ្ទៃដី​ចំការ​អាភៀនធំជាងសព្វថ្ងៃនេះ​ ដល់​ទៅ​២០ដង។ តែ​ទន្ទឹមគ្នានេះ របាយការណ៍​អង្គការសហ​ប្រជាជាតិ​ បាន​ព្រួយបារម្ភថាផលិត​ផលអាភៀន​បានថយចុះមែន តែមនុស្សទូទាំងពិភពលោក​ ​បានងាកទៅប្រើ​ប្រាស់គ្រឿងញៀន​ផ្សំ​ពីសារធាតុគីមីសំយោគ កាន់តែច្រើន​។

Shein ក្រុមហ៊ុន​​លក់ទំនិញអនឡាញរបស់​ចិនបានធ្លាក់​ក្នុង​សំណាញ់​ស៊ើបអង្កេតរបស់​អាជ្ញាធរ​បារាំង បន្ទាប់ពី​មាន​រឿងអាស្រូវ​លក់​តុកក្តាបម្រើផ្លូវភេទ​ដែលមាន​មុខមាត់ជាកូនក្មេង។ ទោះ​ក្រុមហ៊ុន​Shein បាន​ប្រកាស​ដកចោលទំនិញដែលជាស៊ីបរិះគន់​ និងថ្កោលទោសពីសំណាក់សមាគម​ការពារ​សិទ្ធិកុមារ ប៉ុន្តែ អាជ្ញាធរ​បារាំង​មិន​បាន​បន្ធូរដៃ ឈប់​ដាក់សម្ពាធ​លើ​ក្រុមហ៊ុន​លក់ទំនិញចិន​នោះទេ។ នៅថ្ងៃ​ព្រហស្បតិ៍ទី​៧​វិច្ឆិកា គណៈប្រតិភូ​ដឹកនាំ​​​រដ្ឋមន្រ្តី​ទទួល​បន្ទុក​ថវិកា​ជាតិបារាំង បានចុះទៅត្រួតពិនិត្យដោយផ្ទាល់​ទំនិញ​របស់​ក្រុមហ៊ុនSheinដែលនាំចូលតាមជើងយន្តហោះ។

ទោះបីជាកម្ពុជាបានប្រកាសផ្អាកការប្រារព្ធពិធីបុណ្យអុំទូក បណ្តែតប្រទីប និងសំពះព្រះខែ ថ្នាក់ជាតិ ដែលត្រូវប្រព្រឹត្តធ្វើឡើងនៅថ្ងៃទី៤ ដល់ថ្ងៃទី៦ ខែវិច្ឆិកាឆ្នាំ២០២៥នេះ ដោយបញ្ហាជម្លោះព្រំដែនកម្ពុជា-ថៃ ប៉ុន្តែការប្រារព្ធពិធីបុណ្យអុំទូកនៅតាមបណ្តាខេត្តមួយចំនួននៅបន្តធ្វើឡើងជាទ្រង់ទ្រាយតូចដើម្បីរក្សាភ្ជាប់វប្បធម៌ និងអរិយធម៌វ័យចំណាស់មួយនេះ។ នៅក្នុងខេត្តសៀមរាប កម្មវិធីនៃការប្រណាំងទូកមិត្តភាពខ្នាតតូចបានទាក់ទាញភ្ញៀវទេសចរជាតិ និងអន្តរជាតិយ៉ាងច្រើនកុះករ។ 

យន្តហោះដឹកទំនិញមួយគ្រឿង របស់​ក្រុមហ៊ុន UPS បានផ្ទុះធ្លាក់ បង្កជាអគ្គីភ័យ​ដ៏សន្ធោសន្ធៅ​ នៅ​ព្រលាន​យន្តហោះ​ទីក្រុង Louisville រដ្ឋKentucky សហរដ្ឋអាមេរិក​ កាលពីល្ងាចថ្ងៃអង្គារទី​៤វិច្ឆិកា។ គ្រោះថ្នាក់នេះ បានបណ្តាល​ឲ្យ​ស្លាប់មនុស្សយ៉ាងហោច​៩​​នាក់ ព្រមទាំងមានមនុស្សរបួសប្រមាណ​១១នាក់​។

​ថ្ងៃ​ពុធ ទី​៥វិច្ឆិកា អាជ្ញាធរ​ហុងកុងបា​នប្រកាស​អំពីការ​ឃាត់ខ្លួន​ជន​ល្មើស សរុប ៨០ នាក់ ដែល​ពាក់ព័ន្ធ​ក្នុងអំពើខិលខូលឆបោក​អនឡាញ។ ប្រតិបត្តិការ​ចាប់ខ្លួន​ជនល្មើស​នេះ ឋិត​ក្នុង​សំណុំ​រឿង​ក្រុមហ៊ុនហិរញ្ញវត្ថុ JPEX ដែល​បានជំរុញ​ឲ្យ​ប្រជាជន​ហុងកុង​វិនិយោគលើលុយឌីជីថល។ ពួក​ជនល្មើស​យក​ប្រាក់​ដែល​គេវិ​និយោគ ទៅ​​​ធ្វើ​សកម្មភាព​លាងលុយកខ្វក់។​ ​

លោក Zohran Mamdani អ្នកនយោបាយ​វ័យ​ក្មេងរបស់គណបក្ស​ប្រជាធិបតេយ្យ ហើយ​ដែល​លោក​ដូណាល់ ត្រាំ ស្អប់បំផុតនោះ ​បាន​ទទួលជ័យជំនះ​ក្នុងការបោះឆ្នោត​កាលពីថ្ងៃទី​៤វិច្ឆិកា ក្លាយជា​អភិបាលទីក្រុង​ញូយ៉ក ​។ បេក្ខជន​បក្សប្រជាធិបតេយ្យផ្សេងទៀត ក៏បានជ័យជំនះដែរ នៅក្នុងការបោះឆ្នោតជ្រើសរើសអភិបាលរដ្ឋ នៅរដ្ឋញូជែកស៊ី និង​រដ្ឋ​វាជីនី។ ជ័យជំនះ​ទាំងនេះ ដែល​អាចជាសញ្ញាបញ្ជាក់ អំពី​បរាជ័យរបស់​លោកដូណាល់ ត្រាំ​ និងបក្សសាធារណៈរដ្ឋ ​នៅក្នុងការបោះឆ្នោតពាក់កណ្តាល​អាណត្តិ​ នៅឆ្នាំ​២០២៦។

ម្សៅ​កូនក្មេង ហុយៗ​ពណ៌ស ក្រអូប​ឈ្ងុយ​ ដែល​មាន​ប្រើ​ស្ទើរ​គ្រប់​ផ្ទះ សម្រាប់​លាប​លើ​ស្បែក​ទារក​បង្ការ​ភាព​រលាក ឬ​សម្រាប់​លើក​សម្ផស្ស​ការពារ​ស្បែក​ចំពោះមនុស្ស​ធំ ឬសម្រាប់​​លាប​ដៃរបស់​អ្នក​កីឡាលើក​អាល់ទែ ។ល។ និង​។ល។ ជា​អ្វី?  តើ​ម្សៅដែល​យើង​ទម្លាប់​ហៅ​ថា​ម្សៅ​​កូន​ក្មេង​នេះ​ មានអត្ថប្រយោជន៍ និង​គ្រោះ​ថ្នាក់​យ៉ាងណា​​សម្រាប់​សុខភាព?

អ៊ីរ៉ង់ដោះលែងពលរដ្ឋបារាំង ស្រីប្រុស ២ នាក់ ឲ្យនៅក្រៅឃុំបណ្តោះអាសន្ន ក្រោយ​ពី​ឃុំឃាំង​ ​៣ឆ្នាំ។ ការ​ណ៍​នេះ​ ជាថ្នូរនឹងសេរីភាពរបស់​និស្សិតស្រី​អ៊ីរ៉ង់ម្នាក់ នៅក្រុង​ប៉ារីស។​ ការ​ដោះលែង​ពលរដ្ឋ​ទៅវិញទៅមក​នេះ បាន​ធ្វើឡើង​ក្រោយ​ពី​កិច្ចចរចា​សម្រុះសម្រួល​រវាង​​​មេដឹកនាំ​កំពូល​និង​ប្រមុខ​ការទូត​ ទាំង​ ២ ប្រទេស។ ​

តុលាការ​ចិន​ក្នុង​ខេត្ត​សិនចិន Shenzhen​បាន​សម្រេច​កាលពីថ្ងៃអង្គារ​ទី ៤​វិច្ឆិកា កាត់ទោសប្រហារជីវិត​សមាជិក​គ្រួសារ​ត្រកូល Bai ដែល​ជា​មេក្រុមម៉ាហ្វីយ៉ា​ ម្ចាស់​មជ្ឈមណ្ឌល​ឆបោកអនឡាញ​ជាច្រើនកន្លែង​ក្នុង​ប្រទេស​ភូមា។ គិត​ចាប់តាំងពី​ខែ​កញ្ញា នេះជា​លើកទី២ ដែល​តុលាការ​ចិន​កាត់ទោស​ប្រហារជីវិត​មេក្រុមជនពាល​ ម្ចាស់មជ្ឈមណ្ឌល​ឆបោក​អនឡាញ​ដែល​ប៉េកាំង​ចោទប្រកាន់​ថា បាន​បោកប្រាស់ និងជួញដូរ​ប្រជាជន​ចិន​ ឲ្យទៅធ្វើការ​ដោយ​បង្ខំនៅក្នុងទឹកដីភូមា។

ថ្ងៃទី៤ ខែវិច្ឆិកា ឆ្នាំ២០២៥ នេះ ជាខួបរំឭកវិញ្ញាណក្ខន្ធគម្រប់ ៣០ ឆ្នាំនៃមរណភាពរបស់​​អតីតនាយករដ្ឋមន្ត្រីអ៊ីស្រាអែល លោក អ៊ីហ្សាក់ រ៉ាប៊ីន (Yitzhak Rabin) ដែលជានិមិត្តរូប អ្នកផ្តួចផ្តើមសន្តិភាពរវាងអ៊ីស្រាអែល-ប៉ាឡេស្ទីន។ អតីតម្ចាស់ពានរង្វាន់ណូបែលសន្តិភាពរូបនេះ បានត្រូវ​ខ្មាន់កាំភ្លើង ជាយុវជនជ្វីហ្វជ្រុលនិយមម្នាក់ បាញ់សម្លាប់នៅថ្ងៃទី៤ ខែវិច្ឆិកា ឆ្នាំ១៩៩៥ កណ្តាលទីក្រុង Tel-Aviv ក្នុងពេលលោកកំពុងថ្លែងសុន្ទរកថាស្តីពីនយោបាយសន្តិភាព។

សព្វថ្ងៃនេះ ​ អាកាសធាតុរបស់​ភព​ផែន​ដី​ កំពុងប្រែប្រួល​​ច្រើន​ខ្លាំង និង​លើសពី​កម្រិត​សីតុណ្ហភាពដែល​បាន​​កំណត់ក្នុង​​កម្មវត្ថុរបស់​សន្និសីទ​អាកាសធាតុ​ក្រុង​ប៉ារីស​។​ នេះបើតាម​ការ​ក្រឿន​រំឭក​របស់ អង្គការបរិស្ថាននៃសហប្រជាជាតិ ដោយ​បញ្ជាក់ថា សីតុណ្ហភាព​ហក់ដល់ជាង២,៥អង្សារសេ ហើយវា​នឹង​ជះឥទ្ធិពលអាក្រក់​​កាន់តែ​ខ្លាំង តាមរយៈ​​គ្រោះមហន្តរាយ​ធម្មជាតិ ដែល​​រឹងរឹតតែ​កាចសាហាវ។​

នៅក្នុង​សុន្ទរកថាប្រចាំឆ្នាំនៅ​រដ្ឋសភា ស្តីពីកញ្ចប់ថវិកា​ ប្រធានាធិបតី​អភិរក្សនិយម​កូរ៉េខាងត្បូង លោក​លី ចែម្យុង​បាន​និយាយ​ថា កូរ៉េខាងត្បូង​នឹង​ដំឡើង​ថវិកា​កងទ័ព​ប្រមាណ​៨,២%បន្ថែមទៀត​សម្រាប់ចំណាយ​នៅ​ឆ្នាំ​២០២៦។ មានវត្តមាន​នៅកូរ៉េខាងត្បូង​ក្នុង​ក្របខ័ណ្ឌ​ទស្សនកិច្ច​មួយជុំ​នៅអាស៊ី រដ្ឋមន្រ្តីការពារជាតិ​អាមេរិក​លោក​ Pete Hegseth​បាន​ថ្លែង​អបអរសាទរ​ស្វាគមន៍​​កូរ៉េខាងត្បូងដែល​​ដំឡើង​ថវិកា​យោធា​ដើម្បីអាចការពារខ្លួន​ឯង​ពីការគំរាមកំហែង​ឈ្លានពាន​ពីសំណាក់កូរ៉េខាងជើង។

ប្រធានាធិបតីសហរដ្ឋអាមេរិក លោក ដូណាល់ ត្រាំ បានគំរាមធ្វើអន្តរាគមន៍យោធា ទៅលើប្រទេសនីហ្សេរីយ៉ា និងបានបញ្ជាឲ្យក្រសួងការពារជាតិអាមេរិករៀបចំគម្រោងផែនការវាយប្រហារនេះ។ ការគំរាមរបស់លោក ដូណាល់ ត្រាំ យ៉ាងដូច្នេះបានធ្វើឡើង បន្ទាប់ពីមានដំណឹងអំពីការវាយប្រហារភេរវនិយមសម្លាប់​គ្រិស្តបរិស័ទនៅក្នុងនីហ្សេរីយ៉ា ដែលជាប្រទេសកាន់សាសនាអ៊ីស្លាមភាគច្រើន។

តួកគីបានដឹកនាំកិច្ចប្រជុំពិសេសមួយ ជាមួយ​រដ្ឋមន្ត្រីតំណាង​ប្រទេសអ៊ីស្លាម​៦​ប្រទេស កាលពីថ្ងៃចន្ទទី​៣វិច្ឆិកា។ កិច្ចប្រជុំត្រូវបាន​រៀបចំធ្វើឡើង​ ក្នុងកម្មវត្ថុមួយរបស់​តួកគី ដែលចង់មានចំណែកចាត់ចែងស្តីពីអនាគតរបស់​តំបន់ហ្កាហ្សា។ តែយ៉ាងណា សម្រាប់​អ៊ីស្រាអែល​ តួកគីមិនអាចមានចំណែក​អ្វីទាំងអស់​នៅក្នុងតំបន់ហ្កាហ្សា ព្រោះថាតួកគីមានទំនាក់ទំនង​ជិតស្និទ្ធណាស់ជាមួយនឹងក្រុមហាម៉ាសប៉ាឡេស្ទីន​។

អាជ្ញាធរមានសមត្ថកិច្ចខេត្តព្រះសីហនុបានផ្អាក និងបិទកាស៊ីណូចិន ៤កន្លែងក្នុងខេត្តព្រះសីហនុ ក្រោយមានការសង្ស័យជាប់ពាក់ព័ន្ធនឹងការប្រព្រឹត្តបទល្មើសឆបោកតាមប្រព័ន្ធអនឡាញ។ នេះបើតាមការបញ្ជាក់ពីគណៈកម្មការគ្រប់គ្រងល្បែងពាណិជ្ជកម្មកម្ពុជានៅថ្ងៃទី៣ ខែវិច្ឆិកា ឆ្នាំ២០២៥។ យុទ្ធនាការនេះធ្វើឡើង បន្ទាប់ពីមានជំនួបពិភាក្សាតាមទូរស័ព្ទរវាងនាយករដ្ឋមន្ត្រីកម្ពុជា លោក ហ៊ុន ម៉ាណែត និងលោក Kash Patel នាយកនៃការិយាល័យស៊ើបអង្កេតកម្រិតសហព័ន្ធ (FBI) របស់អាមេរិកស្តីពីការបង្ក្រាបឧក្រិដ្ឋកម្មឆ្លងដែន ពិសេសសកម្មភាពឆបោកតាមប្រព័ន្ធបច្ចេកវិទ្យា។

មនុស្សស្លាប់យ៉ាងហោច ២០នាក់ នៅភាគខាងជើងអាហ្វហ្កានីស្ថានដោយសារគ្រោះថ្នាក់រញ្ជួយដីដ៏ធ្ងន់ធ្ងរ កម្រិត៦,៣ រ៉ិចទ័រ។ សោកនាដកម្មនេះ បានកើតឡើងផ្ទួនៗគ្នានៅអាហ្វហ្កានីស្ថាន ដែលទើបតែងើបចេញពីគ្រោះមហន្តរាយរញ្ជួយដី កាលពី២ខែមុន។

លោកដូណាល់ ត្រាំ បានអះអាងថា ចិននិងរុស្ស៊ី​ បានសាកល្បងនុយក្លេអ៊ែរ តែគ្រាន់តែមិននិយាយ​ប្រាប់ឲ្យគេឯង​ឲ្យ​​ដឹងប៉ុណ្ណោះ។ តែយ៉ាងណា​ លោក​ប្រធានាធិបតី​អាមេរិក ដែល​មានទម្លាប់​ផ្សាយព័ត៌មាន​ប្រឌិតរូបនេះ មិនបានបញ្ជាក់លម្អិតទេ ថា​ចិននិងរុស្ស៊ី​បានធ្វើតេស្តសាកអ្វីឲ្យ​ពិតប្រាកដ ជាបច្ចេកវិទ្យា​សព្វាវុធ ឬក៏ជា​ការបំផ្ទុះ​ក្បាល​គ្រាប់​។ ភ្លាម​​ៗ​ក្រោយ​ការចោទនេះ ភាគីចិន​បានប្រកាសច្រានចោល​ភ្លាមដែរ នៅព្រឹកថ្ងៃចន្ទទី​៣វិច្ឆិកា​នេះ​។

ក្រោយទទួលបានញត្តិ​ពី​ក្រុមកូដករក្រុមហ៊ុនណាហ្គាវើលដ៍កាលពី ២សប្តាហ៍មុន​ ​ស្ថានទូតមួយចំនួន​ដូចជាបារាំង និងអង់គ្លេស បាន​សួរនាំអំពី​ដំណើររឿងវិវាទក្រុមហ៊ុនណាហ្គាវើលដ៍នេះ មុននឹងបញ្ជូនទៅរដ្ឋាភិបាលប្រទេសនីមួយៗពិចារណា ដើម្បី​​យកទៅដាក់ក្នុងអង្គប្រជុំរបស់គណៈកម្មការទទួលបន្ទុកសេរីភាពបញ្ចេញមតិនៃអង្គការសិទ្ធិការងារអន្តរជាតិ ហៅកាត់ (ILO)​​។ នេះជាការបញ្ជាក់របស់កញ្ញា ឈឹម ស៊ីថរ ​ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ (LRSU) ដែលប្រាប់វិទ្យុបារាំងអន្តរជាតិនៅថ្ងៃទី​៣វិច្ឆិកានេះ។

នាយករដ្ឋមន្ត្រីថៃ លោក អនុធិន ឆានវីរៈគូន បានចេញមុខសុំទោសជាសាធារណៈ ក្រោយពីបាននិយាយថា កម្ពុជារំលោភទឹកដីថៃ ហើយថៃត្រូវទទួលស្គាល់ពីការរំលោភទឹកដីកម្ពុជាវិញដែរ។ ក្នុងអំឡុងចូលរួមកិច្ចប្រជុំកំពូល APEC លើកទី៣២ នៅប្រទេសកូរ៉េខាងត្បូងនាយប់ថ្ងៃទី១ វិច្ឆិកា លោក អនុធិន ឆានវីរៈគូន ក៏បានទទួលស្គាល់ដែរថា សម្តីដែលលោកនិយាយនោះបានបង្កឲ្យមានភាពចលាចល ពិសេសក្នុងចំណោមក្រុមជាតិនិយមជ្រុលរបស់ថៃ។

សង្រ្គាមវាយប្រហារ​របស់​រុស្ស៊ីទៅលើ​ទឹកដី​អ៊ុយក្រែនសម្លាប់មនុស្ស​ជារៀងរាល់ថ្ងៃ​។ នៅ​យប់ថ្ងៃសៅរ៍​ចូលដល់​ថ្ងៃអាទិត្យទី​២​វិច្ឆិកា ការវាយប្រហារដ៏សន្ធឹក​សំដៅ​ទីក្រុង​ធំៗ​របស់អ៊ុយក្រែន ជាពិសេស​ក្រុង​ជាប់​សមរភូមិ​​នៅ​ចុងសប្តាហ៍នេះ​បាន​ ​សម្លាប់មនុស្ស​៦នាក់ និង​របួស​ជាង១០នាក់។ ប្រធានាធិបតីអ៊ុយក្រែន លោក​ហ្សេឡេនស្គី​បាន​ប្រកាស​ពង្រឹង​ប្រព័ន្ធការពារ​ដែនអាកាស​អាមេរិក ដែល​ប៊ែរឡាំង​បាន​ផ្ទេរ​បញ្ជូន​មក​ឲ្យ​អ៊ុយក្រែន។